शृङ्गैर् महर्षभौ यद्वद् दन्ताग्रैर् इव कुञ्जरौ । परस्परं विनिघ्नन्तौ नरराक्षससत्तमौ ॥
ततो ऽर्जुनेन क्रुद्धेन सर्वप्राणेन सा गदा । स्तनयोर् अन्तरे मुक्ता रावणस्य महाहवे ॥
वरदानकृतत्राणे सा गदा रावणोरसि । दुर्बलेव यथा सेना द्विधाभूतापतत् क्षितौ ॥
स त्व् अर्जुनप्रमुक्तेन गदापातेन रावणः । अपासर्पद् धनुर्मात्रं निषसाअद च निष्टनन् ॥
स विह्वलं तद् आलक्ष्य दशग्रीवं ततो ऽर्जुनः । सहसा प्रतिजग्राह गरुत्मान् इव पन्नगम् ॥
स तं बाहुसहस्रेण बलाद् गृह्य दशाननम् । बबन्ध बलवान् राजा बलिं नारायणो यथा ॥
बध्यमाने दशग्रीवे सिद्धचारणदेवताः । साध्वीति वादिनः पुष्पैः किरन्त्य् अर्जुनमूर्धनि ॥
व्याघ्रो मृगम् इवादाय सिंहराड् इव दन्तिनम् । ररास हैहयो राजा हर्षाद् अम्बुदवन् मुहुः ॥
प्रहस्तस् तु समाश्वस्तो दृष्ट्वा बद्धं दशाननम् । सह तै राकसैः क्रुद्ध अभिदुद्राव पार्थिवम् ॥
नक्तंचराणां वेगस् तु तेषाम् आपततां बभौ । उद्धृत आतपापाये समुद्राणाम् इवाद्भुतः ॥
मुञ्च मुञ्चेति भाषन्तस् तिष्ठ तिष्ठेति चासकृत् । मुसलानि च शूलानि उत्ससर्जुस् तदार्जुने ॥
अप्राप्तान्य् एव तान्य् आशु असंभ्रान्तस् तदार्जुनः । आयुधान्य् अमरारीणां जग्राह रिपुसूदनः ॥
ततस् तैर् एव रक्षांसि दुर्धरैः प्रवरायुधैः । भित्त्वा विद्रावयाम् आस वायुर् अम्बुधरान् इव ॥
राक्षसांस् त्रासयित्वा तु कार्तवीर्यार्जुनस् तदा । रावणं गृह्य नगरं प्रविवेश सुहृद्वृतः ॥
स कीर्यमाणः कुसुमाक्षतोत्करैर्; द्विजैः सपौरैः पुरुहूतसंनिभः । तदार्जुनः संप्रविवेश तां पुरीं; बलिं निगृह्यैव सहस्रलोचनः ॥
śṛṅgair maharṣabhau yadvad dantāgrair iva kuñjarau | parasparaṃ vinighnantau nararākṣasasattamau ||
tato 'rjunena kruddhena sarvaprāṇena sā gadā | stanayor antare muktā rāvaṇasya mahāhave ||
varadānakṛtatrāṇe sā gadā rāvaṇorasi | durbaleva yathā senā dvidhābhūtāpatat kṣitau ||
sa tv arjunapramuktena gadāpātena rāvaṇaḥ | apāsarpad dhanurmātraṃ niṣasāada ca niṣṭanan ||
sa vihvalaṃ tad ālakṣya daśagrīvaṃ tato 'rjunaḥ | sahasā pratijagrāha garutmān iva pannagam ||
sa taṃ bāhusahasreṇa balād gṛhya daśānanam | babandha balavān rājā baliṃ nārāyaṇo yathā ||
badhyamāne daśagrīve siddhacāraṇadevatāḥ | sādhvīti vādinaḥ puṣpaiḥ kiranty arjunamūrdhani ||
vyāghro mṛgam ivādāya siṃharāḍ iva dantinam | rarāsa haihayo rājā harṣād ambudavan muhuḥ ||
prahastas tu samāśvasto dṛṣṭvā baddhaṃ daśānanam | saha tai rākasaiḥ kruddha abhidudrāva pārthivam ||
naktaṃcarāṇāṃ vegas tu teṣām āpatatāṃ babhau | uddhṛta ātapāpāye samudrāṇām ivādbhutaḥ ||
muñca muñceti bhāṣantas tiṣṭha tiṣṭheti cāsakṛt | musalāni ca śūlāni utsasarjus tadārjune ||
aprāptāny eva tāny āśu asaṃbhrāntas tadārjunaḥ | āyudhāny amarārīṇāṃ jagrāha ripusūdanaḥ ||
tatas tair eva rakṣāṃsi durdharaiḥ pravarāyudhaiḥ | bhittvā vidrāvayām āsa vāyur ambudharān iva ||
rākṣasāṃs trāsayitvā tu kārtavīryārjunas tadā | rāvaṇaṃ gṛhya nagaraṃ praviveśa suhṛdvṛtaḥ ||
sa kīryamāṇaḥ kusumākṣatotkarair; dvijaiḥ sapauraiḥ puruhūtasaṃnibhaḥ | tadārjunaḥ saṃpraviveśa tāṃ purīṃ; baliṃ nigṛhyaiva sahasralocanaḥ ||
Лучшие из людей и ракшасов поражали друг друга, как два великих быка рогами или как два слона кончиками бивней. Затем разгневанный Арджуна всей своей жизненной силой метнул палицу в великой битве между грудями Раваны. Но грудь Раваны была защищена данным ему даром, и эта палица, словно слабое войско, раскололась надвое и упала на землю. Всё же от удара палицы, выпущенной Арджуной, Равана отступил на длину лука, сел и застонал. Увидев Десятишеего в смятении, Арджуна внезапно схватил его, как Гаруда змея. Сильный царь, силой захватив Десятиликого тысячей рук, связал его, как Нараяна связал Бали. Когда Десятишеего связывали, сиддхи, чараны и божества, говоря «Хорошо!», осыпали цветами голову Арджуны. Царь Хайхаев, взяв Равану как тигр зверя или как царь львов слона, снова и снова рычал от радости, словно облако. Прахаста, оправившись и увидев Десятиликого связанным, разгневанный, вместе с теми ракшасами бросился на царя. Натиск этих ночных странников был удивителен, как подъём океанов после исчезновения жара. Они кричали: «Отпусти, отпусти!» и снова и снова: «Стой, стой!» — и метнули в Арджуну песты и копья. Но уничтожитель врагов Арджуна, не смутившись, быстро схватил оружия врагов бессмертных, ещё не успевшие достигнуть его. Затем этими же трудноудержимыми лучшими оружиями он разбил ракшасов и обратил их в бегство, как ветер разгоняет облака. Устрашив ракшасов и схватив Равану, Картавирья Арджуна вошёл в город, окружённый друзьями. Осыпаемый дваждырождёнными и горожанами кучами цветов и цельного риса, подобный Пурухуте, Арджуна вошёл в тот город, словно тысячеглазый, схвативший Бали.
ba28689b1dcc · प्रकाशित 22 जून 2026, 12:00:00 am UTC
उपलब्ध भाषाएँRUश्लोक बदलें इन कुंजियों से
Пленение Раваны показывает предел дара: защита спасает от гибели, но не от унижения и поражения. Сравнение с Нараяной, связавшим Бали, подчёркивает: даже великий завоеватель оказывается связан, когда его сила сталкивается с более высоким порядком.