भगदत्तः प्रभिन्नेन कुञ्जरेण विशां पते ॥
अपतत् सहसा तत्र यत्र भीमो व्यवस्थितः ॥
आपतन्न् एव च रणे भीमसेनं शिलाशितैः ॥
अदृश्यं समरे चक्रे जीमूत इव भास्करम् ॥
अभिमन्युमुखास् तत्र नामृष्यन्त महारथाः ॥
भीमस्याच्छादनं संख्ये स्वबाहुबलम् आश्रिताः ॥
त एनं शरवर्षेण समन्तात् पर्यवारयन् ॥
गजं च शरवृष्ट्या तं बिभिदुस् ते समन्ततः ॥
स शस्त्रवृष्ट्याभिहतः प्राद्रवद् द्विगुणं पदम् ॥
प्राग्ज्योतिषगजो राजन् नानालिङ्गैः सुतेजनैः ॥
संजातरुधिरोत्पीडः प्रेक्षणीयो ऽभवद् रणे ॥
गभस्तिभिर् इवार्कस्य संस्यूतो जलदो महान् ॥
स चोदितो मदस्रावी भगदत्तेन वारणः ॥
अभ्यधावत तान् सर्वान् कालोत्सृष्ट इवान्तकः ॥
द्विगुणं जवम् आस्थाय कम्पयंश् चरणैर् महीम् ॥
तस्य तत् सुमहद् रूपं दृष्ट्वा सर्वे महारथाः ॥
असह्यं मन्यमानास् ते नातिप्रमनसो ऽभवन् ॥
ततस् तु नृपतिः क्रुद्धो भीमसेनं स्तनान्तरे ॥
आजघान नरव्याघ्र शरेण नतपर्वणा ॥
सो ऽतिविद्धो महेष्वासस् तेन राज्ञा महारथः ॥
मूर्छयाभिपरीताङ्गो ध्वजयष्टिम् उपाश्रितः ॥
तांस् तु भीतान् समालक्ष्य भीमसेनं च मूर्छितम् ॥
ननाद बलवन् नादं भगदत्तः प्रतापवान् ॥
bhagadattaḥ prabhinnena kuñjareṇa viśāṃ pate ||
apatat sahasā tatra yatra bhīmo vyavasthitaḥ ||
āpatann eva ca raṇe bhīmasenaṃ śilāśitaiḥ ||
adṛśyaṃ samare cakre jīmūta iva bhāskaram ||
abhimanyumukhās tatra nāmṛṣyanta mahārathāḥ ||
bhīmasyācchādanaṃ saṃkhye svabāhubalam āśritāḥ ||
ta enaṃ śaravarṣeṇa samantāt paryavārayan ||
gajaṃ ca śaravṛṣṭyā taṃ bibhidus te samantataḥ ||
sa śastravṛṣṭyābhihataḥ prādravad dviguṇaṃ padam ||
prāgjyotiṣagajo rājan nānāliṅgaiḥ sutejanaiḥ ||
saṃjātarudhirotpīḍaḥ prekṣaṇīyo 'bhavad raṇe ||
gabhastibhir ivārkasya saṃsyūto jalado mahān ||
sa codito madasrāvī bhagadattena vāraṇaḥ ||
abhyadhāvata tān sarvān kālotsṛṣṭa ivāntakaḥ ||
dviguṇaṃ javam āsthāya kampayaṃś caraṇair mahīm ||
tasya tat sumahad rūpaṃ dṛṣṭvā sarve mahārathāḥ ||
asahyaṃ manyamānās te nātipramanaso 'bhavan ||
tatas tu nṛpatiḥ kruddho bhīmasenaṃ stanāntare ||
ājaghāna naravyāghra śareṇa nataparvaṇā ||
so 'tividdho maheṣvāsas tena rājñā mahārathaḥ ||
mūrchayābhiparītāṅgo dhvajayaṣṭim upāśritaḥ ||
tāṃs tu bhītān samālakṣya bhīmasenaṃ ca mūrchitam ||
nanāda balavan nādaṃ bhagadattaḥ pratāpavān ||
Бхагадатта на разъярённом слоне, о владыка людей, внезапно бросился туда, где стоял Бхима. Налетая в бою, он отточенными стрелами скрыл Бхимасену, как туча скрывает солнце. Махаратхи во главе с Абхиманью, опираясь на силу своих рук, не стерпели, что Бхима покрыт стрелами в бою. Они со всех сторон окружили Бхагадатту дождём стрел и отовсюду пробили его слона стрелным ливнем. Поражённый дождём оружия, слон Прагджьотиши понёсся удвоенным ходом, о царь; с разными сияющими метками и выступившими струями крови он стал в бою удивительным зрелищем, как большая туча, прошитая лучами солнца. Понуждаемый Бхагадаттой, этот слон, сочащийся мадой, устремился на всех, словно Антака, выпущенный временем, с удвоенной скоростью сотрясая землю стопами. Увидев его огромный облик, все махаратхи, сочтя это невыносимым, лишились бодрости. Тогда разгневанный царь, о тигр среди людей, поразил Бхимасену в грудь хорошо согнутой стрелой. Великий ратхин и могучий лучник, тяжко раненный этим царём, был охвачен обмороком и опёрся на древко знамени. Увидев их испуг и Бхимасену без сознания, могучий Бхагадатта издал громкий рёв».
50612ee4372a · опубликовано 17 июл. 2026 г., 21:22:45 UTC
Доступно наRUENЛистайте стихи клавишами
Появление Бхагадатты меняет вес боя: против Бхимы выходит не только царь, но и огромная слоновья сила. Даже герои на миг теряют бодрость, потому что война снова принимает почти стихийный облик.