यत् तु दानपतिं शूरं क्षुधिताः पृथिवीचराः ॥
प्राप्य तृप्ताः प्रतिष्ठन्ते धर्मः को ऽभ्यधिकस् ततः ॥
दानेनान्यं बलेनान्यं तथा सूनृतयापरम् ॥
सर्वतः प्रतिगृह्णीयाद् राज्यं प्राप्येह धार्मिकः ॥
ब्राह्मणः प्रचरेद् भैक्षं क्षत्रियः परिपालयेत् ॥
वैश्यो धनार्जनं कुर्याच् छूद्रः परिचरेच् च तान् ॥
भैक्षं विप्रतिषिद्धं ते कृषिर् नैवोपपद्यते ॥
क्षत्रियो ऽसि क्षतात् त्राता बाहुवीर्योपजीविता ॥
पित्र्यम् अंशं महाबाहो निमग्नं पुनर् उद्धर ॥
साम्ना दानेन भेदेन दण्डेनाथ नयेन च ॥
yat tu dānapatiṃ śūraṃ kṣudhitāḥ pṛthivīcarāḥ ||
prāpya tṛptāḥ pratiṣṭhante dharmaḥ ko 'bhyadhikas tataḥ ||
dānenānyaṃ balenānyaṃ tathā sūnṛtayāparam ||
sarvataḥ pratigṛhṇīyād rājyaṃ prāpyeha dhārmikaḥ ||
brāhmaṇaḥ pracared bhaikṣaṃ kṣatriyaḥ paripālayet ||
vaiśyo dhanārjanaṃ kuryāc chūdraḥ paricarec ca tān ||
bhaikṣaṃ vipratiṣiddhaṃ te kṛṣir naivopapadyate ||
kṣatriyo 'si kṣatāt trātā bāhuvīryopajīvitā ||
pitryam aṃśaṃ mahābāho nimagnaṃ punar uddhara ||
sāmnā dānena bhedena daṇḍenātha nayena ca ||
«Когда голодные люди земли приходят к щедрому герою, владыке даров, насыщаются и находят опору, какая дхарма выше этого? Получив здесь царство, праведный должен принимать одного даром, другого силой, а третьего доброй речью. Брахману подобает жить подаянием, кшатрию — защищать, вайшье — добывать богатство, шудре — служить им. Подаяние тебе запрещено, земледелие тебе также не подходит: ты кшатрий, защитник от вреда, живущий силой рук. О могучерукий, снова подними отцовскую долю, погружённую в беду, — мирным увещанием, дарами, расколом, наказанием и политическим средством».
cab4ebf0883c · опубликовано 17 июл. 2026 г., 05:51:08 UTC
Доступно наRUENЛистайте стихи клавишами
Кунти говорит жёстко, потому что положение Пандавов противоестественно для кшатриев. Их путь — не милостыня и не земледелие, а восстановление отцовской доли всеми законными средствами политики.