एह्य् एहि मे विप्रतीप स्पर्धसे त्वं मया सह ॥
यदि मां नाभिगच्छेथा न ते श्रेयो भवेद् ध्रुवम् ॥
कौन्तेयस् त्वं न राधेयो विदितो नारदान् मम ॥
कृष्णद्वैपायनाच् चैव केशवाच् च न संशयः ॥
न च द्वेषो ऽस्ति मे तात त्वयि सत्यं ब्रवीमि ते ॥
तेजोवधनिमित्तं तु परुषाण्य् अहम् उक्तवान् ॥
अकस्मात् पाण्डवान् हि त्वं द्विषसीति मतिर् मम ॥
येनासि बहुशो रूक्षं चोदितः सूर्यनन्दन ॥
जानामि समरे वीर्यं शत्रुभिर् दुःसहं तव ॥
ब्रह्मण्यतां च शौर्यं च दाने च परमां गतिम् ॥
न त्वया सदृशः कश् चित् पुरुषेष्व् अमरोपम ॥
कुलभेदं च मत्वाहं सदा परुषम् उक्तवान् ॥
इष्वस्त्रे भारसंधाने लाघवे ऽस्त्रबले तथा ॥
सदृशः फल्गुनेनासि कृष्णेन च महात्मना ॥
ehy ehi me vipratīpa spardhase tvaṃ mayā saha ||
yadi māṃ nābhigacchethā na te śreyo bhaved dhruvam ||
kaunteyas tvaṃ na rādheyo vidito nāradān mama ||
kṛṣṇadvaipāyanāc caiva keśavāc ca na saṃśayaḥ ||
na ca dveṣo 'sti me tāta tvayi satyaṃ bravīmi te ||
tejovadhanimittaṃ tu paruṣāṇy aham uktavān ||
akasmāt pāṇḍavān hi tvaṃ dviṣasīti matir mama ||
yenāsi bahuśo rūkṣaṃ coditaḥ sūryanandana ||
jānāmi samare vīryaṃ śatrubhir duḥsahaṃ tava ||
brahmaṇyatāṃ ca śauryaṃ ca dāne ca paramāṃ gatim ||
na tvayā sadṛśaḥ kaś cit puruṣeṣv amaropama ||
kulabhedaṃ ca matvāhaṃ sadā paruṣam uktavān ||
iṣvastre bhārasaṃdhāne lāghave 'strabale tathā ||
sadṛśaḥ phalgunenāsi kṛṣṇena ca mahātmanā ||
«Подойди, подойди, мой противник. Ты соперничал со мной; если бы ты не пришёл ко мне, несомненно, тебе не было бы блага. Ты Каунтея, не Радхея: это известно мне от Нарады, от Кришны-Двайпаяны и от Кешавы, без сомнения. У меня нет ненависти к тебе, дитя; я говорю тебе правду. Резкие слова я произносил лишь для того, чтобы умерить твою мощь. Моё мнение было таково: ты без причины ненавидишь Пандавов. Поэтому, сын Солнца, я много раз сурово укорял тебя. Я знаю твою доблесть в битве, невыносимую для врагов, твоё благочестие, храбрость и высшее совершенство в щедрости. Среди людей, богоподобный, нет никого равного тебе. Думая о различии рода, я всегда говорил с тобой сурово. В искусстве стрел, в натяжении тяжёлого лука, в быстроте и силе оружия ты равен Пхалгуне и великодушному Кришне».
9adfba995245 · опубликовано 17 июл. 2026 г., 22:03:51 UTC
Доступно наRUENЛистайте стихи клавишами
Бхишма снимает внешнюю вражду и открывает скрытую правду о Карне. Его прежняя суровость была не ненавистью, а попыткой остановить силу, направленную против собственных братьев.