अनुज्ञातं तु रामेण तद् विमानम् अनुत्तमम् । उत्पपात महामेघः श्वसनेनोद्धतो यथा ॥
पातयित्वा ततश् चक्षुः सर्वतो रघुनन्दनः । अब्रवीन् मैथिलीं सीतां रामः शशिनिभाननाम् ॥
कैलासशिखराकारे त्रिकूटशिखरे स्थिताम् । लङ्काम् ईक्षस्व वैदेहि निर्मितां विश्वकर्मणा ॥
एतद् आयोधनं पश्य मांसशोणितकर्दमम् । हरीणां राक्षसानां च सीते विशसनं महत् ॥
तवहेतोर् विशालाक्षि रावणो निहतो मया । कुम्भकर्णो ऽत्र निहतः प्रहस्तश् च निशाचरः ॥
लक्ष्मणेनेन्द्रजिच् चात्र रावणिर् निहतो रणे । विरूपाक्षश् च दुष्प्रेक्ष्यो महापार्श्वमहोदरौ ॥
अकम्पनश् च निहतो बलिनो ऽन्ये च राक्षसाः । त्रिशिराश् चातिकायश् च देवान्तकनरान्तकौ ॥
अत्र मन्दोदरी नाम भार्या तं पर्यदेवयत् । सपत्नीनां सहस्रेण सास्रेण परिवारिता ॥
anujñātaṃ tu rāmeṇa tad vimānam anuttamam | utpapāta mahāmeghaḥ śvasanenoddhato yathā ||
pātayitvā tataś cakṣuḥ sarvato raghunandanaḥ | abravīn maithilīṃ sītāṃ rāmaḥ śaśinibhānanām ||
kailāsaśikharākāre trikūṭaśikhare sthitām | laṅkām īkṣasva vaidehi nirmitāṃ viśvakarmaṇā ||
etad āyodhanaṃ paśya māṃsaśoṇitakardamam | harīṇāṃ rākṣasānāṃ ca sīte viśasanaṃ mahat ||
tavahetor viśālākṣi rāvaṇo nihato mayā | kumbhakarṇo 'tra nihataḥ prahastaś ca niśācaraḥ ||
lakṣmaṇenendrajic cātra rāvaṇir nihato raṇe | virūpākṣaś ca duṣprekṣyo mahāpārśvamahodarau ||
akampanaś ca nihato balino 'nye ca rākṣasāḥ | triśirāś cātikāyaś ca devāntakanarāntakau ||
atra mandodarī nāma bhāryā taṃ paryadevayat | sapatnīnāṃ sahasreṇa sāsreṇa parivāritā ||
Когда Рама дал разрешение, эта непревзойдённая колесница поднялась, словно великая туча, поднятая ветром. Тогда Рама, радость рода Рагху, окинув взглядом всё вокруг, сказал луноликой Майтхили Сите: «Вайдехи, посмотри на Ланку, созданную Вишвакарманом, стоящую на вершине Трикута и похожую на вершину Кайласы. Сита, посмотри на это поле битвы, грязное от мяса и крови, где произошло великое побоище обезьян и ракшасов. Ради тебя, широкоокая, Равана был убит мною. Здесь был убит Кумбхакарна и ночной странник Прахаста. Здесь в бою Лакшмана убил Индраджита, сына Раваны; здесь пали Вирупакша, страшный на вид, Махапаршва и Маходара, Акампана и другие сильные ракшасы, Тришира, Атикая, Девантака и Нарантака. Здесь жена по имени Мандодари, окружённая тысячей соперниц со слезами на глазах, оплакивала его».
652ea4073161 · 发布于 2026年6月22日 00:00:00 UTC
可用语言RU用方向键翻颂
Обратный путь начинается с памяти о цене победы. Рама показывает Сите не только славу Ланки, но и поле, где ради её возвращения закончилась гордыня Раваны и пролилась кровь многих.