बुद्धेर् भेदं धृतेश् चैव गुणतस् त्रिविधं शृणु ॥
प्रोच्यमानम् अशेषेण पृथक्त्वेन धनंजय ॥
प्रवृत्तिं च निवृत्तिं च कार्याकार्ये भयाभये ॥
बन्धं मोक्षं च या वेत्ति बुद्धिः सा पार्थ सात्त्विकी ॥
यया धर्मम् अधर्मं च कार्यं चाकार्यम् एव च ॥
अयथावत् प्रजानाति बुद्धिः सा पार्थ राजसी ॥
अधर्मं धर्मम् इति या मन्यते तमसावृता ॥
सर्वार्थान् विपरीतांश् च बुद्धिः सा पार्थ तामसी ॥
धृत्या यया धारयते मनःप्राणेन्द्रियक्रियाः ॥
योगेनाव्यभिचारिण्या धृतिः सा पार्थ सात्त्विकी ॥
यया तु धर्मकामार्थान् धृत्या धारयते ऽर्जुन ॥
प्रसङ्गेन फलाकाङ्क्षी धृतिः सा पार्थ राजसी ॥
यया स्वप्नं भयं शोकं विषादं मदम् एव च ॥
न विमुञ्चति दुर्मेधा धृतिः सा पार्थ तामसी ॥
buddher bhedaṃ dhṛteś caiva guṇatas trividhaṃ śṛṇu ||
procyamānam aśeṣeṇa pṛthaktvena dhanaṃjaya ||
pravṛttiṃ ca nivṛttiṃ ca kāryākārye bhayābhaye ||
bandhaṃ mokṣaṃ ca yā vetti buddhiḥ sā pārtha sāttvikī ||
yayā dharmam adharmaṃ ca kāryaṃ cākāryam eva ca ||
ayathāvat prajānāti buddhiḥ sā pārtha rājasī ||
adharmaṃ dharmam iti yā manyate tamasāvṛtā ||
sarvārthān viparītāṃś ca buddhiḥ sā pārtha tāmasī ||
dhṛtyā yayā dhārayate manaḥprāṇendriyakriyāḥ ||
yogenāvyabhicāriṇyā dhṛtiḥ sā pārtha sāttvikī ||
yayā tu dharmakāmārthān dhṛtyā dhārayate 'rjuna ||
prasaṅgena phalākāṅkṣī dhṛtiḥ sā pārtha rājasī ||
yayā svapnaṃ bhayaṃ śokaṃ viṣādaṃ madam eva ca ||
na vimuñcati durmedhā dhṛtiḥ sā pārtha tāmasī ||
"Now hear, O Dhananjaya, the threefold distinction of intellect and steadfastness according to the gunas, which I shall set forth fully and separately. The intellect that knows engagement and disengagement, the proper and improper, fear and fearlessness, bondage and liberation, O Partha, is sattvic. The intellect by which a person wrongly understands dharma and adharma, the proper and improper, O Partha, is rajasic. The intellect covered by darkness, which takes adharma for dharma and sees all things reversed, O Partha, is tamasic. The steadfastness by which, through unwavering yoga, one sustains the workings of mind, life-breath, and senses, O Partha, is sattvic. The steadfastness by which, out of attachment and craving for the fruit, a person clings to dharma, desire, and gain, O Arjuna, O Partha, is rajasic. And the steadfastness by which a person of feeble understanding does not let go of sleep, fear, grief, despondency, and intoxication, O Partha, is tamasic."
40530bb0bbbd · 发布于 2026年7月17日 21:02:21 UTC
可用语言RUEN用方向键翻颂
The intellect must discern the path to liberation, and steadfastness must sustain that discernment. When resolve serves desire or clings to delusion, it is no longer a virtue but a force working against the soul.