तस्मिन्न् अतिमहाभीमे सेनयोर् वै पराक्रमे ॥
संप्रधावत्स्व् अनीकेषु मेदिनी समकम्पत ॥
तान्य् अनीकान्य् अनीकेषु समसज्जन्त भारत ॥
तावकानां परेषां च दृष्ट्वा शांतनवं रणे ॥
ततस् तेषां प्रयतताम् अन्योन्यम् अभिधावताम् ॥
प्रादुरासीन् महाञ् शब्दो दिक्षु सर्वासु भारत ॥
शङ्खदुन्दुभिघोषैश् च वारणानां च बृंहितैः ॥
सिंहनादैश् च सैन्यानां दारुणः समपद्यत ॥
सा च सर्वनरेन्द्राणां चन्द्रार्कसदृशी प्रभा ॥
वीराङ्गदकिरीटेषु निष्प्रभा समपद्यत ॥
रजोमेघाश् च संजज्ञुः शस्त्रविद्युद्भिर् आवृताः ॥
धनुषां चैव निर्घोषो दारुणः समपद्यत ॥
बाणशङ्खप्रणादाश् च भेरीणां च महास्वनाः ॥
रथगोषश् च संजग्मुः सेनयोर् उभयोर् अपि ॥
प्रासशक्त्यृष्टिसंघैश् च बाणौघैश् च समाकुलम् ॥
निष्प्रकाशम् इवाकाशं सेनयोः समपद्यत ॥
अन्योन्यं रथिनः पेतुर् वाजिनश् च महाहवे ॥
कुञ्जराः कुञ्जराञ् जघ्नुः पदातींश् च पदातयः ॥
तद् आसीत् सुमहद् युद्धं कुरूणां पाण्डवैः सह ॥
भीष्महेतोर् नरव्याघ्र श्येनयोर् आमिषे यथा ॥
तयोः समागमो घोरो बभूव युधि भारत ॥
अन्योन्यस्य वधार्थाय जिगीषूणां रणाजिरे ॥
tasminn atimahābhīme senayor vai parākrame ||
saṃpradhāvatsv anīkeṣu medinī samakampata ||
tāny anīkāny anīkeṣu samasajjanta bhārata ||
tāvakānāṃ pareṣāṃ ca dṛṣṭvā śāṃtanavaṃ raṇe ||
tatas teṣāṃ prayatatām anyonyam abhidhāvatām ||
prādurāsīn mahāñ śabdo dikṣu sarvāsu bhārata ||
śaṅkhadundubhighoṣaiś ca vāraṇānāṃ ca bṛṃhitaiḥ ||
siṃhanādaiś ca sainyānāṃ dāruṇaḥ samapadyata ||
sā ca sarvanarendrāṇāṃ candrārkasadṛśī prabhā ||
vīrāṅgadakirīṭeṣu niṣprabhā samapadyata ||
rajomeghāś ca saṃjajñuḥ śastravidyudbhir āvṛtāḥ ||
dhanuṣāṃ caiva nirghoṣo dāruṇaḥ samapadyata ||
bāṇaśaṅkhapraṇādāś ca bherīṇāṃ ca mahāsvanāḥ ||
rathagoṣaś ca saṃjagmuḥ senayor ubhayor api ||
prāsaśaktyṛṣṭisaṃghaiś ca bāṇaughaiś ca samākulam ||
niṣprakāśam ivākāśaṃ senayoḥ samapadyata ||
anyonyaṃ rathinaḥ petur vājinaś ca mahāhave ||
kuñjarāḥ kuñjarāñ jaghnuḥ padātīṃś ca padātayaḥ ||
tad āsīt sumahad yuddhaṃ kurūṇāṃ pāṇḍavaiḥ saha ||
bhīṣmahetor naravyāghra śyenayor āmiṣe yathā ||
tayoḥ samāgamo ghoro babhūva yudhi bhārata ||
anyonyasya vadhārthāya jigīṣūṇāṃ raṇājire ||
В том ужаснейшем натиске двух войск, когда отряды стремительно сходились, земля задрожала. Эти строи сцепились со строями, о Бхарата: твои воины и их противники, увидев Шантанава в бою, бросались друг на друга. Тогда у воинов, напряжённо рвавшихся во взаимную атаку, во всех сторонах поднялся огромный шум, о Бхарата. От звуков раковин и барабанов, от трубления слонов и львиных кличей войск он стал ужасающим. Сияние всех царей, подобное луне и солнцу, на браслетах и венцах героев померкло. Поднялись пыльные тучи, прорезанные молниями оружия, и страшным стал грохот луков. Свист стрел, звуки раковин, мощный бой бхери и грохот колесниц слились в обеих армиях. Простор над войсками словно потемнел, переполненный скоплениями прас, шакти и ришти, а также потоками стрел. Колесничие бросались друг на друга, кони сталкивались в великой битве; слоны поражали слонов, а пехотинцы — пехотинцев. Это было великое сражение Куру с Пандавами из-за Бхишмы, о тигр среди людей, словно бой двух соколов за добычу. Их страшное схождение произошло на поле битвы ради взаимного уничтожения: обе стороны жаждали победы».
831a56058570 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Финал главы превращает частные поединки в образ космического затемнения: свет царей меркнет, небо закрывают оружие и пыль. Когда дхарма войны сводится к желанию победить и убить, даже героизм выглядит как затмение света.