रुद्र उवाच
नमस्ते पुण्डरीकाक्ष गोविन्दाच्युत माधव । वासुदेव जगद्वन्द्य नारायण नमोऽस्तु ते
नमस्यामि जगत्स्वामिन्नृसिंह करुणाकर । श्रीश सर्वगत श्रीमन्परमात्मन्नमोऽस्तु ते
निजावसथवैकुण्ठनित्यमुक्तार्चितप्रभो । त्रयीनाथ नमस्तुभ्यं राम राजीवलोचन
भूभारकविनाशाय कृष्णानन्दस्वरूपिणे । विष्णवे जिष्णवे तुभ्यं नमस्ते यदुनन्दन
एवं स्तुत्वाथ गोविन्दं प्रणिपत्योमापतिः । प्राञ्जलिः प्राह भूतेशो वाक्यं गम्भीरया गिरा
मया दत्तवरो ह्येष बाणो बलिसुतः प्रभो । अहं च दत्तवांस्तस्मै पुरानेनार्थितो वरम्
अमरत्वं यदुश्रेष्ठ सर्वं कर्तुं त्वमर्हसि । तस्मादेनं बलिसुतं त्रातुमर्हसि मे प्रियम्
तथेत्युक्त्वा च भगवान्बाणं बलिसुतं तदा । प्राणसंशयमापन्नं छिन्नबाहुमसृक्चितम्
संहृत्य चक्रं गोविन्दो मुमोच करुणानिधिः । मोचयित्वा बलिसुतं शङ्करः संशितव्रतः
वृषभेन्द्रं समारुह्य पार्वत्या सहितः प्रभुः । ययौ च वसतिस्थानं कैलासं धरणीधरम्
स तु बाणो नमस्कृत्य रामकृष्णौ महाबलौ । ताभ्यां वै नगरीं गत्वा मुमोच मदनात्मजम्
वस्त्रैराभरणैर्दिव्यैः पूजयित्वा यथार्हतः । उषां सम्प्रददौ तस्मै कृष्णपौत्राय शौरये
उद्वाह्य रामकृष्णौ तमनिरुद्धं यथाविधि । बाणेन पूजितौ तत्र प्रद्युम्नसहितौ तदा
उषया सहितं तत्रानिरुद्धं वै जनार्दनः । आरोप्य स्यन्दने दिव्ये ययौ द्वारवतीं तदा
रामप्रद्युम्नसहितः सेनया सहितो हरिः । प्रविवेश पुरीं रम्यां त्रिदशैर्मघवानिव
अनिरुद्धो बाणपुत्र्या नानारत्नमये गृहे । अनिशं रमयामास नानाभोगैर्मुदान्वितः
namaste puṇḍarīkākṣa govindācyuta mādhava | vāsudeva jagadvandya nārāyaṇa namo'stu te
namasyāmi jagatsvāminnṛsiṃha karuṇākara | śrīśa sarvagata śrīmanparamātmannamo'stu te
nijāvasathavaikuṇṭhanityamuktārcitaprabho | trayīnātha namastubhyaṃ rāma rājīvalocana
bhūbhārakavināśāya kṛṣṇānandasvarūpiṇe | viṣṇave jiṣṇave tubhyaṃ namaste yadunandana
evaṃ stutvātha govindaṃ praṇipatyomāpatiḥ | prāñjaliḥ prāha bhūteśo vākyaṃ gambhīrayā girā
mayā dattavaro hyeṣa bāṇo balisutaḥ prabho | ahaṃ ca dattavāṃstasmai purānenārthito varam
amaratvaṃ yaduśreṣṭha sarvaṃ kartuṃ tvamarhasi | tasmādenaṃ balisutaṃ trātumarhasi me priyam
tathetyuktvā ca bhagavānbāṇaṃ balisutaṃ tadā | prāṇasaṃśayamāpannaṃ chinnabāhumasṛkcitam
saṃhṛtya cakraṃ govindo mumoca karuṇānidhiḥ | mocayitvā balisutaṃ śaṅkaraḥ saṃśitavrataḥ
vṛṣabhendraṃ samāruhya pārvatyā sahitaḥ prabhuḥ | yayau ca vasatisthānaṃ kailāsaṃ dharaṇīdharam
sa tu bāṇo namaskṛtya rāmakṛṣṇau mahābalau | tābhyāṃ vai nagarīṃ gatvā mumoca madanātmajam
vastrairābharaṇairdivyaiḥ pūjayitvā yathārhataḥ | uṣāṃ sampradadau tasmai kṛṣṇapautrāya śauraye
udvāhya rāmakṛṣṇau tamaniruddhaṃ yathāvidhi | bāṇena pūjitau tatra pradyumnasahitau tadā
uṣayā sahitaṃ tatrāniruddhaṃ vai janārdanaḥ | āropya syandane divye yayau dvāravatīṃ tadā
rāmapradyumnasahitaḥ senayā sahito hariḥ | praviveśa purīṃ ramyāṃ tridaśairmaghavāniva
aniruddho bāṇaputryā nānāratnamaye gṛhe | aniśaṃ ramayāmāsa nānābhogairmudānvitaḥ
«Поклон тебе, о лотосоокий, о Говинда, о Ачьюта, о Мадхава; о Васудева, чтимый миром, о Нараяна, да будет тебе поклон. Поклоняюсь тебе, о владыка мира, о Нрисимха, о источник милости; о владыка Шри, о вездесущий, о славный, о высшая Душа, да будет тебе поклон. О владыка, чтимый вечно свободными в своей обители Вайкунтхе, о владыка трёх Вед, поклон тебе, о Рама, о лотосоокий. Ради уничтожения бремени земли — Кришне, сущему блаженством, Вишну победоносному, поклон тебе, о отрада Яду». Так восхвалив Говинду и припав к нему, супруг Умы, владыка существ, со сложенными ладонями сказал слово глубоким голосом: «Этот Бана, сын Бали, получил дар от меня, о владыка; и я дал ему некогда, упрошенный им, дар. Бессмертие, о лучший из Яду, — всё ты можешь совершить; потому изволь спасти его, сына Бали, моего любимца». «Да будет так», — сказал Господь и тогда, отозвав диск, отпустил Бану, сына Бали, впавшего в опасность для жизни, с отсечёнными руками, покрытого кровью, — сокровищница милости. Освободив сына Бали, Шанкара, строгий в обете, взойдя на владыку быков вместе с Парвати, отправился в место своего обитания — на Кайласу, держащую землю. А тот Бана, поклонившись весьма мощным Раме и Кришне, пришёл с ними двумя в город и освободил сына Маданы; почтив как подобает одеждами и божественными уборами, он отдал ему Ушу — внуку Кришны, потомку Шуры. Сочетав по уставу браком того Анируддху, Рама и Кришна вместе с Прадьюмною были почтены там Баною. Затем Джанардана, посадив там Анируддху вместе с Ушею на божественную колесницу, отправился тогда в Дваравати; и Хари вместе с Рамою, Прадьюмною и войском вошёл в отрадный город, словно Магхаван с богами. А Анируддха с дочерью Баны непрестанно наслаждался в доме из разных самоцветов разными наслаждениями, исполненный радости».
619e9c49ba7e · 发布于 2026年9月3日 04:14:07 UTC
可用语言RU用方向键翻颂
Заступается за Бану тот, кто из-за него и вступил в бой. Дар, некогда данный, обязывает до конца — не только сторожить ворота, но и просить за того, кому ворота принадлежат.