रथाग्न्यगारश् चापार्चिर् असिशक्तिगदेन्धनः ॥
शरसंघमहाज्वालः क्षत्रियान् समरे ऽदहत् ॥
यथा हि सुमहान् अग्निः कक्षे चरति सानिलः ॥
तथा जज्वाल भीष्मो ऽपि दिव्यान्य् अस्त्राण्य् उदीरयन् ॥
सुवर्णपुङ्खैर् इषुभिः शितैः संनतपर्वभिः ॥
नादयन् स दिशो भीष्मः प्रदिशश् च महायशाः ॥
पातयन् रथिनो राजन् गजांश् च सह सादिभिः ॥
मुण्डतालवनानीव चकार स रथव्रजान् ॥
निर्मनुष्यान् रथान् राजन् गजान् अश्वांश् च संयुगे ॥
चकार स तदा भीष्मः सर्वशस्त्रभृतां वरः ॥
तस्य ज्यातलनिर्घोषं विस्फूर्जितम् इवाशनेः ॥
निशम्य सर्वतो राजन् समकम्पन्त सैनिकाः ॥
अमोघा ह्य् अपतन् बाणाः पितुस् ते मनुजेश्वर ॥
नासज्जन्त शरीरेषु भीष्मचापच्युताः शराः ॥
निर्मनुष्यान् रथान् राजन् सुयुक्ताञ् जवनैर् हयैः ॥
वातायमानान् पश्याम ह्रियमाणान् विशां पते ॥
चेदिकाशिकरूषाणां सहस्राणि चतुर्दश ॥
महारथाः समाख्याताः कुलपुत्रास् तनुत्यजः ॥
अपरावर्तिनः शूराः सुवर्णविकृतध्वजाः ॥
संग्रामे भीष्मम् आसाद्य सवाजिरथकुञ्जराः ॥
जग्मुस् ते परलोकाय व्यादितास्यम् इवान्तकम् ॥
न तत्रासीन् महाराज सोमकानां महारथः ॥
यः संप्राप्य रणे भीष्मं जीविते स्म मनो दधे ॥
तांश् च सर्वान् रणे योधान् प्रेतराजपुरं प्रति ॥
नीतान् अमन्यन्त जना दृष्ट्वा भीष्मस्य विक्रमम् ॥
न कश् चिद् एनं समरे प्रत्युद्याति महारथः ॥
ऋते पाण्डुसुतं वीरं श्वेताश्वं कृष्णसारथिम् ॥
शिखण्डिनं च समरे पाञ्चाल्यम् अमितौजसम् ॥
rathāgnyagāraś cāpārcir asiśaktigadendhanaḥ ||
śarasaṃghamahājvālaḥ kṣatriyān samare 'dahat ||
yathā hi sumahān agniḥ kakṣe carati sānilaḥ ||
tathā jajvāla bhīṣmo 'pi divyāny astrāṇy udīrayan ||
suvarṇapuṅkhair iṣubhiḥ śitaiḥ saṃnataparvabhiḥ ||
nādayan sa diśo bhīṣmaḥ pradiśaś ca mahāyaśāḥ ||
pātayan rathino rājan gajāṃś ca saha sādibhiḥ ||
muṇḍatālavanānīva cakāra sa rathavrajān ||
nirmanuṣyān rathān rājan gajān aśvāṃś ca saṃyuge ||
cakāra sa tadā bhīṣmaḥ sarvaśastrabhṛtāṃ varaḥ ||
tasya jyātalanirghoṣaṃ visphūrjitam ivāśaneḥ ||
niśamya sarvato rājan samakampanta sainikāḥ ||
amoghā hy apatan bāṇāḥ pitus te manujeśvara ||
nāsajjanta śarīreṣu bhīṣmacāpacyutāḥ śarāḥ ||
nirmanuṣyān rathān rājan suyuktāñ javanair hayaiḥ ||
vātāyamānān paśyāma hriyamāṇān viśāṃ pate ||
cedikāśikarūṣāṇāṃ sahasrāṇi caturdaśa ||
mahārathāḥ samākhyātāḥ kulaputrās tanutyajaḥ ||
aparāvartinaḥ śūrāḥ suvarṇavikṛtadhvajāḥ ||
saṃgrāme bhīṣmam āsādya savājirathakuñjarāḥ ||
jagmus te paralokāya vyāditāsyam ivāntakam ||
na tatrāsīn mahārāja somakānāṃ mahārathaḥ ||
yaḥ saṃprāpya raṇe bhīṣmaṃ jīvite sma mano dadhe ||
tāṃś ca sarvān raṇe yodhān pretarājapuraṃ prati ||
nītān amanyanta janā dṛṣṭvā bhīṣmasya vikramam ||
na kaś cid enaṃ samare pratyudyāti mahārathaḥ ||
ṛte pāṇḍusutaṃ vīraṃ śvetāśvaṃ kṛṣṇasārathim ||
śikhaṇḍinaṃ ca samare pāñcālyam amitaujasam ||
Бхишма в бою сжигал кшатриев, словно огонь, у которого колесницы были очагом, лук - пламенем, мечи, копья и палицы - топливом, а скопления стрел - великим жаром. Как огромный огонь, подхваченный ветром, бежит по сухой траве, так пылал Бхишма, испуская божественные астры. Великославный Бхишма золотопёрыми, острыми, изогнутыми стрелами оглашал все стороны и промежуточные направления. Повергая ратхинов и слонов вместе с наездниками, о царь, он превращал отряды колесниц в леса обрубленных пальм. Тогда Бхишма, лучший из всех носителей оружия, оставлял в сражении без людей колесницы, слонов и коней. Услышав со всех сторон грохот его тетивы и ладони, подобный раскату грома, воины дрожали, о царь. Стрелы твоего предка летели без промаха, о владыка людей; сорвавшись с лука Бхишмы, они не застревали в телах. Мы видели безлюдные колесницы, хорошо запряжённые быстрыми конями, которые, как ветер, уносились прочь, о владыка народов. Четырнадцать тысяч воинов Чеди, Каши и Каруши, считавшихся махаратхами, знатные сыновья, готовые отдать тело, неотступные герои с золотыми знамёнами, вместе с конями, колесницами и слонами, столкнувшись в сражении с Бхишмой, ушли в иной мир, словно в раскрытую пасть Антаки. Там среди Сомаков не было махаратхи, который, встретив Бхишму в бою, помышлял бы о жизни. Увидев доблесть Бхишмы, люди считали всех этих воинов уже уведёнными в город царя мёртвых. Никто из махаратхов не выходил ему навстречу в бою, кроме доблестного сына Панду с белыми конями и Кришной-возницей, а также Панчальца Шикханди неизмеримой силы».
004766053410 · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Образ Бхишмы здесь почти апокалиптичен: он не просто убивает, а становится огнём войны. Но текст сразу указывает предел этого огня - перед ним остаются только Арджуна с Кришной и Шикханди.