इन्द्र उवाच
सर्वं व्याप्तम् इदं देवा वृत्रेण जगद् अव्ययम् ॥
न ह्य् अस्य सदृशं किं चित् प्रतिघाताय यद् भवेत् ॥
समर्थो ह्य् अभवं पूर्वम् असमर्थो ऽस्मि सांप्रतम् ॥
कथं कुर्यां नु भद्रं वो दुष्प्रधर्षः स मे मतः ॥
तेजस्वी च महात्मा च युद्धे चामितविक्रमः ॥
ग्रसेत् त्रिभुवनं सर्वं सदेवासुरमानुषम् ॥
तस्माद् विनिश्चयम् इमं शृणुध्वं मे दिवौकसः ॥
विष्णोः क्षयम् उपागम्य समेत्य च महात्मना ॥
तेन संमन्त्र्य वेत्स्यामो वधोपायं दुरात्मनः ॥
शल्य उवाच
एवम् उक्ते मघवता देवाः सर्षिगणास् तदा ॥
शरण्यं शरणं देवं जग्मुर् विष्णुं महाबलम् ॥
indra uvāca
sarvaṃ vyāptam idaṃ devā vṛtreṇa jagad avyayam ||
na hy asya sadṛśaṃ kiṃ cit pratighātāya yad bhavet ||
samartho hy abhavaṃ pūrvam asamartho 'smi sāṃpratam ||
kathaṃ kuryāṃ nu bhadraṃ vo duṣpradharṣaḥ sa me mataḥ ||
tejasvī ca mahātmā ca yuddhe cāmitavikramaḥ ||
graset tribhuvanaṃ sarvaṃ sadevāsuramānuṣam ||
tasmād viniścayam imaṃ śṛṇudhvaṃ me divaukasaḥ ||
viṣṇoḥ kṣayam upāgamya sametya ca mahātmanā ||
tena saṃmantrya vetsyāmo vadhopāyaṃ durātmanaḥ ||
śalya uvāca
evam ukte maghavatā devāḥ sarṣigaṇās tadā ||
śaraṇyaṃ śaraṇaṃ devaṃ jagmur viṣṇuṃ mahābalam ||
Indra said: 'This whole imperishable universe, O gods, is pervaded by Vritra. There is nothing that could match him in resisting him. Formerly I was capable, but now I am not. What good can I do for you? I consider him unassailable. Mighty and magnanimous, possessed of immeasurable strength in battle, he will be able to devour all three worlds together with the gods, asuras, and men. Therefore listen, O celestials, to this decision of mine. Going to the abode of Vishnu, together with that great-souled Being, we must take counsel and find out how to kill this merciless wretch.' Shalya continued: 'Having said this, Indra, together with the gods and the host of rishis, went to the mighty god Vishnu, to take shelter under this protector of all.
653211a9085c · 发布于 2026年7月17日 03:22:51 UTC
可用语言RUEN用方向键翻颂
This passage (5.10.1-5) develops the central theme of the Udyoga-parva: the effort toward peace unfolds even as war becomes inevitable. Key themes: war. Dharma is revealed here through speech, the choice of envoys, faithfulness to promises, and the responsibility kings bear for the consequences of their decisions.