प्रत्युद्ययुस् ततो भीमं तव पुत्राश् चतुर्दश ॥
सेनापतिः सुषेणश् च जलसंधः सुलोचनः ॥
उग्रो भीमरथो भीमो भीमबाहुर् अलोलुपः ॥
दुर्मुखो दुष्प्रधर्षश् च विवित्सुर् विकटः समः ॥
विसृजन्तो बहून् बाणान् क्रोधसंरक्तलोचनाः ॥
भीमसेनम् अभिद्रुत्य विव्यधुः सहिता भृशम् ॥
पुत्रांस् तु तव संप्रेक्ष्य भीमसेनो महाबलः ॥
सृक्किणी विलिहन् वीरः पशुमध्ये वृको यथा ॥
सेनापतेः क्षुरप्रेण शिरश् चिच्छेद पाण्डवः ॥
जलसंधं विनिर्भिद्य सो ऽनयद् यमसादनम् ॥
सुषेणं च ततो हत्वा प्रेषयाम् आस मृत्यवे ॥
उग्रस्य सशिरस्त्राणं शिरश् चन्द्रोपमं भुवि ॥
पातयाम् आस भल्लेन कुण्डलाभ्यां विभूषितम् ॥
भीमबाहुं च सप्तत्या साश्वकेतुं ससारथिम् ॥
निनाय समरे भीमः परलोकाय मारिष ॥
भीमं भीमरथं चोभौ भीमसेनो हसन्न् इव ॥
भ्रातरौ रभसौ राजन्न् अनयद् यमसादनम् ॥
ततः सुलोचनं भीमः क्षुरप्रेण महामृधे ॥
मिषतां सर्वसैन्यानाम् अनयद् यमसादनम् ॥
पुत्रास् तु तव तं दृष्ट्वा भीमसेनपराक्रमम् ॥
शेषा ये ऽन्ये ऽभवंस् तत्र ते भीमस्य भयार्दिताः ॥
विप्रद्रुता दिशो राजन् वध्यमाना महात्मना ॥
ततो ऽब्रवीच् छांतनवः सर्वान् एव महारथान् ॥
एष भीमो रणे क्रुद्धो धार्तराष्ट्रान् महारथान् ॥
यथाप्राग्र्यान् यथाज्येष्ठान् यथाशूरांश् च संगतान् ॥
निपातयत्य् उग्रधन्वा तं प्रमथ्नीत पार्थिवाः ॥
एवम् उक्तास् ततः सर्वे धार्तराष्ट्रस्य सैनिकाः ॥
अभ्यद्रवन्त संक्रुद्धा भीमसेनं महाबलम् ॥
pratyudyayus tato bhīmaṃ tava putrāś caturdaśa ||
senāpatiḥ suṣeṇaś ca jalasaṃdhaḥ sulocanaḥ ||
ugro bhīmaratho bhīmo bhīmabāhur alolupaḥ ||
durmukho duṣpradharṣaś ca vivitsur vikaṭaḥ samaḥ ||
visṛjanto bahūn bāṇān krodhasaṃraktalocanāḥ ||
bhīmasenam abhidrutya vivyadhuḥ sahitā bhṛśam ||
putrāṃs tu tava saṃprekṣya bhīmaseno mahābalaḥ ||
sṛkkiṇī vilihan vīraḥ paśumadhye vṛko yathā ||
senāpateḥ kṣurapreṇa śiraś ciccheda pāṇḍavaḥ ||
jalasaṃdhaṃ vinirbhidya so 'nayad yamasādanam ||
suṣeṇaṃ ca tato hatvā preṣayām āsa mṛtyave ||
ugrasya saśirastrāṇaṃ śiraś candropamaṃ bhuvi ||
pātayām āsa bhallena kuṇḍalābhyāṃ vibhūṣitam ||
bhīmabāhuṃ ca saptatyā sāśvaketuṃ sasārathim ||
nināya samare bhīmaḥ paralokāya māriṣa ||
bhīmaṃ bhīmarathaṃ cobhau bhīmaseno hasann iva ||
bhrātarau rabhasau rājann anayad yamasādanam ||
tataḥ sulocanaṃ bhīmaḥ kṣurapreṇa mahāmṛdhe ||
miṣatāṃ sarvasainyānām anayad yamasādanam ||
putrās tu tava taṃ dṛṣṭvā bhīmasenaparākramam ||
śeṣā ye 'nye 'bhavaṃs tatra te bhīmasya bhayārditāḥ ||
vipradrutā diśo rājan vadhyamānā mahātmanā ||
tato 'bravīc chāṃtanavaḥ sarvān eva mahārathān ||
eṣa bhīmo raṇe kruddho dhārtarāṣṭrān mahārathān ||
yathāprāgryān yathājyeṣṭhān yathāśūrāṃś ca saṃgatān ||
nipātayaty ugradhanvā taṃ pramathnīta pārthivāḥ ||
evam uktās tataḥ sarve dhārtarāṣṭrasya sainikāḥ ||
abhyadravanta saṃkruddhā bhīmasenaṃ mahābalam ||
После этого против Бхимы выступили четырнадцать твоих сыновей: Сенапати, Сушена, Джаласандха, Сулочана, Угра, Бхимаратха, Бхима, Бхимабаху, Алолупа, Дурмукха, Душпрадхарша, Вивитсу, Виката и Сама. С глазами, покрасневшими от гнева, они, выпуская множество стрел, вместе устремились на Бхимасену и сильно поразили его. Но могучий герой Бхимасена, увидев твоих сыновей и облизывая углы рта, словно волк среди стада, кшурапрой отсёк голову Сенапати. Пронзив Джаласандху, он отправил его в обитель Ямы; затем убил Сушену и послал его смерти. Бхаллой он сбил на землю луноподобную голову Угры, украшенную серьгами и шлемом. Бхимабаху вместе с конями, знаменем и возничим Бхима в сражении отправил в иной мир, о почтенный. Братьев Бхиму и Бхимаратху, обоих стремительных, Бхимасена будто с улыбкой послал в обитель Ямы, о царь. Затем в великой битве, на глазах всех войск, Бхима кшурапрой отправил туда же Сулочану. Увидев эту доблесть Бхимасены, оставшиеся твои сыновья, мучимые страхом перед Бхимой и поражаемые великодушным, разбежались по сторонам, о царь. Тогда Шантанава сказал всем махаратхам: “Вот разгневанный Бхима в бою низвергает махаратхов-Дхартараштров — лучших, старших и доблестных. Сокрушите его, о цари!” После этих слов все воины Дхартараштры в ярости устремились на могучего Бхимасену».
4520d9da69d3 · опубликовано 17 июл. 2026 г., 21:22:45 UTC
Доступно наRUENЛистайте стихи клавишами
Бхима исполняет обещание перед Вишокой: сыновья Дхритараштры падают один за другим. Это не безличная резня в тексте, а тяжёлое последствие той линии, которую Дхритараштра и Дурьодхана сами выбрали.