न स्थानतो ऽपि परस्योभय-लिङ्गं सर्वत्र हि
na sthānato 'pi parasyobhaya-liṅgaṁ sarvatra hi
И по [разности] мест у Высшего нет двоякости примет: [Он] всюду ведь [один и тот же].
एवं निखिल-नियामकतया भगवतो महिमा दर्शितः । इदानीं बहुधावभातोऽप्य् ऐक्यं स्वस्मिन् न त्यजतीत्य् अविचिन्त्य स्वरूपता तस्य दर्श्यते । यद्यपि प्रकाशादिवन् नैवं परः इत्य् आदिना उक्तम् एतत् तथापि युगपद् बहु-भावेन भेद-प्रतीतो न समाहितम् अतोऽत्राचिन्त्यत्वेन तत्-समर्थनम् । एकोऽपि सन् बहुधा योऽवभाति इत्य् आदि श्रुतम् ।
तत्र संशयः—नाना-विधेषु स्थानेषु स्थितानि भगवतो बहूनि रूपाणि मिथो भिन्नानि न वेति । स्थान-भेदेन स्थानिनोऽपि भेदाद् भिन्नानि तानि । नहि मिथो विलक्षण-स्थान-संस्थान-गुणादीनि वस्तून्य् अभेदं लब्धुम् अर्हन्ति । एकोऽपि सन्न् इति तु सामान्याभिप्रायं भावि । ततश् च वस्तुनो भिन्नेषु बहुष्व् अनेकेश्वरतापत्तिस् तस्यां च सत्यां बहु-विषया भक्तिर् एकस्यासम्भाविनीति । एवं प्राप्ते—
न स्थानतोऽपि परस्योभय-लिङ्गं सर्वत्र हि ॥
परस्य भगवतः स्वरूपं स्थानतोऽपि नोभय-लिङ्गम् उभय-लक्षणम् । स्थान-भेदेऽपि स्थानि विशेष्यं न भिद्यते इत्य् अर्थः । हि यस्माद् एकम् एव स्वरूपम् अचिन्त्य-शक्त्या युगपत् सर्वत्रावभाति, एकोऽपि सन्न् इति श्रुतेः । स्थानानि भगवद्-आविर्भावास्पदानि तद्-विविध-लीलाश्रय-भूतानि संव्योम-शब्दितानि । विविध-भाववन्तो भक्ताश् च । तेषु सर्वेष्व् एकम् एव स्वरूपं विभाति ॥11॥
--ओ)0(ओ--
evaṁ nikhila-niyāmakatayā bhagavato mahimā darśitaḥ | idānīṁ bahudhāvabhāto'py aikyaṁ svasmin na tyajatīty avicintya svarūpatā tasya darśyate | yadyapi prakāśādivan naivaṁ paraḥ ity ādinā uktam etat tathāpi yugapad bahu-bhāvena bheda-pratīto na samāhitam ato'trācintyatvena tat-samarthanam | eko'pi san bahudhā yo'vabhāti ity ādi śrutam |
tatra saṁśayaḥ—nānā-vidheṣu sthāneṣu sthitāni bhagavato bahūni rūpāṇi mitho bhinnāni na veti | sthāna-bhedena sthānino'pi bhedād bhinnāni tāni | nahi mitho vilakṣaṇa-sthāna-saṁsthāna-guṇādīni vastūny abhedaṁ labdhum arhanti | eko'pi sann iti tu sāmānyābhiprāyaṁ bhāvi | tataś ca vastuno bhinneṣu bahuṣv anekeśvaratāpattis tasyāṁ ca satyāṁ bahu-viṣayā bhaktir ekasyāsambhāvinīti | evaṁ prāpte—
na sthānato'pi parasyobhaya-liṅgaṁ sarvatra hi ||
parasya bhagavataḥ svarūpaṁ sthānato'pi nobhaya-liṅgam ubhaya-lakṣaṇam | sthāna-bhede'pi sthāni viśeṣyaṁ na bhidyate ity arthaḥ | hi yasmād ekam eva svarūpam acintya-śaktyā yugapat sarvatrāvabhāti, eko'pi sann iti śruteḥ | sthānāni bhagavad-āvirbhāvāspadāni tad-vividha-līlāśraya-bhūtāni saṁvyoma-śabditāni | vividha-bhāvavanto bhaktāś ca | teṣu sarveṣv ekam eva svarūpaṁ vibhāti ||11||
--o)0(o--
1cac580a099d · publicado 27 jul 2026, 5:11:31 UTC
Disponible enRUPasa de verso en verso con
Показано величие Вседержителя; теперь — Его непостижимая своеприродность: многовидно явленный, единости не покидает. [Возразят:] образы, стоящие в разных местах, различны («местами разнится и стоящий») — настало бы многобожие, а бхакти одного [сердца] ко многим невозможна. При полученном —
«И не от мест у Высшего двоякость примет: всюду ведь [Он один]».
Сущность Бхагавана и от [разности] мест не двояка: при разности мест Сам стоящий не разнится — одна сущность непостижимой шакти РАЗОМ ВСЮДУ является. «Места́» же — обители явлений, вместилища Его разных ЛИЛ, зовомые вьомой [духовным небом], и бхакты с разными бхавами: во всех них сияет ОДНА сущность.