वैशंपायन उवाच
ततः केशान् समुत्क्षिप्य वेल्लिताग्रान् अनिन्दितान् ॥
जुगूह दक्षिणे पार्श्वे मृदून् असितलोचना ॥
वासश् च परिधायैकं कृष्णं सुमलिनं महत् ॥
कृत्वा वेषं च सैरन्ध्र्याः कृष्णा व्यचरद् आर्तवत् ॥
तां नराः परिधावन्तीं स्त्रियश् च समुपाद्रवन् ॥
अपृच्छंश् चैव तां दृष्ट्वा का त्वं किं च चिकीर्षसि ॥
सा तान् उवाच राजेन्द्र सैरन्ध्र्य् अहम् उपागता ॥
कर्म चेच्छामि वै कर्तुं तस्य यो मां पुपुक्षति ॥
तस्या रूपेण वेषेण श्लक्ष्णया च तथा गिरा ॥
नाश्रद्दधत तां दासीम् अन्नहेतोर् उपस्थिताम् ॥
विराटस्य तु कैकेयी भार्या परमसंमता ॥
अवलोकयन्ती ददृशे प्रासादाद् द्रुपदात्मजाम् ॥
सा समीक्ष्य तथारूपाम् अनाथाम् एकवाससम् ॥
समाहूयाब्रवीद् भद्रे का त्वं किं च चिकीर्षसि ॥
सा ताम् उवाच राजेन्द्र सैरन्ध्र्य् अहम् उपागता ॥
कर्म चेच्छाम्य् अहं कर्तुं तस्य यो मां पुपुक्षति ॥
vaiśaṃpāyana uvāca
tataḥ keśān samutkṣipya vellitāgrān aninditān ||
jugūha dakṣiṇe pārśve mṛdūn asitalocanā ||
vāsaś ca paridhāyaikaṃ kṛṣṇaṃ sumalinaṃ mahat ||
kṛtvā veṣaṃ ca sairandhryāḥ kṛṣṇā vyacarad ārtavat ||
tāṃ narāḥ paridhāvantīṃ striyaś ca samupādravan ||
apṛcchaṃś caiva tāṃ dṛṣṭvā kā tvaṃ kiṃ ca cikīrṣasi ||
sā tān uvāca rājendra sairandhry aham upāgatā ||
karma cecchāmi vai kartuṃ tasya yo māṃ pupukṣati ||
tasyā rūpeṇa veṣeṇa ślakṣṇayā ca tathā girā ||
nāśraddadhata tāṃ dāsīm annahetor upasthitām ||
virāṭasya tu kaikeyī bhāryā paramasaṃmatā ||
avalokayantī dadṛśe prāsādād drupadātmajām ||
sā samīkṣya tathārūpām anāthām ekavāsasam ||
samāhūyābravīd bhadre kā tvaṃ kiṃ ca cikīrṣasi ||
sā tām uvāca rājendra sairandhry aham upāgatā ||
karma cecchāmy ahaṃ kartuṃ tasya yo māṃ pupukṣati ||
Вайшампаяна сказал: «Затем Кришна, черноглазая, подняла свои мягкие, безупречные волосы с завитыми концами и спрятала их на правом боку. Надев одну большую, грязную, чёрную одежду и приняв облик саира́ндхри, Кришна ходила как страдающая. Мужчины и женщины подбегали к ней; увидев её, они спрашивали: “Кто ты и что хочешь сделать?” Она отвечала им: “Я саира́ндхри и пришла сюда. Я хочу работать у того, кто будет меня содержать”. Но из-за её красоты, одежды и мягкой речи они не верили, что эта служанка пришла ради пищи. Кайкейская жена Вираты, весьма почитаемая, глядя с дворца, увидела дочь Друпады. Увидев её такой прекрасной, беззащитной, в одной одежде, она позвала её и сказала: “Благая, кто ты и что хочешь сделать?” Та ответила ей: “Я саира́ндхри, царица; я пришла и хочу работать у того, кто будет меня содержать”».
dd0eeec43e5e · опубликовано 16 июл. 2026 г., 17:58:59 UTC
Доступно наRUENЛистайте стихи клавишами
Драупади старается стать незаметной, но красота и достоинство выдают её так же, как царственность выдавала Юдхиштхиру. Не всё, что принадлежит душе, можно спрятать одеждой.