शिखण्डी तु रणे भीष्मम् आसाद्य भरतर्षभ ॥
दशभिर् दशभिर् बाणैर् आजघान महाहवे ॥
शिखण्डिनं तु गाङ्गेयः क्रोधदीप्तेन चक्षुषा ॥
अवैक्षत कटाक्षेण निर्दहन्न् इव भारत ॥
स्त्रीत्वं तत् संस्मरन् राजन् सर्वलोकस्य पश्यतः ॥
न जघान रणे भीष्मः स च तं नावबुद्धवान् ॥
अर्जुनस् तु महाराज शिखण्डिनम् अभाषत ॥
अभित्वरस्व त्वरितो जहि चैनं पितामहम् ॥
किं ते विवक्षया वीर जहि भीष्मं महारथम् ॥
न ह्य् अन्यम् अनुपश्यामि कं चिद् यौधिष्ठिरे बले ॥
यः शक्तः समरे भीष्मं योधयेत पितामहम् ॥
ऋते त्वां पुरुषव्याघ्र सत्यम् एतद् ब्रवीमि ते ॥
एवम् उक्तस् तु पार्थेन शिखण्डी भरतर्षभ ॥
शरैर् नानाविधैस् तूर्णं पितामहम् उपाद्रवत् ॥
अचिन्तयित्वा तान् बाणान् पिता देवव्रतस् तव ॥
अर्जुनं समरे क्रुद्धं वारयाम् आस सायकैः ॥
तथैव च चमूं सर्वां पाण्डवानां महारथः ॥
अप्रैषीत् समरे तीक्ष्णैः परलोकाय मारिष ॥
तथैव पाण्डवा राजन् सैन्येन महता वृताः ॥
भीष्मं प्रच्छादयाम् आसुर् मेघा इव दिवाकरम् ॥
स समन्तात् परिवृतो भारतो भरतर्षभ ॥
निर्ददाह रणे शूरान् वनं वह्निर् इव ज्वलन् ॥
śikhaṇḍī tu raṇe bhīṣmam āsādya bharatarṣabha ||
daśabhir daśabhir bāṇair ājaghāna mahāhave ||
śikhaṇḍinaṃ tu gāṅgeyaḥ krodhadīptena cakṣuṣā ||
avaikṣata kaṭākṣeṇa nirdahann iva bhārata ||
strītvaṃ tat saṃsmaran rājan sarvalokasya paśyataḥ ||
na jaghāna raṇe bhīṣmaḥ sa ca taṃ nāvabuddhavān ||
arjunas tu mahārāja śikhaṇḍinam abhāṣata ||
abhitvarasva tvarito jahi cainaṃ pitāmaham ||
kiṃ te vivakṣayā vīra jahi bhīṣmaṃ mahāratham ||
na hy anyam anupaśyāmi kaṃ cid yaudhiṣṭhire bale ||
yaḥ śaktaḥ samare bhīṣmaṃ yodhayeta pitāmaham ||
ṛte tvāṃ puruṣavyāghra satyam etad bravīmi te ||
evam uktas tu pārthena śikhaṇḍī bharatarṣabha ||
śarair nānāvidhais tūrṇaṃ pitāmaham upādravat ||
acintayitvā tān bāṇān pitā devavratas tava ||
arjunaṃ samare kruddhaṃ vārayām āsa sāyakaiḥ ||
tathaiva ca camūṃ sarvāṃ pāṇḍavānāṃ mahārathaḥ ||
apraiṣīt samare tīkṣṇaiḥ paralokāya māriṣa ||
tathaiva pāṇḍavā rājan sainyena mahatā vṛtāḥ ||
bhīṣmaṃ pracchādayām āsur meghā iva divākaram ||
sa samantāt parivṛto bhārato bharatarṣabha ||
nirdadāha raṇe śūrān vanaṃ vahnir iva jvalan ||
Шикханди, приблизившись к Бхишме в бою, о бык Бхаратов, десятками стрел поразил его в великой битве. Гангея же посмотрел на Шикханди косым взглядом, горящим гневом, словно сжигая его, о Бхарата. Но, вспоминая прежнее женское состояние Шикханди, Бхишма на глазах у всего мира не ударил его в бою, а тот не понял этого. Тогда Арджуна, о великий царь, сказал Шикханди: «Поспеши, быстрее! Порази этого питамаху. К чему разговоры, герой? Убей Бхишму, махаратху. Я не вижу никого другого в войске Юдхиштхиры, кто был бы способен сразиться в бою с питамахой, кроме тебя, о тигр среди людей; говорю тебе истину». Так наставленный Партхой, Шикханди, о бык Бхаратов, быстро устремился на питамаху с разными стрелами. Но твой предок Деваврата, не обращая внимания на эти стрелы, стал сдерживать стрелами разгневанного Арджуну в бою. Так же этот махаратха острыми стрелами отправлял в иной мир всё войско Пандавов, о почтенный. Пандавы же, окружённые большим войском, осыпали Бхишму, как облака закрывают солнце. А Бхишма, потомок Бхараты, окружённый со всех сторон, сжигал героев в бою, как пылающий огонь сжигает лес».
f0846e0dcd42 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Решающий парадокс Бхишмы раскрыт прямо: он способен сжигать армии, но не поднимает оружие на Шикханди. Арджуна понимает это и требует от Шикханди действовать, потому что победа теперь зависит от моральной границы самого Бхишмы.