वैशंपायन उवाच
एवम् उक्त्वा स राजानं धर्मात्मानं युधिष्ठिरम् ॥
प्रचक्रमे निधानाय शस्त्राणां भरतर्षभ ॥
येन देवान् मनुष्यांश् च सर्पांश् चैकरथो ऽजयत् ॥
स्फीताञ्जनपदांश् चान्यान् अजयत् कुरुनन्दनः ॥
तद् उदारं महाघोषं सपत्नगणसूदनम् ॥
अपज्यम् अकरोत् पार्थो गाण्डीवम् अभयंकरम् ॥
येन वीरः कुरुक्षेत्रम् अभ्यरक्षत् परंतपः ॥
अमुञ्चद् धनुषस् तस्य ज्याम् अक्षय्यां युधिष्ठिरः ॥
पाञ्चालान् येन संग्रामे भीमसेनो ऽजयत् प्रभुः ॥
प्रत्यषेधद् बहून् एकः सपत्नांश् चैव दिग्जये ॥
निशम्य यस्य विस्फारं व्यद्रवन्त रणे परे ॥
पर्वतस्येव दीर्णस्य विस्फोटम् अशनेर् इव ॥
सैन्धवं येन राजानं परामृषत चानघ ॥
ज्यापाशं धनुषस् तस्य भीमसेनो ऽवतारयत् ॥
अजयत् पश्चिमाम् आशां धनुषा येन पाण्डवः ॥
तस्य मौर्वीम् अपाकर्षच् छूरः संक्रन्दनो युधि ॥
दक्षिणां दक्षिणाचारो दिशं येनाजयत् प्रभुः ॥
अपज्यम् अकरोद् वीरः सहदेवस् तदायुधम् ॥
खड्गांश् च पीतान् दीर्घांश् च कलापांश् च महाधनान् ॥
विपाठान् क्षुरधारांश् च धनुर्भिर् निदधुः सह ॥
vaiśaṃpāyana uvāca
evam uktvā sa rājānaṃ dharmātmānaṃ yudhiṣṭhiram ||
pracakrame nidhānāya śastrāṇāṃ bharatarṣabha ||
yena devān manuṣyāṃś ca sarpāṃś caikaratho 'jayat ||
sphītāñjanapadāṃś cānyān ajayat kurunandanaḥ ||
tad udāraṃ mahāghoṣaṃ sapatnagaṇasūdanam ||
apajyam akarot pārtho gāṇḍīvam abhayaṃkaram ||
yena vīraḥ kurukṣetram abhyarakṣat paraṃtapaḥ ||
amuñcad dhanuṣas tasya jyām akṣayyāṃ yudhiṣṭhiraḥ ||
pāñcālān yena saṃgrāme bhīmaseno 'jayat prabhuḥ ||
pratyaṣedhad bahūn ekaḥ sapatnāṃś caiva digjaye ||
niśamya yasya visphāraṃ vyadravanta raṇe pare ||
parvatasyeva dīrṇasya visphoṭam aśaner iva ||
saindhavaṃ yena rājānaṃ parāmṛṣata cānagha ||
jyāpāśaṃ dhanuṣas tasya bhīmaseno 'vatārayat ||
ajayat paścimām āśāṃ dhanuṣā yena pāṇḍavaḥ ||
tasya maurvīm apākarṣac chūraḥ saṃkrandano yudhi ||
dakṣiṇāṃ dakṣiṇācāro diśaṃ yenājayat prabhuḥ ||
apajyam akarod vīraḥ sahadevas tadāyudham ||
khaḍgāṃś ca pītān dīrghāṃś ca kalāpāṃś ca mahādhanān ||
vipāṭhān kṣuradhārāṃś ca dhanurbhir nidadhuḥ saha ||
Сказав так царю Юдхиштхире, праведному душой, Арджуна, бык Бхаратов, начал складывать оружие. Он снял тетиву с благородного, громогласного, уничтожающего врагов Гандивы, внушающего бесстрашие, которым один на колеснице побеждал богов, людей, змей и другие богатые страны. С того лука, которым герой-подвижник защищал Курукшетру, Юдхиштхира снял неистощимую тетиву. С того лука, которым Бхимасена в битве победил Панчалов и один удерживал множество врагов во время завоевания сторон света, с того лука, от звона которого враги разбегались в бою, как от раската раскалывающейся горы или удара молнии, и которым он коснулся царя Сайндхавы, безупречный Бхимасена снял ремень тетивы. С лука, которым Пандава завоевал западную сторону, храбрый Самкрандана снял тетиву; с оружия, которым праведный герой Сахадева завоевал южную сторону, он тоже снял тетиву. Жёлтые и длинные мечи, дорогие колчаны, широкие и бритвенно-острые стрелы они сложили вместе с луками».
34a31dc204cb · опубликовано 16 июл. 2026 г., 17:58:59 UTC
Доступно наRUENЛистайте стихи клавишами
Текст перечисляет оружие как память о прежних победах. Пряча его, Пандавы не уничтожают прошлое; они помещают его в ожидание.