विशेषं च दर्शयति
viśeṣaṁ ca darśayati
И ОСОБОЕ показывает [шрути]: безоглядных истомлённых Сам Гопа-образный уводит — «на плече Гаруды, минуя путь света». [Конец пады 4.3.]
अथ निरपेक्षाणां केषांचित् स्वयं भगवतैव स्व-पद-प्राप्तिर् अभिधीयते ।
एतद् धि विष्णोः परमं पदं ये
नित्योद्युक्ताः संयजन्ते न कामान् ।
तेषाम् असौ गोप-रूपः प्रयत्नात्
प्रकाशयेद् आत्म-पदं तदैव ॥ [गो.ता.उ. 1.21]
ओंकारेणान्तरितं ये जपन्ति
गोविन्दस्य पञ्च-पदं मनुम् ।
तेषाम् असौ दर्शयेद् आत्म-रूपं
तस्मान् मुमुक्षुर् अभ्यसेन् नित्य-शान्त्यै ॥ [गो.ता.उ. 1.23] इति ।
इह संशयः । निरपेक्षा अप्य् आतिवाहिकैर् एव परं पदं विशन्ति स्वयं भगवता वेति । द्वाव् एव मार्गाव् इत्य् आदौ ब्रह्म-विदाम् अर्चिर्-आदि-गति-विनिर्णयात् तेऽपि तैर् एव तद् विशन्ति । श्रुतिश् च । भगवतो हेतु-कर्तृत्वं विवक्षत्य् अविरुद्धम् एवं प्राप्ते ब्रवीति—
विशेषं च दर्शयति ॥
ब्रह्म-विदाम् आतिवाहिकैस् तत्-प्राप्तिर् इत्य् एतत् सामान्यम् । ये खलु निरपेक्षाः परमार्तास् तेषां तु स्वयं भगवतैव तत्-प्राप्ति-विलम्बम् असहिष्णुना सेति विशेषोऽस्ति । तं श्रुतिर् दर्शयति एतद्-विष्णोर् इत्य् आदिना ।
ये तु सर्वाणि कर्माणि मयि संन्यस्य मत्-पराः ।
अनन्येनैव योगेन मां ध्यायन्त उपासते ॥
तेषाम् अहं समुद्धर्ता मृत्यु-संसार-सागरात् ।
भवामि न चिरात् पार्थ मय्य् आवेशित-चेतसाम् ॥ [गीता 12.6-7] इति स्मृतेश् च ।
तदैव तेषां तनु-भङ्गस् तनु-योगश् चेति च शब्दात् । न चार्चिर् आदि-निरपेक्षा गतिर् नास्तीति शक्यं वदितुम् ।
नयामि परमं स्थानम् अर्चिरादि-गतिं विना ।
गरुड-स्कन्धम् आरोप्य यथेच्छम् अनिवारितः ॥ इति वाराह-वचनात् ।
तस्माद् यथोक्तम् एव सुष्ठु ॥16॥
atha nirapekṣāṇāṁ keṣāṁcit svayaṁ bhagavataiva sva-pada-prāptir abhidhīyate |
etad dhi viṣṇoḥ paramaṁ padaṁ ye
nityodyuktāḥ saṁyajante na kāmān |
teṣām asau gopa-rūpaḥ prayatnāt
prakāśayed ātma-padaṁ tadaiva || [go.tā.u. 1.21]
oṁkāreṇāntaritaṁ ye japanti
govindasya pañca-padaṁ manum |
teṣām asau darśayed ātma-rūpaṁ
tasmān mumukṣur abhyasen nitya-śāntyai || [go.tā.u. 1.23] iti |
iha saṁśayaḥ | nirapekṣā apy ātivāhikair eva paraṁ padaṁ viśanti svayaṁ bhagavatā veti | dvāv eva mārgāv ity ādau brahma-vidām arcir-ādi-gati-vinirṇayāt te'pi tair eva tad viśanti | śrutiś ca | bhagavato hetu-kartṛtvaṁ vivakṣaty aviruddham evaṁ prāpte bravīti—
viśeṣaṁ ca darśayati ||
brahma-vidām ātivāhikais tat-prāptir ity etat sāmānyam | ye khalu nirapekṣāḥ paramārtās teṣāṁ tu svayaṁ bhagavataiva tat-prāpti-vilambam asahiṣṇunā seti viśeṣo'sti | taṁ śrutir darśayati etad-viṣṇor ity ādinā |
ye tu sarvāṇi karmāṇi mayi saṁnyasya mat-parāḥ |
ananyenaiva yogena māṁ dhyāyanta upāsate ||
teṣām ahaṁ samuddhartā mṛtyu-saṁsāra-sāgarāt |
bhavāmi na cirāt pārtha mayy āveśita-cetasām || [gītā 12.6-7] iti smṛteś ca |
tadaiva teṣāṁ tanu-bhaṅgas tanu-yogaś ceti ca śabdāt | na cārcir ādi-nirapekṣā gatir nāstīti śakyaṁ vaditum |
nayāmi paramaṁ sthānam arcirādi-gatiṁ vinā |
garuḍa-skandham āropya yatheccham anivāritaḥ || iti vārāha-vacanāt |
tasmād yathoktam eva suṣṭhu ||16||
a530da1d54e7 · publicado 27 jul 2026, 5:38:32 UTC
Disponible enRUPasa de verso en verso con
Некоторым безоглядным обитель дарует САМ: «кто вечно-подвизаясь чтит, не желанья, — тем он, ГОПА-ОБРАЗНЫЙ, с тщанием ЯВИТ Свою обитель ТОТЧАС»; «кто джапит пятисловную мантру Говинды — тем ПОКАЖЕТ Свой образ». И они — провожатыми? При полученном —
«И особое показывает».
Провожатыми — общее; но БЕЗОГЛЯДНЫМ И ПРЕДЕЛЬНО ИСТОМЛЁННЫМ — САМ, НЕ ТЕРПЯЩИЙ ОТСРОЧКИ: «кто все дела сложив В МЕНЯ, безраздельной йогой Меня созерцая, чтят — тем Я стану ИЗВЛЕКАТЕЛЕМ ИЗ МОРЯ СМЕРТИ БЕЗ ПРОМЕДЛЕНИЯ». И ход мимо пути света ЕСТЬ: «ВОЗНОШУ В ВЫСШУЮ ОБИТЕЛЬ, МИНУЯ ПУТЬ СВЕТА, ВОЗВЕДЯ НА ПЛЕЧО ГАРУДЫ, по воле, невозбранно» [Вараха]. Как сказано — ладно.