कियदासन्नतया विभक्ताकृतित्वेन “अहो! धूमलेखैवेयम्” इति यदा निश्चिक्युस्तदैव तत्सौरभेण पुनर्जातसन्देहाः “कथमकस्मादेवैतावानगुरुधूपधूमः, किंवा, पृथिव्या निजगुणो गन्ध एव धूमाकारतामासाद्य स्वात्मना नभसः शब्दगुणजिगीषया विश्वमेव व्याश्नुते” इति वितर्कयत्सु तेषु व्रजराजेऽपि “किमिदं किमिदम्” इति शङ्कमाने त्वरितमुपव्रजद्भिर्व्रजस्थैः कथिते सकल एव वृत्तान्ते वृत्तान्ते च पूतनाख्ये बालग्रहे, कुमारानामयरसमयविवरणसमावेशपेशलतया त्वरितमेवोपगम्य कृतनये तनयेक्षणक्षणपरवशे रवशेषविरतौ सुतमङ्कमारोपयति रोपयति च परमानन्दबीजानि हृदये मूर्धानमा जिघ्रति, मनस्यमानिव प्रमोदभरो हर्षाश्रुभरमिषेण नयनाभ्यामुत्ससर्पेव ॥18॥
kiyadāsannatayā vibhaktākṛtitvena “aho! dhūmalekhaiveyam” iti yadā niścikyustadaiva tatsaurabheṇa punarjātasandehāḥ “kathamakasmādevaitāvānagurudhūpadhūmaḥ, kiṁvā, pṛthivyā nijaguṇo gandha eva dhūmākāratāmāsādya svātmanā nabhasaḥ śabdaguṇajigīṣayā viśvameva vyāśnute” iti vitarkayatsu teṣu vrajarāje'pi “kimidaṁ kimidam” iti śaṅkamāne tvaritamupavrajadbhirvrajasthaiḥ kathite sakala eva vṛttānte vṛttānte ca pūtanākhye bālagrahe, kumārānāmayarasamaya-vivaraṇasamāveśapeśalatayā tvaritamevopagamya kṛtanaye tanayekṣaṇakṣaṇaparavaśe ravaśeṣa-viratau sutamaṅkamāropayati ropayati ca paramānandabījāni hṛdaye mūrdhānamā jighrati, manasyamāniva pramodabharo harṣāśrubharamiṣeṇa nayanābhyāmutsasarpeva ||18||
Подойдя ближе и различив очертания, они решили: «Ах, да это дым!» — но от его благоухания вновь засомневались: «Откуда вдруг столько дыма от агару? Или сам запах — собственное свойство земли — принял облик дыма и сам заполняет вселенную, желая превзойти звук — свойство неба?» Пока они так рассуждали и даже владыка Враджа тревожился: «Что это? Что это?» — к ним поспешили жители Враджа и рассказали всё о случившемся, о детоубийце по имени Путана. Тогда он, искусный в том, что благо для детей, поспешил к сыну, в миг встречи всецело поглощённый им, и, когда стихли крики, взял сына на колени, посеял в сердце семена высшего блаженства и понюхал его темя — и радость, словно не вмещаясь в сердце, пролилась из глаз слезами.
50813dac7442 · published Sep 28, 2026, 10:32:50 PM UTC
Available inRUPage between verses with
Нанда нюхает голову сына — традиционная отцовская ласка (ШБ 10.6.43). Колофон называет главу «Убиение Путаны». Проза полна каламбуров-повторов (vṛttānte vṛttānte, tanaye… tanayekṣaṇakṣaṇa…, ropayati ropayati).