तस्मिन् महति संग्रामे तादृशे भैरवे पुनः ॥
महान् व्यतिकरो घोरः सेनयोः समपद्यत ॥
हया गजाः पदाताश् च विमिश्रा दन्तिभिर् हताः ॥
रथाश् च दन्तिनश् चैव पत्तिभिस् तत्र सूदिताः ॥
तथा पत्तिरथौघाश् च हयाश् च बहवो रणे ॥
रथिभिर् निहता राजंस् तव तेषां च संकुले ॥
अजानन्न् अर्जुनश् चापि निहतं पुत्रम् औरसम् ॥
जघान समरे शूरान् राज्ञस् तान् भीष्मरक्षिणः ॥
तथैव तावका राजन् सृञ्जयाश् च महाबलाः ॥
जुह्वतः समरे प्राणान् निजघ्नुर् इतरेतरम् ॥
मुक्तकेशा विकवचा विरथाश् छिन्नकार्मुकाः ॥
बाहुभिः समयुध्यन्त समवेताः परस्परम् ॥
तथा मर्मातिगैर् भीष्मो निजघान महारथान् ॥
कम्पयन् समरे सेनां पाण्डवानां महाबलः ॥
तेन यौधिष्ठिरे सैन्ये बहवो मानवा हताः ॥
दन्तिनः सादिनश् चैव रथिनो ऽथ हयास् तथा ॥
तत्र भारत भीष्मस्य रणे दृष्ट्वा पराक्रमम् ॥
अत्यद्भुतम् अपश्याम शक्रस्येव पराक्रमम् ॥
तथैव भीमसेनस्य पार्षतस्य च भारत ॥
रौद्रम् आसीत् तदा युद्धं सात्वतस्य च धन्विनः ॥
दृष्ट्वा द्रोणस्य विक्रान्तं पाण्डवान् भयम् आविशत् ॥
एक एव रणे शक्तो हन्तुम् अस्मान् ससैनिकान् ॥
किं पुनः पृथिवीशूरैर् योधव्रातैः समावृतः ॥
इत्य् अब्रुवन् महाराज रणे द्रोणेन पीडिताः ॥
वर्तमाने तथा रौद्रे संग्रामे भरतर्षभ ॥
उभयोः सेनयोः शूरा नामृष्यन्त परस्परम् ॥
आविष्टा इव युध्यन्ते रक्षोभूता महाबलाः ॥
तावकाः पाण्डवेयाश् च संरब्धास् तात धन्विनः ॥
न स्म पश्यामहे कं चिद् यः प्राणान् परिरक्षति ॥
संग्रामे दैत्यसंकाशे तस्मिन् योद्धा नराधिप ॥
tasmin mahati saṃgrāme tādṛśe bhairave punaḥ ||
mahān vyatikaro ghoraḥ senayoḥ samapadyata ||
hayā gajāḥ padātāś ca vimiśrā dantibhir hatāḥ ||
rathāś ca dantinaś caiva pattibhis tatra sūditāḥ ||
tathā pattirathaughāś ca hayāś ca bahavo raṇe ||
rathibhir nihatā rājaṃs tava teṣāṃ ca saṃkule ||
ajānann arjunaś cāpi nihataṃ putram aurasam ||
jaghāna samare śūrān rājñas tān bhīṣmarakṣiṇaḥ ||
tathaiva tāvakā rājan sṛñjayāś ca mahābalāḥ ||
juhvataḥ samare prāṇān nijaghnur itaretaram ||
muktakeśā vikavacā virathāś chinnakārmukāḥ ||
bāhubhiḥ samayudhyanta samavetāḥ parasparam ||
tathā marmātigair bhīṣmo nijaghāna mahārathān ||
kampayan samare senāṃ pāṇḍavānāṃ mahābalaḥ ||
tena yaudhiṣṭhire sainye bahavo mānavā hatāḥ ||
dantinaḥ sādinaś caiva rathino 'tha hayās tathā ||
tatra bhārata bhīṣmasya raṇe dṛṣṭvā parākramam ||
atyadbhutam apaśyāma śakrasyeva parākramam ||
tathaiva bhīmasenasya pārṣatasya ca bhārata ||
raudram āsīt tadā yuddhaṃ sātvatasya ca dhanvinaḥ ||
dṛṣṭvā droṇasya vikrāntaṃ pāṇḍavān bhayam āviśat ||
eka eva raṇe śakto hantum asmān sasainikān ||
kiṃ punaḥ pṛthivīśūrair yodhavrātaiḥ samāvṛtaḥ ||
ity abruvan mahārāja raṇe droṇena pīḍitāḥ ||
vartamāne tathā raudre saṃgrāme bharatarṣabha ||
ubhayoḥ senayoḥ śūrā nāmṛṣyanta parasparam ||
āviṣṭā iva yudhyante rakṣobhūtā mahābalāḥ ||
tāvakāḥ pāṇḍaveyāś ca saṃrabdhās tāta dhanvinaḥ ||
na sma paśyāmahe kaṃ cid yaḥ prāṇān parirakṣati ||
saṃgrāme daityasaṃkāśe tasmin yoddhā narādhipa ||
В той великой и снова столь ужасной битве между двумя армиями возникла огромная страшная сумятица. Кони, слоны и пехотинцы смешались; пешие были раздавлены слонами, а колесницы и слоны там поражались пехотинцами. Так же в давке твоих и их, царь, колесничие поражали потоки пехоты и колесниц, а также многих коней. Арджуна, не зная, что его родной сын убит, в сражении убивал героев царя, защищавших Бхишму. Так же твои воины, царь, и могучие Сринджаи, отдавая жизни в битве, поражали друг друга. С распущенными волосами, без брони, без колесниц и с рассечёнными луками, они сходились и сражались руками. Могучий Бхишма смертоносными стрелами сражал махаратхов, сотрясая в битве войско Пандавов. Из-за него в армии Юдхиштхиры были убиты многие люди, слоновые и конные воины, колесничие и кони. Там, о Бхарата, увидев в битве доблесть Бхишмы, мы увидели нечто чрезвычайно изумительное, подобное доблести Индры. Так же страшной была тогда битва Бхимасены, Паршаты-Дхриштадьюмны и лучника Сатваты. Увидев доблесть Дроны, Пандавов охватил страх: “Он один способен в битве убить нас вместе с войсками; что же говорить, когда он окружён героями земли и отрядами воинов?” — так говорили они, великий царь, теснимые Дроной в бою. Пока продолжалось такое страшное сражение, о лучший из Бхаратов, герои обеих армий не щадили друг друга. Разъярённые лучники твоей стороны и Пандавов, дорогой, сражались как одержимые, могучие, словно ставшие ракшасами. В этом демоноподобном сражении, владыка людей, мы не видели ни одного воина, который берёг бы свою жизнь».
b789ad8478fc · опубликовано 17 июл. 2026 г., 21:46:25 UTC
Доступно наRUENЛистайте стихи клавишами
После гибели Иравана повествование не задерживается на частной скорби: Арджуна ещё не знает о смерти сына, а битва продолжает пожирать всех. Это подчёркивает жестокий закон войны: личная трагедия растворяется в общем потоке разрушения, пока сознание воинов становится почти демоническим.