तस्माच्छतगुणा गङ्गा काश्यामुत्तरवाहिनी । काश्याः शतगुणा प्रोक्ता गङ्गायमुनसङ्गमे ॥
सा सहस्रगुणा तासां भवेत्पश्चिमवाहिनी । या राजन्दर्शनादेव ब्रह्महत्यापहारिणी ॥
या पश्चाद्वाहिनी गङ्गा कालिन्द्या सह सङ्गता । हन्ति कोटिकृतं पापं सा माघे नृप दुर्लभा ॥
यत्कथ्यतेऽमृतं राजन्सा वेणी भुवि कीर्तिता । तस्यां माघे मुहूर्तं तु देवानामपि दुर्लभम् ॥
ब्रह्मा विष्णुर्महादेवो रुद्रादित्यमरुद्गणाः । गन्धर्वा लोकपालाश्च यक्षकिन्नरपन्नगाः ॥ अणिमादिगुणैः सिद्धा ये चान्ये तत्त्ववादिनः । ब्रह्माणी पार्वती लक्ष्मीः शची मेनादितिर्दितिः ॥
सर्वास्ता देवपत्न्यश्च तथा नागाङ्गना नृप । घृताची मेनका रम्भा उर्वशी च तिलोत्तमा ॥
गणा ह्यप्सरसां सर्वे पितॄणां च गणास्तथा । स्नातुमायान्ति ते सर्वे माघे वेण्यां नराधिप ॥
कृते युगे स्वरूपेण कलौ प्रच्छन्नरूपिणः । प्रयागे माघमासे तु त्र्यहस्नानस्य यत्फलम् ॥
tasmācchataguṇā gaṅgā kāśyāmuttaravāhinī | kāśyāḥ śataguṇā proktā gaṅgāyamunasaṅgame ||
sā sahasraguṇā tāsāṃ bhavetpaścimavāhinī | yā rājandarśanādeva brahmahatyāpahāriṇī ||
yā paścādvāhinī gaṅgā kālindyā saha saṅgatā | hanti koṭikṛtaṃ pāpaṃ sā māghe nṛpa durlabhā ||
yatkathyate'mṛtaṃ rājansā veṇī bhuvi kīrtitā | tasyāṃ māghe muhūrtaṃ tu devānāmapi durlabham ||
brahmā viṣṇurmahādevo rudrādityamarudgaṇāḥ | gandharvā lokapālāśca yakṣakinnarapannagāḥ || aṇimādiguṇaiḥ siddhā ye cānye tattvavādinaḥ | brahmāṇī pārvatī lakṣmīḥ śacī menāditirditiḥ ||
sarvāstā devapatnyaśca tathā nāgāṅganā nṛpa | ghṛtācī menakā rambhā urvaśī ca tilottamā ||
gaṇā hyapsarasāṃ sarve pitṝṇāṃ ca gaṇāstathā | snātumāyānti te sarve māghe veṇyāṃ narādhipa ||
kṛte yuge svarūpeṇa kalau pracchannarūpiṇaḥ | prayāge māghamāse tu tryahasnānasya yatphalam ||
«В сто раз святее её Ганга, текущая на север в Каши; во сто раз святее Каши названо слияние Ганги с Ямуной. В тысячу раз святее их та, что течёт на запад и одним лишь видением уносит убийство брахмана, о царь. Та Ганга, что течёт на запад и сошлась с Калинди, губит грех, сотворённый крором; в магху она труднодостижима, о царь. То, что называют амритой, о царь, названо на земле Вени; и мухурта в ней в магху труднодостижима даже богам. Брахма, Вишну, Махадева, сонмы Рудр, Адитьев и Марутов, гандхарвы и хранители мира, якши, киннары и наги; сиддхи с анимой и прочими силами и иные, говорящие об истине; Брахмани, Парвати, Лакшми, Шачи, Мена, Адити, Дити, все супруги богов и женщины нагов, о царь; Гхритачи, Менака, Рамбха, Урваши и Тилоттама, все сонмы апсар и сонмы предков — все они приходят омыться в магху в Вени, о владыка людей: в криту-югу в своём облике, а в кали — в сокрытом. Какой плод от трёхдневного омовения в Праяге в месяц магху…»
4dca1f0627d7 · опубликовано 3 сент. 2026 г., 04:13:59 UTC
Доступно наRUЛистайте стихи клавишами
Длинный список богов, приходящих мыться, кончается неожиданно: в кали они приходят в сокрытом виде. То есть тот, кто стоит рядом в толпе на берегу, может оказаться кем угодно, и узнать нельзя. Отсюда и осторожность, с какой в этих главах говорят о соседях по воде.