अर्जुनस् तु तथेत्य् उक्त्वा रथम् आरुह्य वीर्यवान् ॥
अधिज्यं बलवत् कृत्वा गाण्डीवं व्याक्षिपद् धनुः ॥
तस्य ज्यातलनिर्घोषं विस्फूर्जितम् इवाशनेः ॥
वित्रेसुः सर्वभूतानि श्रुत्वा सर्वे च पार्थिवाः ॥
ततः प्रदक्षिणं कृत्वा रथेन रथिनां वरः ॥
शयानं भरतश्रेष्ठं सर्वशस्त्रभृतां वरम् ॥
संधाय च शरं दीप्तम् अभिमन्त्र्य महायशाः ॥
पर्जन्यास्त्रेण संयोज्य सर्वलोकस्य पश्यतः ॥
अविध्यत् पृथिवीं पार्थः पार्श्वे भीष्मस्य दक्षिणे ॥
उत्पपात ततो धारा विमला वारिणः शिवा ॥
शीतस्यामृतकल्पस्य दिव्यगन्धरसस्य च ॥
अतर्पयत् ततः पार्थः शीतया वारिधारया ॥
भीष्मं कुरूणाम् ऋषभं दिव्यकर्मपराक्रमः ॥
कर्मणा तेन पार्थस्य शक्रष्येव विकुर्वतः ॥
विस्मयं परमं जग्मुस् ततस् ते वसुधाधिपाः ॥
तत् कर्म प्रेक्ष्य बीभत्सोर् अतिमानुषम् अद्भुतम् ॥
संप्रावेपन्त कुरवो गावः शीतार्दिता इव ॥
विस्मयाच् चोत्तरीयाणि व्याविध्यन् सर्वतो नृपाः ॥
शङ्खदुन्दुभिनिर्घोषैस् तुमुलं सर्वतो ऽभवत् ॥
तृप्तः शांतनवश् चापि राजन् बीभत्सुम् अब्रवीत् ॥
सर्वपार्थिववीराणां संनिधौ पूजयन्न् इव ॥
arjunas tu tathety uktvā ratham āruhya vīryavān ||
adhijyaṃ balavat kṛtvā gāṇḍīvaṃ vyākṣipad dhanuḥ ||
tasya jyātalanirghoṣaṃ visphūrjitam ivāśaneḥ ||
vitresuḥ sarvabhūtāni śrutvā sarve ca pārthivāḥ ||
tataḥ pradakṣiṇaṃ kṛtvā rathena rathināṃ varaḥ ||
śayānaṃ bharataśreṣṭhaṃ sarvaśastrabhṛtāṃ varam ||
saṃdhāya ca śaraṃ dīptam abhimantrya mahāyaśāḥ ||
parjanyāstreṇa saṃyojya sarvalokasya paśyataḥ ||
avidhyat pṛthivīṃ pārthaḥ pārśve bhīṣmasya dakṣiṇe ||
utpapāta tato dhārā vimalā vāriṇaḥ śivā ||
śītasyāmṛtakalpasya divyagandharasasya ca ||
atarpayat tataḥ pārthaḥ śītayā vāridhārayā ||
bhīṣmaṃ kurūṇām ṛṣabhaṃ divyakarmaparākramaḥ ||
karmaṇā tena pārthasya śakraṣyeva vikurvataḥ ||
vismayaṃ paramaṃ jagmus tatas te vasudhādhipāḥ ||
tat karma prekṣya bībhatsor atimānuṣam adbhutam ||
saṃprāvepanta kuravo gāvaḥ śītārditā iva ||
vismayāc cottarīyāṇi vyāvidhyan sarvato nṛpāḥ ||
śaṅkhadundubhinirghoṣais tumulaṃ sarvato 'bhavat ||
tṛptaḥ śāṃtanavaś cāpi rājan bībhatsum abravīt ||
sarvapārthivavīrāṇāṃ saṃnidhau pūjayann iva ||
Арджуна ответил: «Да будет так». Доблестный герой взошёл на колесницу, крепко натянул Гандиву и встряхнул лук. От звука его тетивы и ладони, подобного удару грома, содрогнулись все существа и все цари. Затем лучший из колесничих на своей ратхе совершил почтительный обход вокруг лежащего лучшего из Бхаратов, лучшего из всех носителей оружия. Наложив сияющую стрелу, освятив её мантрой и соединив с Парджанья-астрой, Партха на глазах у всех пронзил землю у правого бока Бхишмы. Оттуда вырвалась чистая благотворная струя прохладной воды, подобной нектару, с божественным ароматом и вкусом. Тогда Партха, чьи дела и доблесть были божественны, напоил прохладным потоком воды Бхишму, быка Куру. От этого деяния Партхи, словно от чуда, творимого Индрой, все владыки земли пришли в высшее изумление. Увидев это сверхчеловеческое и чудесное деяние Бибхатсу, Куру задрожали, как коровы, поражённые холодом. От изумления цари со всех сторон потрясали верхними одеждами, и повсюду поднялся гул раковин и барабанов. Утолив жажду, Шантанав, о царь, обратился к Бибхатсу в присутствии всех царственных героев, словно воздавая ему честь».
60b8ea564fdf · опубликовано 17 июл. 2026 г., 22:03:51 UTC
Доступно наRUENЛистайте стихи клавишами
Арджуна отвечает на просьбу Бхишмы не обычной услугой, а действием, в котором воинское искусство становится служением. Стрела, недавно пронзавшая тело Бхишмы, теперь открывает для него воду: та же сила очищается намерением дхармы.