द्विज उवाच
पातकं तु कृतं भद्र तेन मे दह्यते मनः । बहुधैवं विलप्याहं ब्राह्मणं शरणं गता ॥
ब्रह्मण्यं वेदविद्वांसं तस्य राज्ञः पुरोहितम् । स हि पृष्टो मया रक्षः कथं मे निष्कृतिर्भवेत् ॥
पापस्यास्य द्विजश्रेष्ठ कथं यास्यामि सद्गतिम् । स्वेनैव कर्मणा तप्तां वराकीं दीनमानसाम् ॥
पापपङ्कनिमग्नां त्वं मामुद्धर कचग्रहैः । मयि कारुण्यवारि वर्ष हर्षदृशा द्विज ॥
सज्जने साधवः सर्वे साधुः साधुरसज्जने । इत्यसौ मद्वचः श्रुत्वा चकारानुग्रहं मयि ॥ ऊचे प्रीतिकरं वाक्यं सर्वधर्ममयं द्विजः ॥
निषिद्धाचरणं जाने सर्वं तेऽहं वरानने । कुरु मे सत्वरं वाक्यं याहि क्षेत्रं प्रजापतेः ॥
तत्र गत्वा कुरु स्नानं तेन पापक्षयस्तव । सर्वं मनोगतं भद्रे त्वदीयं शोचितं मया ॥
नाहमन्यत्प्रपश्यामि यत्ते पापप्रणाशनम् । प्रायश्चित्तं परं तीर्थे स्नानं च ऋषिभिः स्मृतम् ॥
pātakaṃ tu kṛtaṃ bhadra tena me dahyate manaḥ | bahudhaivaṃ vilapyāhaṃ brāhmaṇaṃ śaraṇaṃ gatā ||
brahmaṇyaṃ vedavidvāṃsaṃ tasya rājñaḥ purohitam | sa hi pṛṣṭo mayā rakṣaḥ kathaṃ me niṣkṛtirbhavet ||
pāpasyāsya dvijaśreṣṭha kathaṃ yāsyāmi sadgatim | svenaiva karmaṇā taptāṃ varākīṃ dīnamānasām ||
pāpapaṅkanimagnāṃ tvaṃ māmuddhara kacagrahaiḥ | mayi kāruṇyavāri varṣa harṣadṛśā dvija ||
sajjane sādhavaḥ sarve sādhuḥ sādhurasajjane | ityasau madvacaḥ śrutvā cakārānugrahaṃ mayi || ūce prītikaraṃ vākyaṃ sarvadharmamayaṃ dvijaḥ ||
niṣiddhācaraṇaṃ jāne sarvaṃ te'haṃ varānane | kuru me satvaraṃ vākyaṃ yāhi kṣetraṃ prajāpateḥ ||
tatra gatvā kuru snānaṃ tena pāpakṣayastava | sarvaṃ manogataṃ bhadre tvadīyaṃ śocitaṃ mayā ||
nāhamanyatprapaśyāmi yatte pāpapraṇāśanam | prāyaścittaṃ paraṃ tīrthe snānaṃ ca ṛṣibhiḥ smṛtam ||
«„Грех же сотворён, о благой, и оттого горит моё сердце. Многократно так сокрушаясь, я пошла в прибежище к брахману — преданному Брахману, знающему Веду, домашнему жрецу того царя. И был он мною спрошен, о ракшас: как будет мне искупление? Как пойду я, о лучший из дваждырождённых, к благой участи от этого греха? Меня, сожжённую своим же делом, горемычную, с жалким сердцем, погрузшую в грязь греха, — вытащи хоть за волосы; пролей на меня воду сострадания радостным взором, о брахман. К доброму добры все, но добрый добр и к недоброму“. Услышав такое моё слово, он сотворил ко мне милость и сказал слово, творящее радость, полное всего закона: „Знаю я всё твоё запретное поведение, о прекрасноликая. Исполни скорее моё слово: ступай в поле Праджапати; придя туда, соверши омовение — тем истощится твой грех. Всё твоё сокрушение, что на сердце, о благая, мною [понято]“».
e55c8ef2ba58 · published Sep 3, 2026, 4:13:59 AM UTC
Available inRUPage between verses with
Она просит грубо и точно: вытащи хоть за волосы, — как вытаскивают тонущего, не заботясь о приличиях. И довод приводит не о себе, а о нём: к доброму добры все, добрый добр и к недоброму. Брахман не спорит и не расспрашивает: он сразу говорит, что всё про неё знает, и посылает не каяться, а мыться.