संजय उवाच
अभिमन्यू रथोदारः पिशङ्गैस् तुरगोत्तमैः ॥
अभिदुद्राव तेजस्वी दुर्योधनबलं महत् ॥
विकिरञ् शरवर्षाणि वारिधारा इवाम्बुदः ॥
न शेकुः समरे क्रुद्धं सौभद्रम् अरिसूदनम् ॥
शस्त्रौघिणं गाहमानं सेनासागरम् अक्षयम् ॥
निवारयितुम् अप्य् आजौ त्वदीयाः कुरुपुंगवाः ॥
तेन मुक्ता रणे राजञ् शराः शत्रुनिबर्हणाः ॥
क्षत्रियान् अनयञ् शूरान् प्रेतराजनिवेशनम् ॥
यमदण्डोपमान् घोराञ् ज्वलनाशीविषोपमान् ॥
सौभद्रः समरे क्रुद्धः प्रेषयाम् आस सायकान् ॥
रथिनं च रथात् तूर्णं हयपृष्ठाच् च सादिनम् ॥
गजारोहांश् च सगजान् पातयाम् आस फाल्गुनिः ॥
तस्य तत् कुर्वतः कर्म महत् संख्ये ऽद्भुतं नृपाः ॥
पूजयां चक्रिरे हृष्टाः प्रशशंसुश् च फाल्गुनिम् ॥
तान्य् अनीकानि सौभद्रो द्रावयन् बह्व् अशोभत ॥
तूलराशिम् इवाधूय मारुतः सर्वतोदिशम् ॥
तेन विद्राव्यमाणानि तव सैन्यानि भारत ॥
त्रातारं नाध्यगच्छन्त पङ्के मग्ना इव द्विपाः ॥
विद्राव्य सर्वसैन्यानि तावकानि नरोत्तमः ॥
अभिमन्युः स्थितो राजन् विधूमो ऽग्निर् इव ज्वलन् ॥
न चैनं तावकाः सर्वे विषेहुर् अरिघातिनम् ॥
प्रदीप्तं पावकं यद्वत् पतंगाः कालचोदिताः ॥
saṃjaya uvāca
abhimanyū rathodāraḥ piśaṅgais turagottamaiḥ ||
abhidudrāva tejasvī duryodhanabalaṃ mahat ||
vikirañ śaravarṣāṇi vāridhārā ivāmbudaḥ ||
na śekuḥ samare kruddhaṃ saubhadram arisūdanam ||
śastraughiṇaṃ gāhamānaṃ senāsāgaram akṣayam ||
nivārayitum apy ājau tvadīyāḥ kurupuṃgavāḥ ||
tena muktā raṇe rājañ śarāḥ śatrunibarhaṇāḥ ||
kṣatriyān anayañ śūrān pretarājaniveśanam ||
yamadaṇḍopamān ghorāñ jvalanāśīviṣopamān ||
saubhadraḥ samare kruddhaḥ preṣayām āsa sāyakān ||
rathinaṃ ca rathāt tūrṇaṃ hayapṛṣṭhāc ca sādinam ||
gajārohāṃś ca sagajān pātayām āsa phālguniḥ ||
tasya tat kurvataḥ karma mahat saṃkhye 'dbhutaṃ nṛpāḥ ||
pūjayāṃ cakrire hṛṣṭāḥ praśaśaṃsuś ca phālgunim ||
tāny anīkāni saubhadro drāvayan bahv aśobhata ||
tūlarāśim ivādhūya mārutaḥ sarvatodiśam ||
tena vidrāvyamāṇāni tava sainyāni bhārata ||
trātāraṃ nādhyagacchanta paṅke magnā iva dvipāḥ ||
vidrāvya sarvasainyāni tāvakāni narottamaḥ ||
abhimanyuḥ sthito rājan vidhūmo 'gnir iva jvalan ||
na cainaṃ tāvakāḥ sarve viṣehur arighātinam ||
pradīptaṃ pāvakaṃ yadvat pataṃgāḥ kālacoditāḥ ||
Sanjaya said: 'Abhimanyu, majestic upon his chariot, radiant, mounted on superb bay horses, charged against the great army of Duryodhana, scattering showers of arrows as a cloud pours down streams of rain. In battle your finest Kurus could not even restrain the enraged Saubhadra, destroyer of foes, as he plunged like a torrent of weapons into the inexhaustible ocean of the army. The arrows he loosed upon the field, O king, destroyed the enemy and led brave kshatriyas away to the abode of the king of the dead. The enraged Saubhadra, in the fight, sent forth arrows terrible as the rod of Yama, like fire and serpent venom. The son of Phalguna swiftly cast riders down from their chariots, horsemen from their horses' backs, and elephant-riders together with their elephants. As he performed this great and wondrous feat in battle, the kings rejoiced, honored the son of Arjuna, and praised him. Scattering these divisions, Saubhadra shone brightly, like the wind scattering a heap of cotton in every direction. Your armies, O Bharata, driven before him, found no protector, like elephants sunk in a mire. Having scattered all your armies, Abhimanyu, best of men, stood, O king, blazing like a smokeless fire. And none of your men could withstand this destroyer of foes, just as moths driven by time cannot endure a blazing fire.'
ea01963eab72 · 发布于 2026年7月17日 21:47:12 UTC
可用语言RUEN用方向键翻颂
Here Abhimanyu appears as the young but already unstoppable strength of the Pandavas. His brilliance is not mere ornament: it belongs to the clarity of action, as the warrior enters the very flood of weapons and turns a great army into a helpless mass.