रुद्र उवाच
तेषां तु वचनं श्रुत्वा धरण्यां धरणीधरः । मानुषेणैव भावेन समुत्पन्नो हि सोऽव्ययः
तदद्य सर्वे यूयं वै राक्षसाः कामरूपिणः । समुद्रिक्तबलान्बालान्मारयध्वमशङ्किताः
इत्यादिश्य ततः कंसो वसुदेवं च देवकीम् । आश्वास्य मोचयित्वाथ स्ववेश्मान्तर्विवेश ह
वसुदेवस्ततो गत्वा नन्दव्रजमनुत्तमम् । तेन सम्पूजितस्तत्र निरीक्ष्य तनयं मुदा । उवाच नन्दपत्नीं तां यशोदां यदुनन्दनः
सुभगे मत्सुतमिमं रोहिणीजठरोद्भवम् । स्वपुत्रमिव रक्षस्व भिया कंसादिहागतम्
तथेत्याह तदा तन्वी नन्दपत्नी दृढव्रता । लब्ध्वैव पुत्रयुगलमुत्पुपोष मुदान्विता
निक्षिप्य तनयौ गेहे नन्दगोपस्य यादवः । विश्रब्धः प्रययौ तूर्णं मथुरां कंसपालिताम्
ततो गर्गः शुभदिने वसुदेवेन नोदितः । नन्दगोपव्रजं गत्वा तत्रस्थैः पूजितो द्विजः
विधिना जातकं कर्म कृत्वा देवस्य गोकुले । नाम चात्राकरोद्दिव्यं पुत्रयोर्वासुदेवयोः
सङ्कर्षणो रौहिणेयो बलभद्रो महाबलः । राम इत्यादिनामानि पूर्वजस्याकरोद्द्विजः
श्रीधरः श्रीकरः श्रीमान्कृष्णोऽनन्तो जगत्पतिः । वासुदेवो हृषीकेश इत्याद्यवरजस्य च
teṣāṃ tu vacanaṃ śrutvā dharaṇyāṃ dharaṇīdharaḥ | mānuṣeṇaiva bhāvena samutpanno hi so'vyayaḥ
tadadya sarve yūyaṃ vai rākṣasāḥ kāmarūpiṇaḥ | samudriktabalānbālānmārayadhvamaśaṅkitāḥ
ityādiśya tataḥ kaṃso vasudevaṃ ca devakīm | āśvāsya mocayitvātha svaveśmāntarviveśa ha
vasudevastato gatvā nandavrajamanuttamam | tena sampūjitastatra nirīkṣya tanayaṃ mudā | uvāca nandapatnīṃ tāṃ yaśodāṃ yadunandanaḥ
subhage matsutamimaṃ rohiṇījaṭharodbhavam | svaputramiva rakṣasva bhiyā kaṃsādihāgatam
tathetyāha tadā tanvī nandapatnī dṛḍhavratā | labdhvaiva putrayugalamutpupoṣa mudānvitā
nikṣipya tanayau gehe nandagopasya yādavaḥ | viśrabdhaḥ prayayau tūrṇaṃ mathurāṃ kaṃsapālitām
tato gargaḥ śubhadine vasudevena noditaḥ | nandagopavrajaṃ gatvā tatrasthaiḥ pūjito dvijaḥ
vidhinā jātakaṃ karma kṛtvā devasya gokule | nāma cātrākaroddivyaṃ putrayorvāsudevayoḥ
saṅkarṣaṇo rauhiṇeyo balabhadro mahābalaḥ | rāma ityādināmāni pūrvajasyākaroddvijaḥ
śrīdharaḥ śrīkaraḥ śrīmānkṛṣṇo'nanto jagatpatiḥ | vāsudevo hṛṣīkeśa ityādyavarajasya ca
Услышав их слово, держатель земли родился на земле именно человеческим видом, тот нетленный. Потому ныне все вы, ракшасы, принимающие облик по желанию, без колебаний убивайте младенцев с бьющей через край силою». Так повелев, Камса затем утешил и освободил Васудеву и Деваки и вошёл внутрь своего дома. А Васудева, придя затем в превосходный стан Нанды и почтённый им там, с радостью увидел сына и сказал той супруге Нанды, Яшоде, отрада Яду: «О счастливая, этого моего сына, рождённого чревом Рохини, храни, как своего сына; из страха перед Камсою он пришёл сюда». «Да будет так», — сказала тогда стройная супруга Нанды, твёрдая в обете; и, получив двух сыновей, исполненная радости, взрастила их. Оставив двух сыновей в доме Нанды-пастуха, потомок Яду, успокоенный, поспешно отправился в Матхуру, хранимую Камсою. Затем Гарга, побуждённый Васудевою, в благой день пришёл в стан Нанды-пастуха и, почтённый тамошними, дваждырождённый по обряду совершил обряд рождения бога в Гокуле и здесь же дал божественное имя двум сыновьям Васудевы. Санкаршана, сын Рохини, Балабхадра, весьма мощный, Рама — такие и подобные имена дал дваждырождённый старшему; а Шридхара, Шрикара, Шриман, Кришна, Ананта, владыка мира, Васудева, Хришикеша — такие и подобные младшему.
17f74984c12e · опубликовано 3 сент. 2026 г., 04:14:07 UTC
Доступно наRUЛистайте стихи клавишами
Приказ убивать младенцев отдан, и всё же убийца выпускает узников на волю. Он рассуждает верно: ребёнок уже не здесь; и тем самым сам снимает стражу с того места, куда его будут возвращать.