चित्रसेनः सुशर्माणं विद्ध्वा नवभिर् आशुगैः ॥
पुनर् विव्याध तं षष्ट्या पुनश् च नवभिः शरैः ॥
सुशर्मा तु रणे क्रुद्धस् तव पुत्रं विशां पते ॥
दशभिर् दशभिश् चैव विव्याध निशितैः शरैः ॥
चित्रसेनश् च तं राजंस् त्रिंशता नतपर्वणाम् ॥
आजघान रणे क्रुद्धः स च तं प्रत्यविध्यत ॥
भीष्मस्य समरे राजन् यशो मानं च वर्धयन् ॥
सौभद्रो राजपुत्रं तु बृहद्बलम् अयोधयत् ॥
आर्जुनिं कोसलेन्द्रस् तु विद्ध्वा पञ्चभिर् आयसैः ॥
पुनर् विव्याध विंशत्या शरैः संनतपर्वभिः ॥
बृहद्बलं च सौभद्रो विद्ध्वा नवभिर् आयसैः ॥
नाकम्पयत संग्रामे विव्याध च पुनः पुनः ॥
कौसल्यस्य पुनश् चापि धनुश् चिच्छेद फाल्गुणिः ॥
आजघान शरैश् चैव त्रिंशता कङ्कपत्रिभिः ॥
सो ऽन्यत् कार्मुकम् आदाय राजपुत्रो बृहद्बलः ॥
फाल्गुनिं समरे क्रुद्धो विव्याध बहुभिः शरैः ॥
तयोर् युद्धं समभवद् भीष्महेतोः परंतप ॥
संरब्धयोर् महाराज समरे चित्रयोधिनोः ॥
यथा देवासुरे युद्धे मयवासवयोर् अभूत् ॥
citrasenaḥ suśarmāṇaṃ viddhvā navabhir āśugaiḥ ||
punar vivyādha taṃ ṣaṣṭyā punaś ca navabhiḥ śaraiḥ ||
suśarmā tu raṇe kruddhas tava putraṃ viśāṃ pate ||
daśabhir daśabhiś caiva vivyādha niśitaiḥ śaraiḥ ||
citrasenaś ca taṃ rājaṃs triṃśatā nataparvaṇām ||
ājaghāna raṇe kruddhaḥ sa ca taṃ pratyavidhyata ||
bhīṣmasya samare rājan yaśo mānaṃ ca vardhayan ||
saubhadro rājaputraṃ tu bṛhadbalam ayodhayat ||
ārjuniṃ kosalendras tu viddhvā pañcabhir āyasaiḥ ||
punar vivyādha viṃśatyā śaraiḥ saṃnataparvabhiḥ ||
bṛhadbalaṃ ca saubhadro viddhvā navabhir āyasaiḥ ||
nākampayata saṃgrāme vivyādha ca punaḥ punaḥ ||
kausalyasya punaś cāpi dhanuś ciccheda phālguṇiḥ ||
ājaghāna śaraiś caiva triṃśatā kaṅkapatribhiḥ ||
so 'nyat kārmukam ādāya rājaputro bṛhadbalaḥ ||
phālguniṃ samare kruddho vivyādha bahubhiḥ śaraiḥ ||
tayor yuddhaṃ samabhavad bhīṣmahetoḥ paraṃtapa ||
saṃrabdhayor mahārāja samare citrayodhinoḥ ||
yathā devāsure yuddhe mayavāsavayor abhūt ||
Читрасена, ранив Сушарману девятью быстрыми стрелами, снова пронзил его шестьюдесятью, а затем ещё девятью стрелами. Сушарман же, разгневавшись в бою, о владыка народов, ранил твоего сына острыми стрелами, десятью и ещё десятью. Читрасена, в гневе, ударил его в бою тридцатью изогнутыми стрелами, и тот ранил его в ответ, возвышая в сражении славу и честь Бхишмы, о царь. Саубхадра же сражался с царевичем Брихадбалой. Царь Косалы пронзил сына Арджуны пятью железными стрелами, а затем снова ранил его двадцатью изогнутыми стрелами. Но Саубхадра, пронзив Брихадбалу девятью железными стрелами, поколебал его в сражении и снова и снова наносил ему раны. Затем сын Фалгуны рассёк лук косальца и поразил его ещё тридцатью цаплепёрыми стрелами. Тогда царевич Брихадбала взял другой лук и, разгневавшись, ранил Абхиманью в бою множеством стрел. Их битва, о истребитель врагов, ради Бхишмы стала похожа на сражение двух разъярённых и искусных воинов, какое было в древней войне богов и асуров между Майей и Васавой».
6542726e4fbc · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Бой Абхиманью и Брихадбалы возвышен сравнением с девасурской войной. Воины ещё молоды, но их поступки уже вписаны в масштаб, где человеческая битва отражает космическое противостояние.