निर्दश्य दशनैश् चापि क्रोधात् स्वदशनच् छदान् ॥
भ्रुकुटीकुटिलैर् वक्त्रैः प्रेक्षन्ते च परस्परम् ॥
अपरे क्लिश्यमानास् तु व्रणार्ताः शरपीडिताः ॥
निष्कूजाः समपद्यन्त दृढसत्त्वा महाबलाः ॥
अन्ये तु विरथाः शूरा रथम् अन्यस्य संयुगे ॥
प्रार्थयाना निपतिताः संक्षुण्णा वरवारणैः ॥
अशोभन्त महाराज पुष्पिता इव किंशुकाः ॥
संबभूवुर् अनीकेषु बहवो भैरवस्वनाः ॥
वर्तमाने महाभीमे तस्मिन् वीरवरक्षये ॥
अहनत् तु पिता पुत्रं पुत्रश् च पितरं रणे ॥
स्वस्रीयो मातुलं चापि स्वस्रीयं चापि मातुलः ॥
सखायं च सखा राजन् संबन्धी बान्धवं तथा ॥
एवं युयुधिरे तत्र कुरवः पाण्डवैः सह ॥
वर्तमाने भये तस्मिन् निर्मर्यादे महाहवे ॥
भीष्मम् आसाद्य पार्थानां वाहिनी समकम्पत ॥
केतुना पञ्चतारेण तालेन भरतर्षभ ॥
राजतेन महाबाहुर् उच्छ्रितेन महारथे ॥
बभौ भीष्मस् तदा राजंश् चन्द्रमा इव मेरुणा ॥
nirdaśya daśanaiś cāpi krodhāt svadaśanac chadān ||
bhrukuṭīkuṭilair vaktraiḥ prekṣante ca parasparam ||
apare kliśyamānās tu vraṇārtāḥ śarapīḍitāḥ ||
niṣkūjāḥ samapadyanta dṛḍhasattvā mahābalāḥ ||
anye tu virathāḥ śūrā ratham anyasya saṃyuge ||
prārthayānā nipatitāḥ saṃkṣuṇṇā varavāraṇaiḥ ||
aśobhanta mahārāja puṣpitā iva kiṃśukāḥ ||
saṃbabhūvur anīkeṣu bahavo bhairavasvanāḥ ||
vartamāne mahābhīme tasmin vīravarakṣaye ||
ahanat tu pitā putraṃ putraś ca pitaraṃ raṇe ||
svasrīyo mātulaṃ cāpi svasrīyaṃ cāpi mātulaḥ ||
sakhāyaṃ ca sakhā rājan saṃbandhī bāndhavaṃ tathā ||
evaṃ yuyudhire tatra kuravaḥ pāṇḍavaiḥ saha ||
vartamāne bhaye tasmin nirmaryāde mahāhave ||
bhīṣmam āsādya pārthānāṃ vāhinī samakampata ||
ketunā pañcatāreṇa tālena bharatarṣabha ||
rājatena mahābāhur ucchritena mahārathe ||
babhau bhīṣmas tadā rājaṃś candramā iva meruṇā ||
От гнева воины кусали зубами собственные губы и смотрели друг на друга лицами, искривлёнными нахмуренными бровями. Другие, мучимые, страдающие от ран и измученные стрелами, становились беззвучными — могучие, с твёрдым духом. Иные герои, лишённые колесниц, искали в битве чужую колесницу, но падали, раздавленные лучшими слонами; они сияли, о великий царь, словно цветущие кимшука. Среди войск возникало множество страшных звуков, пока продолжалось это ужаснейшее уничтожение лучших героев. В бою отец убивал сына, сын — отца; племянник — дядю, дядя — племянника; друг — друга, о царь, родственник — родича. Так там Куру сражались с Пандавами. Когда этот страх продолжался в безмерной великой битве, войско Партхов, столкнувшись с Бхишмой, задрожало. Тогда Бхишма, о царь, сиял на великой колеснице со своим поднятым серебряным знаменем с пальмой и пятью звёздами, словно луна над Меру».
63e1036dcfa3 · опубликовано 17 июл. 2026 г., 21:12:34 UTC
Доступно наRUENЛистайте стихи клавишами
Глава завершается образом Бхишмы: над хаосом родоубийственной битвы он сияет величаво, как луна над Меру. Но это сияние трагично, потому что его мощь теперь заставляет дрожать войско Партхов.