भीष्मस् तु वेदनां धैर्यान् निगृह्य भरतर्षभ ॥
अभितप्तः शरैश् चैव नातिहृष्टमनाब्रवीत् ॥
शराभितप्तकायो ऽहं शरसंतापमूर्छितः ॥
पानीयम् अभिकाङ्क्षे ऽहं राज्ञस् तान् प्रत्यभाषत ॥
ततस् ते क्षत्रिया राजन् समाजह्रुः समन्ततः ॥
भक्ष्यान् उच्चावचांस् तत्र वारिकुम्भांश् च शीतलान् ॥
उपनीतं च तद् दृष्ट्वा भीष्मः शांतनवो ऽब्रवीत् ॥
नाद्य तात मया शक्यं भोगान् कांश् चन मानुषान् ॥
उपभोक्तुं मनुष्येभ्यः शरशय्यागतो ह्य् अहम् ॥
प्रतीक्षमाणस् तिष्ठामि निवृत्तिं शशिसूर्ययोः ॥
एवम् उक्त्वा शांतनवो दीनवाक् सर्वपार्थिवान् ॥
धनंजयं महाबाहुम् अभ्यभाषत भारत ॥
अथोपेत्य महाबाहुर् अभिवाद्य पितामहम् ॥
अतिष्ठत् प्राञ्जलिः प्रह्वः किं करोमीति चाब्रवीत् ॥
तं दृष्ट्वा पाण्डवं राजन्न् अभिवाद्याग्रतः स्थितम् ॥
अभ्यभाषत धर्मात्मा भीष्मः प्रीतो धनंजयम् ॥
दह्यते ऽदः शरीरं मे संस्यूतो ऽस्मि महेषुभिः ॥
मर्माणि परिदूयन्ते वदनं मम शुष्यति ॥
ह्लादनार्थं शरीरस्य प्रयच्छापो ममार्जुन ॥
त्वं हि शक्तो महेष्वास दातुम् अम्भो यथाविधि ॥
bhīṣmas tu vedanāṃ dhairyān nigṛhya bharatarṣabha ||
abhitaptaḥ śaraiś caiva nātihṛṣṭamanābravīt ||
śarābhitaptakāyo 'haṃ śarasaṃtāpamūrchitaḥ ||
pānīyam abhikāṅkṣe 'haṃ rājñas tān pratyabhāṣata ||
tatas te kṣatriyā rājan samājahruḥ samantataḥ ||
bhakṣyān uccāvacāṃs tatra vārikumbhāṃś ca śītalān ||
upanītaṃ ca tad dṛṣṭvā bhīṣmaḥ śāṃtanavo 'bravīt ||
nādya tāta mayā śakyaṃ bhogān kāṃś cana mānuṣān ||
upabhoktuṃ manuṣyebhyaḥ śaraśayyāgato hy aham ||
pratīkṣamāṇas tiṣṭhāmi nivṛttiṃ śaśisūryayoḥ ||
evam uktvā śāṃtanavo dīnavāk sarvapārthivān ||
dhanaṃjayaṃ mahābāhum abhyabhāṣata bhārata ||
athopetya mahābāhur abhivādya pitāmaham ||
atiṣṭhat prāñjaliḥ prahvaḥ kiṃ karomīti cābravīt ||
taṃ dṛṣṭvā pāṇḍavaṃ rājann abhivādyāgrataḥ sthitam ||
abhyabhāṣata dharmātmā bhīṣmaḥ prīto dhanaṃjayam ||
dahyate 'daḥ śarīraṃ me saṃsyūto 'smi maheṣubhiḥ ||
marmāṇi paridūyante vadanaṃ mama śuṣyati ||
hlādanārthaṃ śarīrasya prayacchāpo mamārjuna ||
tvaṃ hi śakto maheṣvāsa dātum ambho yathāvidhi ||
Бхишма же, сдержав боль стойкостью, о бык Бхаратов, измученный стрелами, сказал без радости в сердце: «Тело моё сожжено стрелами, я ослаблен их мучительным жаром. Я желаю воды». Так он обратился к тем царям. Тогда кшатрии, о царь, со всех сторон принесли разные яства и прохладные кувшины воды. Увидев всё это, Шантанав Бхишма сказал: «Теперь, дитя, я не могу принимать от людей никакие человеческие наслаждения, ибо лежу на ложе стрел и ожидаю поворота луны и солнца». Сказав это всем царям печальным голосом, Шантанав обратился к великорукому Дхананджае, о Бхарата. Тогда великорукий Арджуна подошёл, поклонился питамахе и, смиренно стоя перед ним со сложенными ладонями, сказал: «Что мне сделать?» Увидев Пандаву, поклонившегося и стоящего перед ним, праведнодушный Бхишма с радостью обратился к Дхананджае: «Это тело моё горит; я прошит великими стрелами, жизненные места мучаются, рот мой сохнет. Для отрады тела дай мне воды, Арджуна. Ведь ты, великий лучник, способен подать воду как подобает».
69d731aed7a5 · опубликовано 17 июл. 2026 г., 22:03:51 UTC
Доступно наRUENЛистайте стихи клавишами
Бхишма отказывается от обычных человеческих подношений: его состояние уже не принадлежит обычному порядку наслаждения и страдания. Он просит воду именно у Арджуны, потому что видит в нём не только воина, но исполнителя должного действия.