वसिष्ठ उवाच
गत्वा तेषां समीपं तु तथा दृष्ट्वा तु विग्रहान् । शुद्धसत्त्वगुणं तेषां यस्मिन्संविद्यते मुने ॥
स एव पूज्यो विप्राणां नेतरस्तु कदाचन । शुद्धसत्त्वमयः साक्षाद्ब्रह्मण्यः स भविष्यति ॥
तीर्थप्रसादवाँल्लोके विप्राणां स भविष्यति । देवतानां पितॄणां च तस्योच्छिष्टं सुपावनम् ॥
तस्माद्याहि मुनिश्रेष्ठ विबुधानां निवासनम् । क्षिप्रं कुरु मुनिश्रेष्ठ सर्वलोकहितं प्रभो ॥
एवमुक्तो भृगुस्तूर्णं कैलासं मुनिसत्तमः । जगाम वायुमार्गेण यत्रास्ते वृषभध्वजः ॥
गृहद्वारमुपागम्य शङ्करस्य महात्मनः । शूलहस्तं महारौद्रं नन्दिनं चाब्रवीद्द्विजः ॥
सम्प्राप्तोऽहं भृगुर्विप्रो हरं द्रष्टुं सुरोत्तमम् । निवेदयस्व मां शीघ्रं शङ्कराय महात्मने ॥
gatvā teṣāṃ samīpaṃ tu tathā dṛṣṭvā tu vigrahān | śuddhasattvaguṇaṃ teṣāṃ yasminsaṃvidyate mune ||
sa eva pūjyo viprāṇāṃ netarastu kadācana | śuddhasattvamayaḥ sākṣādbrahmaṇyaḥ sa bhaviṣyati ||
tīrthaprasādavām̐lloke viprāṇāṃ sa bhaviṣyati | devatānāṃ pitṝṇāṃ ca tasyocchiṣṭaṃ supāvanam ||
tasmādyāhi muniśreṣṭha vibudhānāṃ nivāsanam | kṣipraṃ kuru muniśreṣṭha sarvalokahitaṃ prabho ||
evamukto bhṛgustūrṇaṃ kailāsaṃ munisattamaḥ | jagāma vāyumārgeṇa yatrāste vṛṣabhadhvajaḥ ||
gṛhadvāramupāgamya śaṅkarasya mahātmanaḥ | śūlahastaṃ mahāraudraṃ nandinaṃ cābravīddvijaḥ ||
samprāpto'haṃ bhṛgurvipro haraṃ draṣṭuṃ surottamam | nivedayasva māṃ śīghraṃ śaṅkarāya mahātmane ||
«...Придя к ним близко и так увидев их образы, — в ком из них обнаружится свойство чистой саттвы, о молчальник, тот именно и досточтим брахманам, а иной — никогда. Состоящий из чистой саттвы, он воочию будет радеющим о брахманах; он будет в мире владеющим для брахманов святою водою и прасадом, и его остаток весьма очищающ для божеств и предков. Потому ступай, о лучший из молчальников, в обитель богов; скоро соверши, о лучший из молчальников, благо всем мирам, о владыка». Так упрошенный, Бхригу, лучший из молчальников, тотчас отправился путём ветра на Кайласу, где пребывает Знаменосец быка. Подойдя к дверям дома Шанкары, великого душою, дваждырождённый сказал весьма грозному Нандину с трезубцем в руке: «Я, брахман Бхригу, прибыл увидеть Хару, лучшего из богов; быстро возвести обо мне Шанкаре, великому душою».
e545110636a5 · published Sep 3, 2026, 4:14:07 AM UTC
Available inRUPage between verses with
Признаком выбрана не сила и не власть, а гуна — то, из чего сделан. Испытание оказывается не состязанием, а наблюдением: смотрят, как встретят.