धृतराष्ट्र उवाच
कथं शिखण्डी गाङ्गेयम् अभ्यवर्तत संयुगे ॥
पाण्डवाश् च तथा भीष्मं तन् ममाचक्ष्व संजय ॥
संजय उवाच
ततः प्रभाते विमले सूर्यस्योदयनं प्रति ॥
वाद्यमानासु भेरीषु मृदङ्गेष्व् आनकेषु च ॥
ध्मायत्सु दधिवर्णेषु जलजेषु समन्ततः ॥
शिखण्डिनं पुरस्कृत्य निर्याताः पाण्डवा युधि ॥
कृत्वा व्यूहं महाराज सर्वशत्रुनिबर्हणम् ॥
शिखण्डी सर्वसैन्यानाम् अग्र आसीद् विशां पते ॥
चक्ररक्षौ ततस् तस्य भीमसेनधनंजयौ ॥
पृष्ठतो द्रौपदेयाश् च सौभद्रश् चैव वीर्यवान् ॥
सात्यकिश् चेकितानश् च तेषां गोप्ता महारथः ॥
धृष्टद्युम्नस् ततः पश्चात् पाञ्चालैर् अभिरक्षितः ॥
ततो युधिष्ठिरो राजा यमाभ्यां सहितः प्रभुः ॥
प्रययौ सिंहनादेन नादयन् भरतर्षभ ॥
विराटस् तु ततः पश्चात् स्वेन सैन्येन संवृतः ॥
द्रुपदश् च महाराज ततः पश्चाद् उपाद्रवत् ॥
केकया भ्रातरः पञ्च धृष्टकेतुश् च वीर्यवान् ॥
जघनं पालयाम् आस पाण्डुसैन्यस्य भारत ॥
एवं व्यूह्य महत् सैन्यं पाण्डवास् तव वाहिनीम् ॥
अभ्यद्रवन्त संग्रामे त्यक्त्वा जीवितम् आत्मनः ॥
dhṛtarāṣṭra uvāca
kathaṃ śikhaṇḍī gāṅgeyam abhyavartata saṃyuge ||
pāṇḍavāś ca tathā bhīṣmaṃ tan mamācakṣva saṃjaya ||
saṃjaya uvāca
tataḥ prabhāte vimale sūryasyodayanaṃ prati ||
vādyamānāsu bherīṣu mṛdaṅgeṣv ānakeṣu ca ||
dhmāyatsu dadhivarṇeṣu jalajeṣu samantataḥ ||
śikhaṇḍinaṃ puraskṛtya niryātāḥ pāṇḍavā yudhi ||
kṛtvā vyūhaṃ mahārāja sarvaśatrunibarhaṇam ||
śikhaṇḍī sarvasainyānām agra āsīd viśāṃ pate ||
cakrarakṣau tatas tasya bhīmasenadhanaṃjayau ||
pṛṣṭhato draupadeyāś ca saubhadraś caiva vīryavān ||
sātyakiś cekitānaś ca teṣāṃ goptā mahārathaḥ ||
dhṛṣṭadyumnas tataḥ paścāt pāñcālair abhirakṣitaḥ ||
tato yudhiṣṭhiro rājā yamābhyāṃ sahitaḥ prabhuḥ ||
prayayau siṃhanādena nādayan bharatarṣabha ||
virāṭas tu tataḥ paścāt svena sainyena saṃvṛtaḥ ||
drupadaś ca mahārāja tataḥ paścād upādravat ||
kekayā bhrātaraḥ pañca dhṛṣṭaketuś ca vīryavān ||
jaghanaṃ pālayām āsa pāṇḍusainyasya bhārata ||
evaṃ vyūhya mahat sainyaṃ pāṇḍavās tava vāhinīm ||
abhyadravanta saṃgrāme tyaktvā jīvitam ātmanaḥ ||
Дхритараштра сказал: «Как Шикханди двинулся в сражении против сына Ганги и как Пандавы пошли на Бхишму? Расскажи мне это, Санджая». Санджая сказал: «Затем, ясным утром, при восходе солнца, когда звучали бхери, мриданги и анаки, когда повсюду трубили в белоснежные раковины, Пандавы выступили в бой, поставив Шикханди впереди. Выстроив, великий царь, боевой порядок, сокрушающий всех врагов, они поставили Шикханди во главе всех войск, о владыка народов. Бхимасена и Дхананджая стали защитниками его колёс; позади находились сыновья Драупади и доблестный Саубхадра. Сатьяки и Чекитана, великие ратхины, были их защитниками; затем шёл Дхриштадьюмна под охраной Панчалов. После этого царь Юдхиштхира, владыка, вместе с двумя близнецами двинулся, оглашая поле львиным рыком, о бык Бхаратов. Вирата следовал позади, окружённый своим войском, а затем поспешил Друпада, великий царь. Пятеро братьев Кекайев и доблестный Дхришта кету охраняли тыл Пандавской армии, о Бхарата. Так выстроив великое войско, Пандавы в сражении устремились на твою армию, не щадя собственной жизни».
9857f2ecad8f · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Утро начинается не просто новым боем, а исполнением ночного решения. Шикханди поставлен впереди, а лучшие Пандавы защищают его путь к Бхишме.