संजय उवाच
युध्यताम् एव तेषां तु भास्करे ऽस्तम् उपागते ॥
संध्या समभवद् घोरा नापश्याम ततो रणम् ॥
ततो युधिष्ठिरो राजा संध्यां संदृश्य भारत ॥
वध्यमानं बलं चापि भीष्मेणामित्रघातिना ॥
मुक्तशस्त्रं परावृत्तं पलायनपरायणम् ॥
भीष्मं च युधि संरब्धम् अनुयान्तं महारथान् ॥
सोमकांश् च जितान् दृष्ट्वा निरुत्साहान् महारथान् ॥
चिन्तयित्वा चिरं ध्यात्वा अवहारम् अरोचयत् ॥
ततो ऽवहारं सैन्यानां चक्रे राजा युधिष्ठिरः ॥
तथैव तव सैन्यानाम् अवहारो ह्य् अभूत् तदा ॥
ततो ऽवहारं सैन्यानां कृत्वा तत्र महारथाः ॥
न्यविशन्त कुरुश्रेष्ठ संग्रामे क्षतविक्षताः ॥
भीष्मस्य समरे कर्म चिन्तयानास् तु पाण्डवाः ॥
नालभन्त तदा शान्तिं भृशं भीष्मेण पीडिताः ॥
भीष्मो ऽपि समरे जित्वा पाण्डवान् सह सृञ्जयैः ॥
पूज्यमानस् तव सुतैर् वन्द्यमानश् च भारत ॥
न्यविशत् कुरुभिः सार्धं हृष्टरूपैः समन्ततः ॥
ततो रात्रिः समभवत् सर्वभूतप्रमोहिनी ॥
तस्मिन् रात्रिमुखे घोरे पाण्डवा वृष्णिभिः सह ॥
सृञ्जयाश् च दुराधर्षा मन्त्राय समुपाविशन् ॥
आत्मनिःश्रेयसं सर्वे प्राप्तकालं महाबलाः ॥
मन्त्रयाम् आसुर् अव्यग्रा मन्त्रनिश्चयकोविदाः ॥
ततो युधिष्ठिरो राजा मन्त्रयित्वा चिरं नृप ॥
वासुदेवं समुद्वीक्ष्य वाक्यम् एतद् उवाच ह ॥
saṃjaya uvāca
yudhyatām eva teṣāṃ tu bhāskare 'stam upāgate ||
saṃdhyā samabhavad ghorā nāpaśyāma tato raṇam ||
tato yudhiṣṭhiro rājā saṃdhyāṃ saṃdṛśya bhārata ||
vadhyamānaṃ balaṃ cāpi bhīṣmeṇāmitraghātinā ||
muktaśastraṃ parāvṛttaṃ palāyanaparāyaṇam ||
bhīṣmaṃ ca yudhi saṃrabdham anuyāntaṃ mahārathān ||
somakāṃś ca jitān dṛṣṭvā nirutsāhān mahārathān ||
cintayitvā ciraṃ dhyātvā avahāram arocayat ||
tato 'vahāraṃ sainyānāṃ cakre rājā yudhiṣṭhiraḥ ||
tathaiva tava sainyānām avahāro hy abhūt tadā ||
tato 'vahāraṃ sainyānāṃ kṛtvā tatra mahārathāḥ ||
nyaviśanta kuruśreṣṭha saṃgrāme kṣatavikṣatāḥ ||
bhīṣmasya samare karma cintayānās tu pāṇḍavāḥ ||
nālabhanta tadā śāntiṃ bhṛśaṃ bhīṣmeṇa pīḍitāḥ ||
bhīṣmo 'pi samare jitvā pāṇḍavān saha sṛñjayaiḥ ||
pūjyamānas tava sutair vandyamānaś ca bhārata ||
nyaviśat kurubhiḥ sārdhaṃ hṛṣṭarūpaiḥ samantataḥ ||
tato rātriḥ samabhavat sarvabhūtapramohinī ||
tasmin rātrimukhe ghore pāṇḍavā vṛṣṇibhiḥ saha ||
sṛñjayāś ca durādharṣā mantrāya samupāviśan ||
ātmaniḥśreyasaṃ sarve prāptakālaṃ mahābalāḥ ||
mantrayām āsur avyagrā mantraniścayakovidāḥ ||
tato yudhiṣṭhiro rājā mantrayitvā ciraṃ nṛpa ||
vāsudevaṃ samudvīkṣya vākyam etad uvāca ha ||
Sanjaya said: 'While they were still fighting, the sun set, a dreadful twilight fell, and we could no longer see the battle. Then King Yudhishthira, seeing the twilight, O Bharata, and also his army being slaughtered by Bhishma, slayer of foes -- having cast away its weapons, turned back, and given itself over to flight -- and seeing too the furious Bhishma pursuing the great chariot-warriors in battle, and the Somakas defeated and stripped of courage, thought long, sank into deep reflection, and resolved to withdraw the troops. After this King Yudhishthira ordered the withdrawal of his armies; at that same time your troops were withdrawn as well. Having carried out the withdrawal, the great warriors, wounded in the fighting, made camp, O best of the Kurus. The Pandavas, sorely tormented by Bhishma, brooded over his deeds in battle and could find no peace. But Bhishma, having conquered the Pandavas together with the Srinjayas in battle, honored by your sons and praised, O Bharata, encamped together with the Kurus, who rejoiced on every side. Then night fell, bewildering all beings. In that dreadful onset of night the Pandavas together with the Vrishnis, and the unassailable Srinjayas, sat down in council. All these mighty men, skilled in reaching decisions, calmly discussed what was, for the moment, their own highest good. After a long council, O king, Yudhishthira looked at Vasudeva and spoke these words.'
7354a2a5436c · प्रकाशित 17 जुल॰ 2026, 9:55:41 pm UTC
उपलब्ध भाषाएँRUENश्लोक बदलें इन कुंजियों से
After the day's rout, night brings no inner peace. The fighting stops for a time, but the decision still has to be found: the outer darkness becomes a time for sober counsel.