भीमसेनो गजानीकं योधयन् बह्व् अशोभत ॥
यथा शक्रो वज्रपाणिर् दारयन् पर्वतोत्तमान् ॥
ते वध्यमाना भीमेन मातङ्गा गिरिसंनिभाः ॥
निपेतुर् उर्व्यां सहिता नादयन्तो वसुंधराम् ॥
गिरिमात्रा हि ते नागा भिन्नाञ्जनचयोपमाः ॥
विरेजुर् वसुधां प्राप्य विकीर्णा इव पर्वताः ॥
युधिष्ठिरो महेष्वासो मद्रराजानम् आहवे ॥
महत्या सेनया गुप्तं पीडयाम् आस संगतः ॥
मद्रेश्वरश् च समरे धर्मपुत्रं महारथम् ॥
पीडयाम् आस संरब्धो भीष्महेतोः पराक्रमी ॥
विराटं सैन्धवो राजा विद्ध्वा संनतपर्वभिः ॥
नवभिः सायकैस् तीक्ष्णैस् त्रिंशता पुनर् अर्दयत् ॥
विराटश् च महाराज सैन्धवं वाहिनीमुखे ॥
त्रिंशता निशितैर् बाणैर् आजघान स्तनान्तरे ॥
चित्रकार्मुकनिस्त्रिंशौ चित्रवर्मायुधध्वजौ ॥
रेजतुश् चित्ररूपौ तौ संग्रामे मत्स्यसैन्धवौ ॥
bhīmaseno gajānīkaṃ yodhayan bahv aśobhata ||
yathā śakro vajrapāṇir dārayan parvatottamān ||
te vadhyamānā bhīmena mātaṅgā girisaṃnibhāḥ ||
nipetur urvyāṃ sahitā nādayanto vasuṃdharām ||
girimātrā hi te nāgā bhinnāñjanacayopamāḥ ||
virejur vasudhāṃ prāpya vikīrṇā iva parvatāḥ ||
yudhiṣṭhiro maheṣvāso madrarājānam āhave ||
mahatyā senayā guptaṃ pīḍayām āsa saṃgataḥ ||
madreśvaraś ca samare dharmaputraṃ mahāratham ||
pīḍayām āsa saṃrabdho bhīṣmahetoḥ parākramī ||
virāṭaṃ saindhavo rājā viddhvā saṃnataparvabhiḥ ||
navabhiḥ sāyakais tīkṣṇais triṃśatā punar ardayat ||
virāṭaś ca mahārāja saindhavaṃ vāhinīmukhe ||
triṃśatā niśitair bāṇair ājaghāna stanāntare ||
citrakārmukanistriṃśau citravarmāyudhadhvajau ||
rejatuś citrarūpau tau saṃgrāme matsyasaindhavau ||
Бхимасена, сражаясь со слоновьим строем, сиял великой силой, как Шакра с ваджрой в руке, разбивающий лучшие горы. Сражаемые Бхимой слоны, подобные горам, падали вместе на землю, оглашая её своим грохотом. Эти слоны, величиной с горы и подобные грудам чёрной сурьмы, рухнув на землю, выглядели как разбросанные горные вершины. Великий лучник Юдхиштхира, сойдясь с царём Мадры, защищённым большим войском, стал теснить его в битве. И владыка Мадры, доблестный ради Бхишмы, яростно теснил в бою сына Дхармы, махаратху. Царь Сайндхава, ранив Вирату девятью острыми изогнутыми стрелами, затем снова стал мучить его тридцатью стрелами. А Вирата, о великий царь, тридцатью острыми стрелами поразил Сайндхаву в грудь на передовой линии войска. Матсья и Сайндхава, оба дивного вида, сияли в сражении с пёстрыми луками и мечами, яркими доспехами, оружием и знамёнами».
efae910303e1 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Сцена держит рядом масштаб и личный бой: Бхима рушит слонов, как Индра горы, а Юдхиштхира, Шалья, Вирата и Джаядратха ведут свои поединки ради того же узла битвы - Бхишмы.