अथ रुक्मिणीपतेः शराः पुङ्खम् अनु रुक्मिणः सन्तस् तस्य रुक्मिणः स्पर्धया किल तेजसा वर्धमाना युगपद् एव कोदण्डं ध्वजदण्डम् अपि खण्डितवन्तः । तद्वद् एव सहसा सहसारथिम् अस्यावयवचयं हयचतुष्टयम् अपि स्पष्टं युगपद् एव दष्टं सृष्टवन्तः । रुक्म्य् एव तु तत्तत्क्रमवलनया दृष्टवान् । यच् च कष्टाद् अन्यद्धनुः परामृष्टवान् । बाणान् अपि विसृष्टवांस् तत्र तत्र कथा तथासीद् इति सीदन् पुनश् च तद्वद् एव विषीदन्न् आत्मना समराय सङ्घट्टितानां परिघपट्टिशशूलवर्मचर्मासितोमराणाम् अपि गतिं प्रति तथा दुर्गतिम् आसीदन्, विदीर्णशताङ्गः शीर्णशताङ्गाद् अवतीर्णवान् ।
atha rukmiṇī-pateḥ śarāḥ puṅkham anu rukmiṇaḥ santas tasya rukmiṇaḥ spardhayā kila tejasā vardhamānā yugapad eva kodaṇḍaṁ dhvaja-daṇḍam api khaṇḍitavantaḥ | tadvad eva sahasā saha-sārathim asyāvayava-cayaṁ haya-catuṣṭayam api spaṣṭaṁ yugapad eva daṣṭaṁ sṛṣṭavantaḥ | rukmy eva tu tat-tat-krama-valanayā dṛṣṭavān | yac ca kaṣṭād anyad-dhanuḥ parāmṛṣṭavān | bāṇān api visṛṣṭavāṁs tatra tatra kathā tathāsīd iti sīdan punaś ca tadvad eva viṣīdann ātmanā samarāya saṅghaṭṭitānāṁ parigha-paṭṭiśa-śūla-varma-carmāsitomarāṇām api gatiṁ prati tathā durgatim āsīdan, vidīrṇa-śatāṅgaḥ śīrṇa-śatāṅgād avatīrṇavān |
И вот стрелы мужа Рукмини, золотые у оперения, будто соперничая с тем Рукми и разгораясь мощью, разом перерубили и лук, и древко знамени. И так же вдруг, разом, явно искусали и его тело вместе с колесничим, и четырёх коней. А Рукми увидел всё это лишь одно за другим. С трудом он схватил другой лук и пустил стрелы, — но и там вышло то же самое. Сникнув и отчаявшись, он и с палицей, копьём, трезубцем, доспехом, щитом, мечом и дротиком, что собрал для битвы, попал в ту же беду и, когда его колесница разбилась, сошёл с разбитой колесницы.
cce7f9413bcd · published Sep 25, 2026, 3:40:29 AM UTC
Available inRUPage between verses with
Игра слов: rukmin — «золотой» и имя Рукми.