सेनापतिस् तु समरे प्राह सेनां महारथः ॥
अभिद्रवत गाङ्गेयं सोमकाः सृञ्जयैः सह ॥
सेनापतिवचः श्रुत्वा सोमकाः सह सृञ्जयैः ॥
अभ्यद्रवन्त गाङ्गेयं शस्त्रवृष्ट्या समन्ततः ॥
वध्यमानस् ततो राजन् पिता शांतनवस् तव ॥
अमर्षवशम् आपन्नो योधयाम् आस सृञ्जयान् ॥
तस्य कीर्तिमतस् तात पुरा रामेण धीमता ॥
संप्रदत्तास्त्रशिक्षा वै परानीकविनाशिनी ॥
स तां शिक्षाम् अधिष्ठाय कृत्वा परबलक्षयम् ॥
अहन्य् अहनि पार्थानां वृद्धः कुरुपितामहः ॥
भीष्मो दश सहस्राणि जघान परवीरहा ॥
तस्मिंस् तु दिवसे प्राप्ते दशमे भरतर्षभ ॥
भीष्मेणैकेन मत्स्येषु पाञ्चालेषु च संयुगे ॥
गजाश्वम् अमितं हत्वा हताः सप्त महारथाः ॥
हत्वा पञ्च सहस्राणि रथिनां प्रपितामहः ॥
नराणां च महायुद्धे सहस्राणि चतुर्दश ॥
तथा दन्तिसहस्रं च हयानाम् अयुतं पुनः ॥
शिक्षाबलेन निहतं पित्रा तव विशां पते ॥
ततः सर्वमहीपानां क्षोभयित्वा वरूथिनीम् ॥
विराटस्य प्रियो भ्राता शतानीको निपातितः ॥
शतानीकं च समरे हत्वा भीष्मः प्रतापवान् ॥
सहस्राणि महाराज राज्ञां भल्लैर् न्यपातयत् ॥
ये च के चन पार्थानाम् अभियाता धनंजयम् ॥
राजानो भीष्मम् आसाद्य गतास् ते यमसादनम् ॥
एवं दश दिशो भीष्मः शरजालैः समन्ततः ॥
अतीत्य सेनां पार्थानाम् अवतस्थे चमूमुखे ॥
स कृत्वा सुमहत् कर्म तस्मिन् वै दशमे ऽहनि ॥
सेनयोर् अन्तरे तिष्ठन् प्रगृहीतशरासनः ॥
senāpatis tu samare prāha senāṃ mahārathaḥ ||
abhidravata gāṅgeyaṃ somakāḥ sṛñjayaiḥ saha ||
senāpativacaḥ śrutvā somakāḥ saha sṛñjayaiḥ ||
abhyadravanta gāṅgeyaṃ śastravṛṣṭyā samantataḥ ||
vadhyamānas tato rājan pitā śāṃtanavas tava ||
amarṣavaśam āpanno yodhayām āsa sṛñjayān ||
tasya kīrtimatas tāta purā rāmeṇa dhīmatā ||
saṃpradattāstraśikṣā vai parānīkavināśinī ||
sa tāṃ śikṣām adhiṣṭhāya kṛtvā parabalakṣayam ||
ahany ahani pārthānāṃ vṛddhaḥ kurupitāmahaḥ ||
bhīṣmo daśa sahasrāṇi jaghāna paravīrahā ||
tasmiṃs tu divase prāpte daśame bharatarṣabha ||
bhīṣmeṇaikena matsyeṣu pāñcāleṣu ca saṃyuge ||
gajāśvam amitaṃ hatvā hatāḥ sapta mahārathāḥ ||
hatvā pañca sahasrāṇi rathināṃ prapitāmahaḥ ||
narāṇāṃ ca mahāyuddhe sahasrāṇi caturdaśa ||
tathā dantisahasraṃ ca hayānām ayutaṃ punaḥ ||
śikṣābalena nihataṃ pitrā tava viśāṃ pate ||
tataḥ sarvamahīpānāṃ kṣobhayitvā varūthinīm ||
virāṭasya priyo bhrātā śatānīko nipātitaḥ ||
śatānīkaṃ ca samare hatvā bhīṣmaḥ pratāpavān ||
sahasrāṇi mahārāja rājñāṃ bhallair nyapātayat ||
ye ca ke cana pārthānām abhiyātā dhanaṃjayam ||
rājāno bhīṣmam āsādya gatās te yamasādanam ||
evaṃ daśa diśo bhīṣmaḥ śarajālaiḥ samantataḥ ||
atītya senāṃ pārthānām avatasthe camūmukhe ||
sa kṛtvā sumahat karma tasmin vai daśame 'hani ||
senayor antare tiṣṭhan pragṛhītaśarāsanaḥ ||
Тогда полководец, махаратха, сказал войску в бою: «Сомаки, вместе со Сринджаями, нападайте на сына Ганги!» Услышав слово полководца, Сомаки со Сринджаями со всех сторон устремились на Бхишму дождём оружия. Поражаемый ими, о царь, твой предок Шантанав, охваченный гневом, стал сражаться со Сринджаями. Когда-то мудрый Рама передал этому прославленному воину науку оружия, уничтожающую вражеские войска. Опираясь на это обучение, старый питамаха Куру Бхишма, губитель чужих героев, день за днём истреблял силы Партхов и убивал по десять тысяч воинов. А когда настал десятый день, о бык Бхаратов, один Бхишма в битве среди Матсьев и Панчалов, убив несчётное множество слонов и коней, сразил семь махаратхов. Этот старейшина рода убил пять тысяч ратхинов, четырнадцать тысяч пеших воинов в великой битве, тысячу слонов и ещё десять тысяч коней: всё это было сражено твоим предком силой его воинской науки, о владыка народов. Затем, потрясая войско всех земных владык, он поверг Шатанику, дорогого брата Вираты. Убив Шатанику в бою, доблестный Бхишма, о великий царь, бхаллами поверг тысячи царей. И какие бы цари со стороны Партхов ни двигались к Дхананджае, все они, столкнувшись с Бхишмой, уходили в обитель Ямы. Так Бхишма, со всех сторон покрыв десять направлений сетями стрел, прошёл через войско Партхов и встал на переднем краю. Совершив в тот десятый день великий подвиг, он стоял между двумя армиями с поднятым луком».
53d564d1cadb · опубликовано 17 июл. 2026 г., 22:03:50 UTC
Доступно наRUENЛистайте стихи клавишами
Санджая связывает нынешнее могущество Бхишмы с его обучением у Рамы. Но даже совершенная воинская наука здесь служит не торжеству, а разрушению: числа погибших показывают, насколько страшной стала сила, поставленная на службу долгу войны.