संजय उवाच
अभिमन्युर् महाराज तव पुत्रम् अयोधयत् ॥
महत्या सेनया युक्तो भीष्महेतोः पराक्रमी ॥
दुर्योधनो रणे कार्ष्णिं नवभिर् नतपर्वभिः ॥
आजघान रणे क्रुद्धः पुनश् चैनं त्रिभिः शरैः ॥
तस्य शक्तिं रणे कार्ष्णिर् मृत्योर् घोराम् इव स्वसाम् ॥
प्रेषयाम् आस संक्रुद्धो दुर्योधनरथं प्रति ॥
ताम् आपतन्तीं सहसा घोररूपां विशां पते ॥
द्विधा चिच्छेद ते पुत्रः क्षुरप्रेण महारथः ॥
तां शक्तिं पतितां दृष्ट्वा कार्ष्णिः परमकोपनः ॥
दुर्योधनं त्रिभिर् बाणैर् बाह्वोर् उरसि चार्पयत् ॥
पुनश् चैनं शरैर् घोरैर् आजघान स्तनान्तरे ॥
दशभिर् भरतश्रेष्ठ दुर्योधनम् अमर्षणम् ॥
तद् युद्धम् अभवद् घोरं चित्ररूपं च भारत ॥
ईक्षितृप्रीतिजननं सर्वपार्थिवपूजितम् ॥
भीष्मस्य निधनार्थाय पार्थस्य विजयाय च ॥
युयुधाते रणे वीरौ सौभद्रकुरुपुंगवौ ॥
saṃjaya uvāca
abhimanyur mahārāja tava putram ayodhayat ||
mahatyā senayā yukto bhīṣmahetoḥ parākramī ||
duryodhano raṇe kārṣṇiṃ navabhir nataparvabhiḥ ||
ājaghāna raṇe kruddhaḥ punaś cainaṃ tribhiḥ śaraiḥ ||
tasya śaktiṃ raṇe kārṣṇir mṛtyor ghorām iva svasām ||
preṣayām āsa saṃkruddho duryodhanarathaṃ prati ||
tām āpatantīṃ sahasā ghorarūpāṃ viśāṃ pate ||
dvidhā ciccheda te putraḥ kṣurapreṇa mahārathaḥ ||
tāṃ śaktiṃ patitāṃ dṛṣṭvā kārṣṇiḥ paramakopanaḥ ||
duryodhanaṃ tribhir bāṇair bāhvor urasi cārpayat ||
punaś cainaṃ śarair ghorair ājaghāna stanāntare ||
daśabhir bharataśreṣṭha duryodhanam amarṣaṇam ||
tad yuddham abhavad ghoraṃ citrarūpaṃ ca bhārata ||
īkṣitṛprītijananaṃ sarvapārthivapūjitam ||
bhīṣmasya nidhanārthāya pārthasya vijayāya ca ||
yuyudhāte raṇe vīrau saubhadrakurupuṃgavau ||
Санджая сказал: «О великий царь, отважный Абхиманью, поддержанный большим войском, ради Бхишмы сражался с твоим сыном. Дурьодхана в бою, разгневавшись, ударил Каршни девятью изогнутыми стрелами, а затем ещё тремя. Тогда Каршни в ярости метнул в колесницу Дурьодханы свою шакти, страшную, словно сестра смерти. Но твой сын, великий ратхин, бритвенной стрелой рассёк надвое это ужасное копьё, стремительно налетавшее на него. Увидев, что шакти упала, Абхиманью, охваченный великим гневом, тремя стрелами поразил Дурьодхану в руки и грудь. Затем он снова ударил страшными стрелами гневливого Дурьодхану в грудь, о лучший из Бхаратов, десятью стрелами. Их битва была страшной и дивной по виду, о Бхарата; она радовала зрителей и была почтена всеми царями. Ради гибели Бхишмы и ради победы Партхи два героя, Саубхадра и бык Куру, сражались в бою».
1673ccbdce43 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Глава открывается не главным столкновением Арджуны и Бхишмы, а боем Абхиманью с Дурьодханой. На десятый день даже отдельные поединки подчинены одному центру: всё совершается ради падения Бхишмы и победы Партхи.