तस्माद् भीष्मवधे चैव द्रोणस्य च महात्मनः ॥
नात्र शेषं प्रपश्यामि सूतपुत्रे हते युधि ॥
स हि पारं महान् आसीत् पुत्राणां मम संजय ॥
युद्धे विनिहतः शूरो विसृजन् सायकान् बहून् ॥
को हि मे जीवितेनार्थस् तम् ऋते पुरुषर्षभम् ॥
रथाद् अतिरथो नूनम् अपतत् सायकार्दितः ॥
पर्वतस्येव शिखरं वज्रपातविदारितम् ॥
शयीत पृथिवीं नूनं शोभयन् रुधिरोक्षितः ॥
मातङ्ग इव मत्तेन मातङ्गेन निपातितः ॥
यद् बलं धार्तराष्ट्राणां पाण्डवानां यतो भयम् ॥
सो ऽर्जुनेन हतः कर्णः प्रतिमानं धनुष्मताम् ॥
स हि वीरो महेष्वासः पुत्राणाम् अभयंकरः ॥
शेते विनिहतो वीरः शक्रेणेव यथा बलः ॥
पङ्गोर् इवाध्वगमनं दरिद्रस्येव कामितम् ॥
दुर्योधनस्य चाकूतं तृषितस्येव पिप्लुकाः ॥
अन्यथा चिन्तितं कार्यम् अन्यथा तत् तु जायते ॥
अहो नु बलवद् दैवं कालश् च दुरतिक्रमः ॥
tasmād bhīṣmavadhe caiva droṇasya ca mahātmanaḥ ||
nātra śeṣaṃ prapaśyāmi sūtaputre hate yudhi ||
sa hi pāraṃ mahān āsīt putrāṇāṃ mama saṃjaya ||
yuddhe vinihataḥ śūro visṛjan sāyakān bahūn ||
ko hi me jīvitenārthas tam ṛte puruṣarṣabham ||
rathād atiratho nūnam apatat sāyakārditaḥ ||
parvatasyeva śikharaṃ vajrapātavidāritam ||
śayīta pṛthivīṃ nūnaṃ śobhayan rudhirokṣitaḥ ||
mātaṅga iva mattena mātaṅgena nipātitaḥ ||
yad balaṃ dhārtarāṣṭrāṇāṃ pāṇḍavānāṃ yato bhayam ||
so 'rjunena hataḥ karṇaḥ pratimānaṃ dhanuṣmatām ||
sa hi vīro maheṣvāsaḥ putrāṇām abhayaṃkaraḥ ||
śete vinihato vīraḥ śakreṇeva yathā balaḥ ||
paṅgor ivādhvagamanaṃ daridrasyeva kāmitam ||
duryodhanasya cākūtaṃ tṛṣitasyeva piplukāḥ ||
anyathā cintitaṃ kāryam anyathā tat tu jāyate ||
aho nu balavad daivaṃ kālaś ca duratikramaḥ ||
«После гибели Бхишмы и великого Дроны, когда в бою убит сын суты, я больше не вижу никакой опоры. Он был великой переправой для моих сыновей, Санджая; этот герой был убит в битве, выпуская множество стрел. Какая мне польза жить без него, лучшего из людей? Несомненно, этот атиратха упал с колесницы, истерзанный стрелами, словно горная вершина, рассечённая ударом ваджры. Окровавленный и сияющий, он, наверное, лежит на земле, словно слон, поваленный бешеным слоном. Карна, мерило лучников, был той силой сыновей Дхритараштры, от которой Пандавы испытывали страх, и он сражён Арджуной. Этот герой, великий лучник, дававший моим сыновьям бесстрашие, лежит убитый, словно Бала, поверженный Шакрой. Замысел Дурьодханы стал как путь для хромого, как желанное для бедняка, как капли воды для жаждущего. Дело было задумано иначе, но вышло иначе. О, как сильна судьба и как непреодолимо время!»
20fcfb736d3a · опубликовано 20 июн. 2026 г., 03:36:36 UTC
Доступно наRUЛистайте стихи клавишами
Дхритараштра начинает видеть, что стратегия Дурьодханы была зависима от одной опоры. Когда Карна падает, весь замысел оказывается подобен желанию без средства к исполнению.