उदधेर्वचनात्सेतुं सागरे मकरालये । गिरिभिर्वानरानीतैर्नलं सेतुमकारयत्
ततो गत्वा पुरीं लङ्कां सन्निवेश्य महाबलम् । सम्यगायोधनं चक्रे वानराणां च रक्षसाम्
ततो दशास्यतनयः शक्रजिद्राक्षसो बली । बबन्ध नागपाशैश्च तावुभौ रामलक्ष्मणौ
वैनतेयः समागत्य तान्यस्त्राणि प्रमोचयत् । राक्षसा निहताः सर्वे वानरैश्च महाबलैः
रावणस्यानुजं वीरं कुम्भकर्णं महाबलम् । निजघान रणे रामो बाणैरग्निशिखोपमैः
ब्रह्मास्त्रेणेन्द्रजित्क्रुद्धः पातयामास वानरान् । हनूमता समानीतो महौषधिमहीधरः
तस्यानीतस्य च स्पर्शात्सर्व एव समुत्थिताः । ततो रामानुजो वीरः शक्रजेतारमाहवे
निपातयामास शरैर्वृत्रं वज्रधरो यथा । निर्ययावथ पौलस्त्यो योद्धुं रामेण संयुगे
चतुरङ्गबलैः सार्धं मन्त्रिभिश्च महाबलः । समन्ततोऽभवद्युद्धं वानराणां च रक्षसाम्
रामरावणयोश्चैव तथा सौमित्रिणा सह । शक्त्या निपातयामास लक्ष्मणं राक्षसेश्वरः
ततः क्रुद्धो महातेजा राघवो राक्षसान्तकः । जघान राक्षसान्वीराञ्छरैः कालान्तकोपमैः
udadhervacanātsetuṃ sāgare makarālaye | giribhirvānarānītairnalaṃ setumakārayat
tato gatvā purīṃ laṅkāṃ sanniveśya mahābalam | samyagāyodhanaṃ cakre vānarāṇāṃ ca rakṣasām
tato daśāsyatanayaḥ śakrajidrākṣaso balī | babandha nāgapāśaiśca tāvubhau rāmalakṣmaṇau
vainateyaḥ samāgatya tānyastrāṇi pramocayat | rākṣasā nihatāḥ sarve vānaraiśca mahābalaiḥ
rāvaṇasyānujaṃ vīraṃ kumbhakarṇaṃ mahābalam | nijaghāna raṇe rāmo bāṇairagniśikhopamaiḥ
brahmāstreṇendrajitkruddhaḥ pātayāmāsa vānarān | hanūmatā samānīto mahauṣadhimahīdharaḥ
tasyānītasya ca sparśātsarva eva samutthitāḥ | tato rāmānujo vīraḥ śakrajetāramāhave
nipātayāmāsa śarairvṛtraṃ vajradharo yathā | niryayāvatha paulastyo yoddhuṃ rāmeṇa saṃyuge
caturaṅgabalaiḥ sārdhaṃ mantribhiśca mahābalaḥ | samantato'bhavadyuddhaṃ vānarāṇāṃ ca rakṣasām
rāmarāvaṇayoścaiva tathā saumitriṇā saha | śaktyā nipātayāmāsa lakṣmaṇaṃ rākṣaseśvaraḥ
tataḥ kruddho mahātejā rāghavo rākṣasāntakaḥ | jaghāna rākṣasānvīrāñcharaiḥ kālāntakopamaiḥ
По слову океана в море, обители макар, он велел Нале построить мост из гор, принесённых обезьянами. Затем, придя к городу Ланке и расположив великое войско, он как должно устроил битву обезьян и ракшасов. Тогда сын Десятиликого, мощный ракшас Шакраджит, связал змеиными петлями обоих — Раму и Лакшману; но прилетел сын Винаты и освободил их от тех оружий, и все ракшасы были сражены весьма мощными обезьянами. Младшего брата Раваны, героя, весьма мощного Кумбхакарну, Рама сразил в битве стрелами, подобными языкам огня. Разгневанный Индраджит оружием Брахмы поверг обезьян; но Хануман принёс гору великих трав, и от прикосновения к принесённой все восстали. Затем герой, младший брат Рамы, поверг стрелами в битве победителя Шакры — как носящий ваджру Вритру. Затем выступил потомок Пуластьи сражаться с Рамою в битве, весьма мощный, с четырёхчастным войском и советниками; и со всех сторон была битва обезьян и ракшасов, а также Рамы с Раваною и с сыном Сумитры. Дротиком владыка ракшасов поверг Лакшману; тогда разгневанный великоблистательный Рагхава, губитель ракшасов, сразил героев-ракшасов стрелами, подобными концу времён.
3685d1562f71 · publicado 3 sept 2026, 4:14:07 UTC
Disponible enRUPasa de verso en verso con
Мост строит не тот, кто иссушил океан, а обезьяна по имени Нала. Способный обойтись без переправы делает её общим трудом — и участие войска оказывается нужнее собственного могущества.