वैशंपायन उवाच
तमसाभिप्लुते लोके रजसा चैव भारत ॥
व्यतिष्ठन् वै मुहूर्तं तु व्यूढानीकाः प्रहारिणः ॥
ततो ऽन्धकारं प्रणुदन्न् उदतिष्ठत चन्द्रमाः ॥
कुर्वाणो विमलां रात्रिं नन्दयन् क्षत्रियान् युधि ॥
ततः प्रकाशम् आसाद्य पुनर् युद्धम् अवर्तत ॥
घोररूपं ततस् ते स्म नावेक्षन्त परस्परम् ॥
ततः सुशर्मा त्रैगर्तः सह भ्रात्रा यवीयसा ॥
अभ्यद्रवन् मत्स्यराजं रथव्रातेन सर्वशः ॥
ततो रथाभ्यां प्रस्कन्द्य भ्रातरौ क्षत्रियर्षभौ ॥
गदापाणी सुसंरब्धौ समभ्यद्रवतां हयान् ॥
तथैव तेषां तु बलानि तानि; क्रुद्धान्य् अथान्योन्यम् अभिद्रवन्ति ॥
गदासिखड्गैश् च परश्वधैश् च; प्रासैश् च तीक्ष्णाग्रसुपीतधारैः ॥
बलं तु मत्स्यस्य बलेन राजा; सर्वं त्रिगर्ताधिपतिः सुशर्मा ॥
प्रमथ्य जित्वा च प्रसह्य मत्स्यं; विराटम् ओजस्विनम् अभ्यधावत् ॥
तौ निहत्य पृथग् धुर्याव् उभौ च पार्ष्णिसारथी ॥
विरथं मत्स्यराजानं जीवग्राहम् अगृह्णताम् ॥
तम् उन्मथ्य सुशर्मा तु रुदतीं वधुकाम् इव ॥
स्यन्दनं स्वं समारोप्य प्रययौ शीघ्रवाहनः ॥
तस्मिन् गृहीते विरथे विराटे बलवत्तरे ॥
प्राद्रवन्त भयान् मत्स्यास् त्रिगर्तैर् अर्दिता भृशम् ॥
vaiśaṃpāyana uvāca
tamasābhiplute loke rajasā caiva bhārata ||
vyatiṣṭhan vai muhūrtaṃ tu vyūḍhānīkāḥ prahāriṇaḥ ||
tato 'ndhakāraṃ praṇudann udatiṣṭhata candramāḥ ||
kurvāṇo vimalāṃ rātriṃ nandayan kṣatriyān yudhi ||
tataḥ prakāśam āsādya punar yuddham avartata ||
ghorarūpaṃ tatas te sma nāvekṣanta parasparam ||
tataḥ suśarmā traigartaḥ saha bhrātrā yavīyasā ||
abhyadravan matsyarājaṃ rathavrātena sarvaśaḥ ||
tato rathābhyāṃ praskandya bhrātarau kṣatriyarṣabhau ||
gadāpāṇī susaṃrabdhau samabhyadravatāṃ hayān ||
tathaiva teṣāṃ tu balāni tāni; kruddhāny athānyonyam abhidravanti ||
gadāsikhaḍgaiś ca paraśvadhaiś ca; prāsaiś ca tīkṣṇāgrasupītadhāraiḥ ||
balaṃ tu matsyasya balena rājā; sarvaṃ trigartādhipatiḥ suśarmā ||
pramathya jitvā ca prasahya matsyaṃ; virāṭam ojasvinam abhyadhāvat ||
tau nihatya pṛthag dhuryāv ubhau ca pārṣṇisārathī ||
virathaṃ matsyarājānaṃ jīvagrāham agṛhṇatām ||
tam unmathya suśarmā tu rudatīṃ vadhukām iva ||
syandanaṃ svaṃ samāropya prayayau śīghravāhanaḥ ||
tasmin gṛhīte virathe virāṭe balavattare ||
prādravanta bhayān matsyās trigartair arditā bhṛśam ||
Вайшампаяна сказал: «Когда мир был покрыт тьмой и пылью, Бхарата, построенные войска, готовые бить, стояли лишь мгновение. Потом взошла луна, разгоняя темноту, делая ночь чистой и радуя кшатриев в бою. Получив свет, они снова начали битву, страшную видом, и уже не смотрели друг на друга. Тогда тригарт Сушарман вместе с младшим братом со всех сторон бросился на царя Матсьев скоплением колесниц. Два брата, быки среди кшатриев, соскочив с колесниц, с палицами в руках и сильно разгневанные, напали на коней. Так же разгневанные войска устремились друг на друга с палицами, мечами, топорами, копьями с острыми, хорошо отточенными наконечниками. Царь Сушарман, владыка тригартов, смяв и победив всю силу Матсьи, силой напал на могучего Вирату. Убив отдельно обеих упряжных лошадей и обоих задних возниц, они взяли царя Матсьев живым, лишённым колесницы. Сушарман, сорвав его с места, словно плачущую молодую женщину, посадил на свою колесницу и поехал на быстрых конях. Когда могучий Вирата был взят живым и лишён колесницы, Матсьи, сильно теснимые тригартами, в страхе побежали».
dee36f5d0666 · опубликовано 16 июл. 2026 г., 18:23:49 UTC
Доступно наRUENЛистайте стихи клавишами
Сила Вираты оказывается недостаточной, когда удача поворачивается. Но именно это открывает место для благодарности: Пандавы смогут вернуть долг царю, который дал им убежище.