तच् छ्रुत्वा तु वचो राजंस् तव पुत्रस्य धन्विनः ॥
अर्जुनं प्रति संयत्ता बलवन्तो महारथाः ॥
ते विदेहाः कलिङ्गाश् च दाशेरकगणैः सह ॥
अभिपेतुर् निषादाश् च सौवीराश् च महारणे ॥
बाह्लिका दरदाश् चैव प्राच्योदीच्याश् च मालवाः ॥
अभीषाहाः शूरसेनाः शिबयो ऽथ वसातयः ॥
शाल्वाश्रयास् त्रिगर्ताश् च अम्बष्ठाः केकयैः सह ॥
अभिपेतू रणे पार्थं पतंगा इव पावकम् ॥
स तान् सर्वान् सहानीकान् महाराज महारथान् ॥
दिव्यान्य् अस्त्राणि संचिन्त्य प्रसंधाय धनंजयः ॥
स तैर् अस्त्रैर् महावेगैर् ददाहाशु महाबलः ॥
शरप्रतापैर् बीभत्सुः पतंगान् इव पावकः ॥
तस्य बाणसहस्राणि सृजतो दृढधन्विनः ॥
दीप्यमानम् इवाकाशे गाण्डीवं समदृश्यत ॥
ते शरार्ता महाराज विप्रकीर्णरथध्वजाः ॥
नाब्यवर्तन्त राजानः सहिता वानरध्वजम् ॥
सध्वजा रथिनः पेतुर् हयारोहा हयैः सह ॥
गजाः सह गजारोहैः किरीटिशरताडिताः ॥
ततो ऽर्जुनभुजोत्सृष्टैर् आवृतासीद् वसुंधरा ॥
विद्रवद्भिश् च बहुधा बलै राज्ञां समन्ततः ॥
अथ पार्थो महाबाहुर् द्रावयित्वा वरूथिनीम् ॥
दुःशासनाय समरे प्रेषयाम् आस सायकान् ॥
ते तु भित्त्वा तव सुतं दुःशासनम् अयोमुखाः ॥
धरणीं विविशुः सर्वे वल्मीकम् इव पन्नगाः ॥
हयांश् चास्य ततो जघ्ने सारथिं च न्यपातयत् ॥
विविंशतिं च विंशत्या विरथं कृतवान् प्रभो ॥
आजघान भृशं चैव पञ्चभिर् नतपर्वभिः ॥
कृपं शल्यं विकर्णं च विद्ध्वा बहुभिर् आयसैः ॥
चकार विरथांश् चैव कौन्तेयः श्वेतवाहनः ॥
एवं ते विरथाः पञ्च कृपः शल्यश् च मारिष ॥
दुःशासनो विकर्णश् च तथैव च विविंशतिः ॥
संप्राद्रवन्त समरे निर्जिताः सव्यसाचिना ॥
पूर्वाह्णे तु तथा राजन् पराजित्य महारथान् ॥
प्रजज्वाल रणे पार्थो विधूम इव पावकः ॥
तथैव शरवर्षेण भास्करो रश्मिवान् इव ॥
अन्यान् अपि महाराज पातयाम् आस पार्थिवान् ॥
पराङ्मुखीकृत्य तदा शरवर्षैर् महारथान् ॥
प्रावर्तयत संग्रामे शोणितोदां महानदीम् ॥
मध्येन कुरुसैन्यानां पाण्डवानां च भारत ॥
tac chrutvā tu vaco rājaṃs tava putrasya dhanvinaḥ ||
arjunaṃ prati saṃyattā balavanto mahārathāḥ ||
te videhāḥ kaliṅgāś ca dāśerakagaṇaiḥ saha ||
abhipetur niṣādāś ca sauvīrāś ca mahāraṇe ||
bāhlikā daradāś caiva prācyodīcyāś ca mālavāḥ ||
abhīṣāhāḥ śūrasenāḥ śibayo 'tha vasātayaḥ ||
śālvāśrayās trigartāś ca ambaṣṭhāḥ kekayaiḥ saha ||
abhipetū raṇe pārthaṃ pataṃgā iva pāvakam ||
sa tān sarvān sahānīkān mahārāja mahārathān ||
divyāny astrāṇi saṃcintya prasaṃdhāya dhanaṃjayaḥ ||
sa tair astrair mahāvegair dadāhāśu mahābalaḥ ||
śarapratāpair bībhatsuḥ pataṃgān iva pāvakaḥ ||
tasya bāṇasahasrāṇi sṛjato dṛḍhadhanvinaḥ ||
dīpyamānam ivākāśe gāṇḍīvaṃ samadṛśyata ||
te śarārtā mahārāja viprakīrṇarathadhvajāḥ ||
nābyavartanta rājānaḥ sahitā vānaradhvajam ||
sadhvajā rathinaḥ petur hayārohā hayaiḥ saha ||
gajāḥ saha gajārohaiḥ kirīṭiśaratāḍitāḥ ||
tato 'rjunabhujotsṛṣṭair āvṛtāsīd vasuṃdharā ||
vidravadbhiś ca bahudhā balai rājñāṃ samantataḥ ||
atha pārtho mahābāhur drāvayitvā varūthinīm ||
duḥśāsanāya samare preṣayām āsa sāyakān ||
te tu bhittvā tava sutaṃ duḥśāsanam ayomukhāḥ ||
dharaṇīṃ viviśuḥ sarve valmīkam iva pannagāḥ ||
hayāṃś cāsya tato jaghne sārathiṃ ca nyapātayat ||
viviṃśatiṃ ca viṃśatyā virathaṃ kṛtavān prabho ||
ājaghāna bhṛśaṃ caiva pañcabhir nataparvabhiḥ ||
kṛpaṃ śalyaṃ vikarṇaṃ ca viddhvā bahubhir āyasaiḥ ||
cakāra virathāṃś caiva kaunteyaḥ śvetavāhanaḥ ||
evaṃ te virathāḥ pañca kṛpaḥ śalyaś ca māriṣa ||
duḥśāsano vikarṇaś ca tathaiva ca viviṃśatiḥ ||
saṃprādravanta samare nirjitāḥ savyasācinā ||
pūrvāhṇe tu tathā rājan parājitya mahārathān ||
prajajvāla raṇe pārtho vidhūma iva pāvakaḥ ||
tathaiva śaravarṣeṇa bhāskaro raśmivān iva ||
anyān api mahārāja pātayām āsa pārthivān ||
parāṅmukhīkṛtya tadā śaravarṣair mahārathān ||
prāvartayata saṃgrāme śoṇitodāṃ mahānadīm ||
madhyena kurusainyānāṃ pāṇḍavānāṃ ca bhārata ||
Услышав речь твоего сына-лучника, о царь, могучие махаратхи собрались против Арджуны. Видехи, Калинги с отрядами Дашераков, Нишады и Саувиры устремились в великую битву; Бахлики, Дарады, воины востока и севера, Малавы, Абхишахи, Шурасены, Шибии, Васатии, сторонники Шальвы, Тригарты, Амбаштхи вместе с Кекаями - все они в бою бросились на Партху, как мотыльки на огонь. Тогда Дхананджая, вспомнив божественные астры и наложив их на тетиву, быстро сжёг всех этих махаратхов вместе с их войсками. Мощными астрами и жаром стрел Бибхатсу палил их, как огонь мотыльков. Когда этот крепколукий выпускал тысячи стрел, Гандива казалась сияющей в небе. Измученные стрелами, с разбросанными колесницами и знамёнами, цари, собравшиеся против обезьяностяжного, уже не возвращались в бой, о великий царь. Поражённые стрелами Киритина, падали ратхины со знамёнами, конники вместе с конями и слоны вместе с погонщиками. Земля была покрыта стрелами, выпущенными рукой Арджуны, и царскими войсками, разбегавшимися со всех сторон. Затем сильнорукий Партха, обратив войско в бегство, послал в бою стрелы в Духшасану. Железноголовые стрелы пробили твоего сына Духшасану и все вошли в землю, как змеи в муравейник; затем Арджуна убил его коней и сбросил возницу. Вивиншати он двадцатью стрелами лишил колесницы, о владыка, и тяжко поразил ещё пятью изогнутыми стрелами. Крипу, Шалью и Викарну, ранив множеством железных стрел, белоконный Каунтея также лишил колесниц. Так эти пятеро - Крипа, Шалья, Духшасана, Викарна и Вивиншати, о почтенный, - лишённые колесниц и побеждённые Савьясачином, бежали в бою. В первой половине дня, победив махаратхов, Партха запылал в битве, как бездымный огонь. Дождём стрел, словно лучистое солнце, он повергал и других царей, о великий царь. Обратив махаратхов спиной ливнями стрел, он пустил в сражении великую реку с кровавой водой посреди войск Куру и Пандавов, о Бхарата».
12290c62f172 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Дурьодхана бросает на Арджуну целые народы, но Санджая описывает их как мотыльков перед огнём. Победа Арджуны здесь не случайный прорыв, а проявление божественного оружия, соединённого с решимостью довести путь к Бхишме до конца.