भीमसेन उवाच
स्वागतं ते वरारोहे यन् मा वेदयसे प्रियम् ॥
न ह्य् अस्य कं चिद् इच्छामि सहायं वरवर्णिनि ॥
या मे प्रीतिस् त्वयाख्याता कीचकस्य समागमे ॥
हत्वा हिडिम्बं सा प्रीतिर् ममासीद् वरवर्णिनि ॥
सत्यं भ्रातॄंश् च धर्मं च पुरस्कृत्य ब्रवीमि ते ॥
कीचकं निहनिष्यामि वृत्रं देवपतिर् यथा ॥
तं गह्वरे प्रकाशे वा पोथयिष्यामि कीचकम् ॥
अथ चेद् अवभोत्स्यन्ति हंस्ये मत्स्यान् अपि ध्रुवम् ॥
ततो दुर्योधनं हत्वा प्रतिपत्स्ये वसुंधराम् ॥
कामं मत्स्यम् उपास्तां हि कुन्तीपुत्रो युधिष्ठिरः ॥
द्रौपद्य् उवाच
यथा न संत्यजेथास् त्वं सत्यं वै मत्कृते विभो ॥
निगूढस् त्वं तथा वीर कीचकं विनिपातय ॥
भीमसेन उवाच
एवम् एतत् करिष्यामि यथा त्वं भीरु भाषसे ॥
अदृश्यमानस् तस्याद्य तमस्विन्याम् अनिन्दिते ॥
नागो बिल्वम् इवाक्रम्य पोथयिष्याम्य् अहं शिरः ॥
अलभ्याम् इच्छतस् तस्य कीचकस्य दुरात्मनः ॥
वैशंपायन उवाच
भीमो ऽथ प्रथमं गत्वा रात्रौ छन्न उपाविशत् ॥
मृगं हरिर् इवादृश्यः प्रत्याकाङ्क्षत् स कीचकम् ॥
bhīmasena uvāca
svāgataṃ te varārohe yan mā vedayase priyam ||
na hy asya kaṃ cid icchāmi sahāyaṃ varavarṇini ||
yā me prītis tvayākhyātā kīcakasya samāgame ||
hatvā hiḍimbaṃ sā prītir mamāsīd varavarṇini ||
satyaṃ bhrātṝṃś ca dharmaṃ ca puraskṛtya bravīmi te ||
kīcakaṃ nihaniṣyāmi vṛtraṃ devapatir yathā ||
taṃ gahvare prakāśe vā pothayiṣyāmi kīcakam ||
atha ced avabhotsyanti haṃsye matsyān api dhruvam ||
tato duryodhanaṃ hatvā pratipatsye vasuṃdharām ||
kāmaṃ matsyam upāstāṃ hi kuntīputro yudhiṣṭhiraḥ ||
draupady uvāca
yathā na saṃtyajethās tvaṃ satyaṃ vai matkṛte vibho ||
nigūḍhas tvaṃ tathā vīra kīcakaṃ vinipātaya ||
bhīmasena uvāca
evam etat kariṣyāmi yathā tvaṃ bhīru bhāṣase ||
adṛśyamānas tasyādya tamasvinyām anindite ||
nāgo bilvam ivākramya pothayiṣyāmy ahaṃ śiraḥ ||
alabhyām icchatas tasya kīcakasya durātmanaḥ ||
vaiśaṃpāyana uvāca
bhīmo 'tha prathamaṃ gatvā rātrau channa upāviśat ||
mṛgaṃ harir ivādṛśyaḥ pratyākāṅkṣat sa kīcakam ||
Бхимасена сказал: «Добро пожаловать тебе, прекрасная, что ты сообщаешь мне желанное. Мне не нужен никакой помощник в этом деле, прекрасноликая. Та радость, которую ты принесла рассказом о встрече с Кичакой, была у меня, прекрасная, когда я убил Хидимбу. Поставив впереди истину, братьев и дхарму, говорю тебе: я убью Кичаку, как владыка богов убил Вритру. В пещере или на виду я растерзаю Кичаку; а если узнают, я непременно убью и Матсьев. Затем, убив Дурьодхану, приму землю. Пусть сын Кунти Юдхиштхира, если хочет, служит Матсье». Драупади сказала: «Чтобы ты не оставил истины ради меня, владыка, убей Кичаку скрыто, герой». Бхимасена сказал: «Так я и сделаю, робкая, как ты говоришь. Сегодня в темноте, безупречная, невидимый для него, я наступлю на голову этого злого Кичаки, желающего недоступную, и разобью её, как слон плод бильвы». Вайшампаяна сказал: «Ночью Бхима пришёл первым, скрытый, сел и, невидимый, стал ждать Кичаку, как лев — зверя».
bdd58efebe55 · опубликовано 16 июл. 2026 г., 18:17:34 UTC
Доступно наRUENЛистайте стихи клавишами
Бхима готов снести весь город, но принимает просьбу Драупади о скрытости. Его сила подчиняется не ярости, а цели.