हा राक्षसचमूमुख्य मम वत्स महारथ । जित्वेन्द्रं कथम् अद्य त्वं लक्ष्मणस्य वशं गतः ॥
ननु त्वम् इषुभिः क्रुद्धो भिन्द्याः कालान्तकाव् अपि । मन्दरस्यापि शृङ्गाणि किं पुनर् लक्ष्मणं रणे ॥
अद्य वैवस्वतो राजा भूयो बहुमतो मम । येनाद्य त्वं महाबाहो संयुक्तः कालधर्मणा ॥
एष पन्थाः सुयोधानां सर्वामरगणेष्व् अपि । यः कृते हन्यते भर्तुः स पुमान् स्वर्गम् ऋच्छति ॥
अद्य देवगणाः सर्वे लोकपालास् तथर्षयः । हतम् इन्द्रजितं दृष्ट्वा सुखं स्वप्स्यन्ति निर्भयाः ॥
अद्य लोकास् त्रयः कृत्स्नाः पृथिवी च सकानना । एकेनेन्द्रजिता हीना शूण्येव प्रतिभाति मे ॥
अद्य नैरृतकन्यायां श्रोष्याम्य् अन्तःपुरे रवम् । करेणुसंघस्य यथा निनादं गिरिगह्वरे ॥
यौवराज्यं च लङ्कां च रक्षांसि च परंतप । मातरं मां च भार्यां च क्व गतो ऽसि विहाय नः ॥
मम नाम त्वया वीर गतस्य यमसादनम् । प्रेतकार्याणि कार्याणि विपरीते हि वर्तसे ॥
स त्वं जीवति सुग्रीवे राघवे च सलक्ष्मणे । मम शल्यम् अनुद्धृत्य क्व गतो ऽसि विहाय नः ॥
hā rākṣasacamūmukhya mama vatsa mahāratha | jitvendraṃ katham adya tvaṃ lakṣmaṇasya vaśaṃ gataḥ ||
nanu tvam iṣubhiḥ kruddho bhindyāḥ kālāntakāv api | mandarasyāpi śṛṅgāṇi kiṃ punar lakṣmaṇaṃ raṇe ||
adya vaivasvato rājā bhūyo bahumato mama | yenādya tvaṃ mahābāho saṃyuktaḥ kāladharmaṇā ||
eṣa panthāḥ suyodhānāṃ sarvāmaragaṇeṣv api | yaḥ kṛte hanyate bhartuḥ sa pumān svargam ṛcchati ||
adya devagaṇāḥ sarve lokapālās tatharṣayaḥ | hatam indrajitaṃ dṛṣṭvā sukhaṃ svapsyanti nirbhayāḥ ||
adya lokās trayaḥ kṛtsnāḥ pṛthivī ca sakānanā | ekenendrajitā hīnā śūṇyeva pratibhāti me ||
adya nairṛtakanyāyāṃ śroṣyāmy antaḥpure ravam | kareṇusaṃghasya yathā ninādaṃ girigahvare ||
yauvarājyaṃ ca laṅkāṃ ca rakṣāṃsi ca paraṃtapa | mātaraṃ māṃ ca bhāryāṃ ca kva gato 'si vihāya naḥ ||
mama nāma tvayā vīra gatasya yamasādanam | pretakāryāṇi kāryāṇi viparīte hi vartase ||
sa tvaṃ jīvati sugrīve rāghave ca salakṣmaṇe | mama śalyam anuddhṛtya kva gato 'si vihāya naḥ ||
«О главный в войске ракшасов, моё дитя, великий колесничий! Победив Индру, как же сегодня ты попал во власть Лакшманы? Разве ты, разгневанный, не разбил бы стрелами даже Смерть и Конец времени, даже вершины Мандары, что уж говорить о Лакшмане в бою? Сегодня царь Вайвасвата ещё более почтен мною, потому что ты, могучерукий, теперь соединён с законом времени. Это путь добрых воинов даже среди всех сонмов бессмертных: кто убит ради господина, тот мужчина достигает неба. Сегодня все сонмы богов, хранители миров и риши, увидев Индраджита убитым, будут спать спокойно и без страха. Сегодня три мира целиком и земля с лесами, лишённые одного Индраджита, кажутся мне пустыми. Сегодня во внутренних покоях я услышу крик найритских женщин, подобный стону стада слониц в горной пещере. О мучитель врагов, куда ты ушёл, оставив наследное царство, Ланку, ракшасов, мать, меня и жену? Герой, это ты должен был совершать похоронные обряды для меня, когда я уйду в обитель Ямы, но ты поступил наоборот. Когда Сугрива, Рагхава и Лакшмана ещё живы, куда ты ушёл, оставив нас и не вынув жало из моего сердца?»
4476ca05f1d8 · publicado 22 jun 2026, 0:00:00 UTC
Disponible enRUPasa de verso en verso con
Плач Раваны показывает, что даже в нём остаётся человеческая боль. Но эта боль не очищает его: она быстро превращается в новый гнев и желание ударить по невиновной Сите.