वैशंपायन उवाच
तम् अर्थं प्रतिजल्पन्त्याः कृष्णायाः कीचकेन ह ॥
दिवसार्धं समभवन् मासेनैव समं नृप ॥
कीचको ऽथ गृहं गत्वा भृशं हर्षपरिप्लुतः ॥
सैरन्ध्रीरूपिणं मूढो मृत्युं तं नावबुद्धवान् ॥
गन्धाभरणमाल्येषु व्यासक्तः स विशेषतः ॥
अलंचकार सो ऽऽत्मानं सत्वरः काममोहितः ॥
तस्य तत् कुर्वतः कर्म कालो दीर्घ इवाभवत् ॥
अनुचिन्तयतश् चापि ताम् एवायतलोचनाम् ॥
आसीद् अभ्यधिका चास्य श्रीः श्रियं प्रमुमुक्षतः ॥
निर्वाणकाले दीपस्य वर्तीम् इव दिधक्षतः ॥
कृतसंप्रत्ययस् तत्र कीचकः काममोहितः ॥
नाजानाद् दिवसं यान्तं चिन्तयानः समागमम् ॥
ततस् तु द्रौपदी गत्वा तदा भीमं महानसे ॥
उपातिष्ठत कल्याणी कौरव्यं पतिम् अन्तिकात् ॥
तम् उवाच सुकेशान्ता कीचकस्य मया कृतः ॥
संगमो नर्तनागारे यथावोचः परंतप ॥
शून्यं स नर्तनागारम् आगमिष्यति कीचकः ॥
एको निशि महाबाहो कीचकं तं निषूदय ॥
तं सूतपुत्रं कौन्तेय कीचकं मददर्पितम् ॥
गत्वा त्वं नर्तनागारं निर्जीवं कुरु पाण्डव ॥
दर्पाच् च सूतपुत्रो ऽसौ गन्धर्वान् अवमन्यते ॥
तं त्वं प्रहरतां श्रेष्ठ नडं नाग इवोद्धर ॥
अश्रु दुःखाभिभूताया मम मार्जस्व भारत ॥
आत्मनश् चैव भद्रं ते कुरु मानं कुलस्य च ॥
vaiśaṃpāyana uvāca
tam arthaṃ pratijalpantyāḥ kṛṣṇāyāḥ kīcakena ha ||
divasārdhaṃ samabhavan māsenaiva samaṃ nṛpa ||
kīcako 'tha gṛhaṃ gatvā bhṛśaṃ harṣapariplutaḥ ||
sairandhrīrūpiṇaṃ mūḍho mṛtyuṃ taṃ nāvabuddhavān ||
gandhābharaṇamālyeṣu vyāsaktaḥ sa viśeṣataḥ ||
alaṃcakāra so ''tmānaṃ satvaraḥ kāmamohitaḥ ||
tasya tat kurvataḥ karma kālo dīrgha ivābhavat ||
anucintayataś cāpi tām evāyatalocanām ||
āsīd abhyadhikā cāsya śrīḥ śriyaṃ pramumukṣataḥ ||
nirvāṇakāle dīpasya vartīm iva didhakṣataḥ ||
kṛtasaṃpratyayas tatra kīcakaḥ kāmamohitaḥ ||
nājānād divasaṃ yāntaṃ cintayānaḥ samāgamam ||
tatas tu draupadī gatvā tadā bhīmaṃ mahānase ||
upātiṣṭhata kalyāṇī kauravyaṃ patim antikāt ||
tam uvāca sukeśāntā kīcakasya mayā kṛtaḥ ||
saṃgamo nartanāgāre yathāvocaḥ paraṃtapa ||
śūnyaṃ sa nartanāgāram āgamiṣyati kīcakaḥ ||
eko niśi mahābāho kīcakaṃ taṃ niṣūdaya ||
taṃ sūtaputraṃ kaunteya kīcakaṃ madadarpitam ||
gatvā tvaṃ nartanāgāraṃ nirjīvaṃ kuru pāṇḍava ||
darpāc ca sūtaputro 'sau gandharvān avamanyate ||
taṃ tvaṃ praharatāṃ śreṣṭha naḍaṃ nāga ivoddhara ||
aśru duḥkhābhibhūtāyā mama mārjasva bhārata ||
ātmanaś caiva bhadraṃ te kuru mānaṃ kulasya ca ||
Пока Кришна говорила с Кичакой об этом деле, половина дня стала для неё, царь, словно месяц. Кичака пошёл домой, охваченный великой радостью; глупец не понял, что смерть пришла к нему в облике Саира́ндхри. Особенно занятый ароматами, украшениями и гирляндами, он поспешно украшал себя, ослеплённый желанием. Пока он делал это и думал только о широкоокой, время стало для него долгим. Уверившись в условии, Кичака, ослеплённый желанием, не замечал, как идёт день, всё думая о встрече. Тогда прекрасная Драупади пошла к Бхиме на кухню, подошла к своему мужу Каураве и сказала: «Прекрасноволосая я устроила встречу с Кичакой в танцевальном зале, как ты сказал, истребитель врагов. В пустой танцевальный зал он придёт ночью один, могучерукий. Убей этого Кичаку. Пойди в танцевальный зал и сделай безжизненным этого сына суты, Кичаку, опьянённого гордостью, Каунтея. Он из гордости презирает гандхарвов; ты, лучший из поражающих, вырви его, как слон тростник. Утри слёзы мне, подавленной горем, о Бхарата; сделай благо себе и сохрани честь рода».
6c59c09d58b9 · опубликовано 16 июл. 2026 г., 18:17:34 UTC
Доступно наRUENЛистайте стихи клавишами
Драупади просит не о мести ради себя одной. Для неё оскорбление женщины, честь рода и долг защитника связаны в один узел.