दद्यादेकपलादूर्ध्वं यथाशक्ति विमत्सरः । धान्यपर्वतवत्सर्वं विदध्याद्राजसत्तम
विष्कंभशैलांस्तद्वच्च ऋत्विग्भ्यः प्रतिपादयेत् । नमस्ते सर्वबीजाय ब्रह्मगर्भाय वै नमः
यस्मादनंतफलदस्तस्मात्पाहि शिलोच्चय । यस्मादग्नेरपत्यं त्वं यस्मात्पुत्रो जगत्पतेः
हेमपर्वतरूपेण तस्मात्पाहि नगोत्तम । अनेन विधिना यस्तु दद्यात्कनकपर्वतम्
स याति परमं ब्रह्मलोकमानंदकारकम् । तत्र कल्पशतं तिष्ठेत्ततो याति परां गतिम्
अथातः संप्रवक्ष्यामि तिलशैलं विधानतः । यत्प्रदानान्नरो याति विष्णुलोकमनुत्तमम्
उत्तमो दशभिर्द्रोणैर्मध्यमः पंचभिः स्मृतः । त्रिभिः कनिष्ठो राजेंद्र तिलशैलः प्रकीर्तितः
पूर्ववच्चापरं सर्वं विष्कंभपर्वतादिकम् । दानमंत्रं प्रवक्ष्यामि यथा च तन्नृपपुंगव
यस्मान्मधुवधे विष्णोर्देहस्वेदसमुद्भवाः । तिलाः कुशाश्च माषाश्च तस्माच्छांतिप्रदो भव
हव्यकव्येषु यस्माच्च तिला एव हि रक्षणम् । लक्ष्मीं च कुरु शैलेंद्र तिलाचल नमोस्तु ते
इत्यामंत्र्य च यो दद्यात्तिलाचलमनुत्तमम् । स वैष्णवं पदं याति पुनरावृत्तिदुर्लभम्
कार्पासपर्वतश्चैव विंशद्भारैरिहोत्तमः । दशभिर्मध्यमः प्रोक्तः कनिष्ठः पंचभिर्मतः
भारेणाल्पधनो दद्याद्वित्तशाठ्यविवर्जितः । धान्यपर्वतवत्सर्वमासाद्य राजसत्तम
प्रभातायां च शर्वर्या दद्यादिदमुदीरयेत् । त्वमेवावरणं यस्माल्लोकानामिह सर्वदा
कार्पासाद्रे नमस्तस्मादघौघध्वंसनो भव । इति कार्पास शैलेंद्रं यो दद्याच्छर्वसंनिधौ
रुद्रलोके वसेत्कल्पं ततो राजा भवेदिह । अथातः संप्रवक्ष्यामि घृताचलमनुत्तमम्
तेजोमयं घृतं पुण्यं महापातकनाशनम् । विंशत्या घृतकुंभानामुत्तमः स्याद्घृताचलः
दशभिर्मध्यमः प्रोक्तः पंचभिस्त्वधमः स्मृतः । अल्पवित्तोपि कुर्वीत द्वाभ्यामिह विधानतः
विष्कंभपर्वतांस्तद्वच्चतुर्थांशेन कल्पयेत् । शालितंडुलपात्राणि कुंभोपरि निवेशयेत्
कारयेत्संहतानुच्चान्यथाशोभं विधानतः । वेष्टयेच्छुक्लवासोभिरिक्षुदंडफलादिकैः
धान्यपर्वतवत्सर्वं विधानमिह पठ्यते । अधिवासनपूर्वं हि तद्वद्धोमसुरार्चनम्
प्रभातायां च शर्वर्यां गुरवे विनिवेदयेत् । विष्कंभपर्वतांस्तद्वदृत्विग्भ्यः शांतमानसः
संयोगाद्घृतमुत्पन्नं यस्मादमृततेजसि । तस्माद्घृतार्चिर्विश्वात्मा प्रीयतामत्र शंकरः
यस्मात्तेजोमयं ब्रह्मघृते चैव व्यवस्थितम् । घृतपर्वतरूपेण तस्मान्नः पाहि भूधर
अनेन विधिना दद्याद् घृताचलमनुत्तमम् । महापातकयुक्तोपि लोकमायाति शांभवम्
हंससारसयुक्तेन किंकिणीजालमालिना । विमानेनाप्सरोभिश्च सिद्धविद्याधरैर्वृतः
विचरेत्पितृभिः सार्धं यावदाभूतसंप्लवम् । अथातः संप्रवक्ष्यामि रत्नाचलमनुत्तमम्
dadyādekapalādūrdhvaṃ yathāśakti vimatsaraḥ | dhānyaparvatavatsarvaṃ vidadhyādrājasattama
viṣkaṃbhaśailāṃstadvacca ṛtvigbhyaḥ pratipādayet | namaste sarvabījāya brahmagarbhāya vai namaḥ
yasmādanaṃtaphaladastasmātpāhi śiloccaya | yasmādagnerapatyaṃ tvaṃ yasmātputro jagatpateḥ
hemaparvatarūpeṇa tasmātpāhi nagottama | anena vidhinā yastu dadyātkanakaparvatam
sa yāti paramaṃ brahmalokamānaṃdakārakam | tatra kalpaśataṃ tiṣṭhettato yāti parāṃ gatim
athātaḥ saṃpravakṣyāmi tilaśailaṃ vidhānataḥ | yatpradānānnaro yāti viṣṇulokamanuttamam
uttamo daśabhirdroṇairmadhyamaḥ paṃcabhiḥ smṛtaḥ | tribhiḥ kaniṣṭho rājeṃdra tilaśailaḥ prakīrtitaḥ
pūrvavaccāparaṃ sarvaṃ viṣkaṃbhaparvatādikam | dānamaṃtraṃ pravakṣyāmi yathā ca tannṛpapuṃgava
yasmānmadhuvadhe viṣṇordehasvedasamudbhavāḥ | tilāḥ kuśāśca māṣāśca tasmācchāṃtiprado bhava
havyakavyeṣu yasmācca tilā eva hi rakṣaṇam | lakṣmīṃ ca kuru śaileṃdra tilācala namostu te
ityāmaṃtrya ca yo dadyāttilācalamanuttamam | sa vaiṣṇavaṃ padaṃ yāti punarāvṛttidurlabham
kārpāsaparvataścaiva viṃśadbhārairihottamaḥ | daśabhirmadhyamaḥ proktaḥ kaniṣṭhaḥ paṃcabhirmataḥ
bhāreṇālpadhano dadyādvittaśāṭhyavivarjitaḥ | dhānyaparvatavatsarvamāsādya rājasattama
prabhātāyāṃ ca śarvaryā dadyādidamudīrayet | tvamevāvaraṇaṃ yasmāllokānāmiha sarvadā
kārpāsādre namastasmādaghaughadhvaṃsano bhava | iti kārpāsa śaileṃdraṃ yo dadyāccharvasaṃnidhau
rudraloke vasetkalpaṃ tato rājā bhavediha | athātaḥ saṃpravakṣyāmi ghṛtācalamanuttamam
tejomayaṃ ghṛtaṃ puṇyaṃ mahāpātakanāśanam | viṃśatyā ghṛtakuṃbhānāmuttamaḥ syādghṛtācalaḥ
daśabhirmadhyamaḥ proktaḥ paṃcabhistvadhamaḥ smṛtaḥ | alpavittopi kurvīta dvābhyāmiha vidhānataḥ
viṣkaṃbhaparvatāṃstadvaccaturthāṃśena kalpayet | śālitaṃḍulapātrāṇi kuṃbhopari niveśayet
kārayetsaṃhatānuccānyathāśobhaṃ vidhānataḥ | veṣṭayecchuklavāsobhirikṣudaṃḍaphalādikaiḥ
dhānyaparvatavatsarvaṃ vidhānamiha paṭhyate | adhivāsanapūrvaṃ hi tadvaddhomasurārcanam
prabhātāyāṃ ca śarvaryāṃ gurave vinivedayet | viṣkaṃbhaparvatāṃstadvadṛtvigbhyaḥ śāṃtamānasaḥ
saṃyogādghṛtamutpannaṃ yasmādamṛtatejasi | tasmādghṛtārcirviśvātmā prīyatāmatra śaṃkaraḥ
yasmāttejomayaṃ brahmaghṛte caiva vyavasthitam | ghṛtaparvatarūpeṇa tasmānnaḥ pāhi bhūdhara
anena vidhinā dadyād ghṛtācalamanuttamam | mahāpātakayuktopi lokamāyāti śāṃbhavam
haṃsasārasayuktena kiṃkiṇījālamālinā | vimānenāpsarobhiśca siddhavidyādharairvṛtaḥ
vicaretpitṛbhiḥ sārdhaṃ yāvadābhūtasaṃplavam | athātaḥ saṃpravakṣyāmi ratnācalamanuttamam
«Теперь поведаю уносящую грех высшую золотую гору, дарением которой люди идут в обитель Вайринчи. Высшая — в тысячу пал, средняя — пятью сотнями, низшая — половиною того; так же и малодостаточный человек пусть даст по силам, свыше одной палы, без скаредности. Всё пусть устроит как для зерновой горы, о лучший из царей, и так же передаст опорные горы жрецам. „Поклон тебе, семени всего, поклон носящему Брахму во чреве! Поскольку ты дающий бесконечный плод, — потому храни, о гора. Поскольку ты дитя огня и сын владыки мира, — потому в облике золотой горы храни, о лучшая из гор“. Кто этим уставом даст золотую гору, тот идёт в высший мир Брахмы, дарующий блаженство; там пребывает сто кальп, а затем идёт к высшей цели.
Теперь поведаю по уставу сезамовую гору, дарением которой человек идёт в непревзойдённый мир Вишну. Высшая — десятью дронами, средняя признана пятью, младшая тремя, о владыка царей, — так провозглашена сезамовая гора. Прочее всё, опорные горы и остальное, — как прежде. Поведаю мантру дарения, и как она, о бык среди царей: „Поскольку при убиении Мадху из пота тела Вишну возникли сезам, куша и бобы, — потому будь дарующей покой. И поскольку при жертвах богам и предкам именно сезам есть охрана, — сотвори удачу, о владыка гор; поклон да будет тебе, о сезамовая гора“. Так призвав, кто даст непревзойдённую сезамовую гору, тот идёт в Вишнуево состояние, откуда труден возврат.
А хлопковая гора здесь высшая — двадцатью бхарами, десятью названа средняя, пятью признана младшая; малоимущий пусть даст одною бхарою, чуждый скупости на достаток. Всё изготовив как для зерновой горы, о лучший из царей, на рассвете ночи пусть даст и произнесёт это: „Поскольку ты всегда покров миров, — потому поклон, о хлопковая гора; будь сокрушающей потоки зла“. Кто так даст владыку хлопковых гор пред лицом Шарвы, тот кальпу живёт в мире Рудры, а затем становится здесь царём.
Теперь поведаю непревзойдённую масляную гору. Масло свято и полно сияния, оно уносит великие грехи. Двадцатью кувшинами масла пусть будет высшая масляная гора, десятью названа средняя, пятью же признана низшая; и малодостаточный пусть делает здесь двумя, по уставу. Опорные горы пусть устроит так же, в четвёртую долю; сосуды с рисовым зерном пусть поставит поверх кувшинов, сделает их сплочёнными и высокими, как красивее, по уставу, и обвяжет белыми тканями, стеблями тростника, плодами и прочим. Весь устав здесь читается как для зерновой горы: с предварительным водворением, и так же возлияние и почитание богов. На рассвете ночи, с умиротворённым умом, пусть поднесёт [гору] наставнику, а опорные горы — жрецам. „Поскольку от соединения возникло масло в сиянии бессмертия, — потому да возрадуется здесь пламя масла, душа вселенной, Шанкара. Поскольку полный сияния Брахман пребывает именно в масле, — потому в облике масляной горы храни нас, о держащая землю“. Кто этим уставом даст непревзойдённую масляную гору, тот, будь он и повинен в великих грехах, приходит в мир Шамбху и на колеснице с гусями и журавлями, увешанной сетью бубенцов, с апсарами, окружённый сиддхами и видьядхарами, странствует вместе с предками, покуда не настанет потоп существ.
Теперь поведаю непревзойдённую самоцветную гору».
a8d054c83008 · 发布于 2026年9月3日 04:13:27 UTC
可用语言RU用方向键翻颂
Золото названо дитятей огня, сезам — возникшим из пота Вишну, масло — местом, где пребывает сияющий Брахман. Вещи, из которых складывают горы, получают родословную; отдающий её знает не только цену того, что отдаёт, но и откуда оно взялось.
Хлопку досталась своя похвала, и она проще прочих: «ты всегда покров миров». Не сияние и не бессмертие — то, чем людей укрывают. Из десяти гор эта единственная сделана из вещи, у которой нет ни вкуса, ни блеска, только польза, и в молитве у неё просят соответственно — чтобы сокрушила потоки зла.
Приметно и то, как в масляной горе устроена постройка: кувшины внизу, сосуды с рисом сверху, всё обвязано белым и увито тростником. Гора остаётся горою, но всё, из чего она сложена, назавтра съедобно. Дар не выводится из обихода — он в него возвращается, только уже чужой рукою.