भीमसेने प्रविष्टे तु धृष्टद्युम्नो ऽपि पार्षतः ॥
द्रोणम् उत्सृज्य तरसा प्रययौ यत्र सौबलः ॥
विदार्य महतीं सेनां तावकानां नरर्षभः ॥
आससाद रथं शून्यं भीमसेनस्य संयुगे ॥
दृष्ट्वा विशोकं समरे भीमसेनस्य सारथिम् ॥
धृष्टद्युम्नो महाराज दुर्मना गतचेतनः ॥
अपृच्छद् बाष्पसंरुद्धो निस्वनां वाचम् ईरयन् ॥
मम प्राणैः प्रियतमः क्व भीम इति दुःखितः ॥
विशोकस् तम् उवाचेदं धृष्टद्युम्नं कृताञ्जलिः ॥
संस्थाप्य माम् इह बली पाण्डवेयः प्रतापवान् ॥
प्रविष्टो धार्तराष्ट्राणाम् एतद् बलमहार्णवम् ॥
माम् उक्त्वा पुरुषव्याघ्र प्रीतियुक्तम् इदं वचः ॥
प्रतिपालय मां सूत नियम्याश्वान् मुहूर्तकम् ॥
यावद् एतान् निहन्म्य् आशु य इमे मद्वधोद्यताः ॥
ततो दृष्ट्वा गदाहस्तं प्रधावन्तं महाबलम् ॥
सर्वेषाम् एव सैन्यानां संघर्षः समजायत ॥
तस्मिंस् तु तुमुले युद्धे वर्तमाने भयानके ॥
भित्त्वा राजन् महाव्यूहं प्रविवेश सखा तव ॥
विशोकस्य वचः श्रुत्वा धृष्टद्युम्नो ऽपि पार्षतः ॥
प्रत्युवाच ततः सूतं रणमध्ये महाबलः ॥
न हि मे विद्यते सूत जीविते ऽद्य प्रयोजनम् ॥
भीमसेनं रणे हित्वा स्नेहम् उत्सृज्य पाण्डवैः ॥
यदि यामि विना भीमं किं मां क्षत्रं वदिष्यति ॥
एकायनगते भीमे मयि चावस्थिते युधि ॥
अस्वस्ति तस्य कुर्वन्ति देवाः साग्निपुरोगमाः ॥
यः सहायान् परित्यज्य स्वस्तिमान् आव्रजेद् गृहान् ॥
मम भीमः सखा चैव संबन्धी च महाबलः ॥
भक्तो ऽस्मान् भक्तिमांश् चाहं तम् अप्य् अरिनिषूदनम् ॥
सो ऽहं तत्र गमिष्यामि यत्र यातो वृकोदरः ॥
निघ्नन्तं माम् अरीन् पश्य दानवान् इव वासवम् ॥
bhīmasene praviṣṭe tu dhṛṣṭadyumno 'pi pārṣataḥ ||
droṇam utsṛjya tarasā prayayau yatra saubalaḥ ||
vidārya mahatīṃ senāṃ tāvakānāṃ nararṣabhaḥ ||
āsasāda rathaṃ śūnyaṃ bhīmasenasya saṃyuge ||
dṛṣṭvā viśokaṃ samare bhīmasenasya sārathim ||
dhṛṣṭadyumno mahārāja durmanā gatacetanaḥ ||
apṛcchad bāṣpasaṃruddho nisvanāṃ vācam īrayan ||
mama prāṇaiḥ priyatamaḥ kva bhīma iti duḥkhitaḥ ||
viśokas tam uvācedaṃ dhṛṣṭadyumnaṃ kṛtāñjaliḥ ||
saṃsthāpya mām iha balī pāṇḍaveyaḥ pratāpavān ||
praviṣṭo dhārtarāṣṭrāṇām etad balamahārṇavam ||
mām uktvā puruṣavyāghra prītiyuktam idaṃ vacaḥ ||
pratipālaya māṃ sūta niyamyāśvān muhūrtakam ||
yāvad etān nihanmy āśu ya ime madvadhodyatāḥ ||
tato dṛṣṭvā gadāhastaṃ pradhāvantaṃ mahābalam ||
sarveṣām eva sainyānāṃ saṃgharṣaḥ samajāyata ||
tasmiṃs tu tumule yuddhe vartamāne bhayānake ||
bhittvā rājan mahāvyūhaṃ praviveśa sakhā tava ||
viśokasya vacaḥ śrutvā dhṛṣṭadyumno 'pi pārṣataḥ ||
pratyuvāca tataḥ sūtaṃ raṇamadhye mahābalaḥ ||
na hi me vidyate sūta jīvite 'dya prayojanam ||
bhīmasenaṃ raṇe hitvā sneham utsṛjya pāṇḍavaiḥ ||
yadi yāmi vinā bhīmaṃ kiṃ māṃ kṣatraṃ vadiṣyati ||
ekāyanagate bhīme mayi cāvasthite yudhi ||
asvasti tasya kurvanti devāḥ sāgnipurogamāḥ ||
yaḥ sahāyān parityajya svastimān āvrajed gṛhān ||
mama bhīmaḥ sakhā caiva saṃbandhī ca mahābalaḥ ||
bhakto 'smān bhaktimāṃś cāhaṃ tam apy ariniṣūdanam ||
so 'haṃ tatra gamiṣyāmi yatra yāto vṛkodaraḥ ||
nighnantaṃ mām arīn paśya dānavān iva vāsavam ||
Когда Бхимасена вошёл в строй, Дхриштадьюмна, сын Пришаты, стремительно оставил Дрону и направился туда, где был Саубала. Прорвав великое войско твоих людей, о лучший из людей, он наткнулся в бою на пустую колесницу Бхимасены. Увидев в битве Вишоку, возницу Бхимасены, Дхриштадьюмна, великий царь, помрачнел и лишился самообладания. Сдержанный слезами, он глухим голосом спросил: “Где Бхима, который дороже мне самой жизни?” Вишока со сложенными ладонями сказал Дхриштадьюмне: “Могучий и доблестный сын Панду оставил меня здесь и вошёл в этот великий океан войска Дхартрараштров. Он сказал мне с приязнью: ‘Подожди меня, возница; удержи коней на мгновение, пока я быстро не перебью тех, кто поднялся убить меня’”. Тогда, когда все войска увидели, как этот могучий воин с палицей в руке бросился вперёд, началось общее столкновение. Пока шла эта страшная и шумная битва, твой друг, о царь, прорвал великий строй и вошёл внутрь. Услышав слова Вишоки, могучий Дхриштадьюмна, сын Пришаты, посреди битвы ответил вознице: “Сегодня мне нет смысла жить, если я оставлю Бхимасену в бою и отброшу дружбу с Пандавами. Если я уйду без Бхимы, что скажет обо мне кшатрийство, когда Бхима прошёл по единственному пути, а я остался стоять в битве? Боги во главе с Агни посылают несчастье тому, кто бросает помощников и невредимым возвращается домой. Бхима — мой друг, родич и могучий союзник; он предан нам, и я предан этому сокрушителю врагов. Поэтому я пойду туда, куда пошёл Врикодара. Смотри, как я буду разить врагов, словно Васава — данавов”».
4f3b34ac9e14 · опубликовано 17 июл. 2026 г., 21:38:20 UTC
Доступно наRUENЛистайте стихи клавишами
Дхриштадьюмна измеряет честь не самосохранением, а верностью тем, с кем связан долгом. В такой речи дружба, родство и кшатрийская ответственность сходятся в одно решение: не оставить соратника среди врагов.