वासुदेव उवाच
उपासितास् ते राधेय ब्राह्मणा वेदपारगाः ॥
तत्त्वार्थं परिपृष्टाश् च नियतेनानसूयया ॥
त्वम् एव कर्ण जानासि वेदवादान् सनातनान् ॥
त्वं ह्य् एव धर्मशास्त्रेषु सूक्ष्मेषु परिनिष्ठितः ॥
कानीनश् च सहोढश् च कन्यायां यश् च जायते ॥
वोढारं पितरं तस्य प्राहुः शास्त्रविदो जनाः ॥
सो ऽसि कर्ण तथा जातः पाण्डोः पुत्रो ऽसि धर्मतः ॥
निग्रहाद् धर्मशास्त्राणाम् एहि राजा भविष्यसि ॥
पितृपक्षे हि ते पार्था मातृपक्षे च वृष्णयः ॥
द्वौ पक्षाव् अभिजानीहि त्वम् एतौ पुरुषर्षभ ॥
vāsudeva uvāca
upāsitās te rādheya brāhmaṇā vedapāragāḥ ||
tattvārthaṃ paripṛṣṭāś ca niyatenānasūyayā ||
tvam eva karṇa jānāsi vedavādān sanātanān ||
tvaṃ hy eva dharmaśāstreṣu sūkṣmeṣu pariniṣṭhitaḥ ||
kānīnaś ca sahoḍhaś ca kanyāyāṃ yaś ca jāyate ||
voḍhāraṃ pitaraṃ tasya prāhuḥ śāstravido janāḥ ||
so 'si karṇa tathā jātaḥ pāṇḍoḥ putro 'si dharmataḥ ||
nigrahād dharmaśāstrāṇām ehi rājā bhaviṣyasi ||
pitṛpakṣe hi te pārthā mātṛpakṣe ca vṛṣṇayaḥ ||
dvau pakṣāv abhijānīhi tvam etau puruṣarṣabha ||
Васудева сказал: «О Радхея, ты почитал брахманов, знатоков Вед, и без зависти, сдержанно расспрашивал их о подлинном смысле истины. Ты сам, о Карна, знаешь вечные речения Вед; ты хорошо сведущ в тонких наставлениях о дхарме. Знатоки шастр говорят, что сын, рожденный девицей, и сын, зачатый до брака и принесенный в дом мужа, имеют отцом того, кто взял эту девушку в жены. Так рожден и ты, о Карна: по дхарме ты сын Панду. По предписанию книг дхармы пойдем, и ты станешь царем. По отцовской стороне Партхи твои, а по материнской стороне Вришни твои: признай эти два рода, о лучший из людей».
c4348d55f9d6 · опубликовано 17 июл. 2026 г., 05:59:56 UTC
Доступно наRUENЛистайте стихи клавишами
Кришна обращается к Карне через его собственное знание шастр. Он не давит силой, а показывает, что по признанным нормам дхармы Карна принадлежит к дому Панду и связан с Пандавами и Вришни с двух сторон. Истина происхождения становится здесь нравственным призывом.