पूर्वं तु बादरायणो हेतु-व्यपदेशात्
pūrvaṁ tu bādarāyaṇo hetu-vyapadeśāt
ПРЕЖНЕГО же [— Владыку — держит] Бадараяна: [Сам] показан причиной; [апурва — полено: платит Живой].
स्व-मतम् आह—
पूर्वं तु बादरायणो हेतु-व्यपदेशात् ॥
शाङ्का-च्छेदाय तु-शब्दः । पूर्वोक्तं परेशम् एव भगवान् बादरायणः फल-प्रदं मन्यते । कुतः ? हेत्व् इति । पुण्येन पुण्यं लोकं नयति, पापेन पापम् इति तस्यैव फल-हेतुत्व-व्यपदेशाद् इत्य् अर्थः । कर्मणः करणत्वेनोपक्षयाच् च । कर्म-सत्तापि ब्रह्मायत्ता इत्य् उक्तम् । द्रव्यं कर्म च कालश् च इत्य् आदौ । तेन ब्रह्मैव कर्म-प्रवर्तकं सिद्धम् । यत् तु विनश्यद् अपि कर्मेत्य् आदि समाहितं तन् मन्दम् । काष्ठ-लोष्ट्रवद् अचेतनस्यादृष्टस्य तत्राक्षमत्वात् तस्याश्रवणाच् च ।
ननु यज्ञस्य देवार्चनत्वात् तद्-अर्चितानां देवतानां फलार्पकत्वम् अस्त्व् इति चेत्, उच्यते—पर-देवतया प्रयोज्यास् तास् तद् अर्पयन्तीति स्वीकार्यम् अन्तर्यामि-ब्राह्मणात् । अतः सैव तद्-अर्पिका । एवम् एवाह भगवान् पुण्डरीकाक्षः—
यो यो यां यां तनुं भक्तः श्रद्धयार्चितुम् इच्छति ।
तस्य तस्याचलां श्रद्धां ताम् एव विदधाम्य् अहम् ॥
स तया श्रद्धया युक्तस् तस्या राधनम् ईहते ।
लभते च ततः कामान् मयैव विहितान् हि तान् ॥ [गीता 7.21-22] इति ।
एवं च यागादिभिर् आराधितोऽभ्युदय-फलं ददातीत्य् उक्तम् । भक्त्या तोषितस् तु स्व-पर्यन्तं सर्वम् इति वक्ष्यति पुरुषार्थोऽतः शब्दाद् इति । तद् इत्थं जन्म-मरणादि-दृश्सर्वालयत्व-रूप-प्रपञ्च-दोषोक्त्या निखिल-निर्दोष-कीर्तनेन च निखिल-नियामकत्व-विशुद्ध-चिद्-विग्रहत्वादि-परमात्म-गुण-गण-निरूपणेन च ब्रह्म-तृष्णैव तद्-इतर-वितृष्णा-पूर्विका तत्-प्राप्ति-हेतुर् इति पादाभ्यां दर्शितं भवति ॥42॥
--ओ)0(ओ--
॥ इति गोविन्द-भाष्ये तृतीयाध्यायस्य द्वितीयः पादः ॥
sva-matam āha—
pūrvaṁ tu bādarāyaṇo hetu-vyapadeśāt ||
śāṅkā-cchedāya tu-śabdaḥ | pūrvoktaṁ pareśam eva bhagavān bādarāyaṇaḥ phala-pradaṁ manyate | kutaḥ ? hetv iti | puṇyena puṇyaṁ lokaṁ nayati, pāpena pāpam iti tasyaiva phala-hetutva-vyapadeśād ity arthaḥ | karmaṇaḥ karaṇatvenopakṣayāc ca | karma-sattāpi brahmāyattā ity uktam | dravyaṁ karma ca kālaś ca ity ādau | tena brahmaiva karma-pravartakaṁ siddham | yat tu vinaśyad api karmety ādi samāhitaṁ tan mandam | kāṣṭha-loṣṭravad acetanasyādṛṣṭasya tatrākṣamatvāt tasyāśravaṇāc ca |
nanu yajñasya devārcanatvāt tad-arcitānāṁ devatānāṁ phalārpakatvam astv iti cet, ucyate—para-devatayā prayojyās tās tad arpayantīti svīkāryam antaryāmi-brāhmaṇāt | ataḥ saiva tad-arpikā | evam evāha bhagavān puṇḍarīkākṣaḥ—
yo yo yāṁ yāṁ tanuṁ bhaktaḥ śraddhayārcitum icchati |
tasya tasyācalāṁ śraddhāṁ tām eva vidadhāmy aham ||
sa tayā śraddhayā yuktas tasyā rādhanam īhate |
labhate ca tataḥ kāmān mayaiva vihitān hi tān || [gītā 7.21-22] iti |
evaṁ ca yāgādibhir ārādhito'bhyudaya-phalaṁ dadātīty uktam | bhaktyā toṣitas tu sva-paryantaṁ sarvam iti vakṣyati puruṣārtho'taḥ śabdād iti | tad itthaṁ janma-maraṇādi-dṛśsarvālayatva-rūpa-prapañca-doṣoktyā nikhila-nirdoṣa-kīrtanena ca nikhila-niyāmakatva-viśuddha-cid-vigrahatvādi-paramātma-guṇa-gaṇa-nirūpaṇena ca brahma-tṛṣṇaiva tad-itara-vitṛṣṇā-pūrvikā tat-prāpti-hetur iti pādābhyāṁ darśitaṁ bhavati ||42||
--o)0(o--
|| iti govinda-bhāṣye tṛtīyādhyāyasya dvitīyaḥ pādaḥ ||
09b8061f053a · published Jul 27, 2026, 5:11:31 AM UTC
Available inRUPage between verses with
Говорит СВОЁ мнение:
«Прежнего же — Бадараяна: по указанию причины».
Высшего Владыку господин Бадараяна мыслит плододателем: «благим ВЕДЁТ в благой мир» — причинность указана Его; карма исчерпана ролью ОРУДИЯ, и само бытие её держимо Брахманом. Решение же об апурве слабо́: незрячей, как полену или кому [земли], то не по силам — да и не слышана она. «Пусть дают почтённые боги»? — Они вручают, ПОДРЯЖЕННЫЕ Высшим (Антарьями-брахмана); так говорит Лотосоокий: «Какому бы образу почитатель с верой ни хотел служить — его веру неколебимой именно Я устрояю; он служит той [дэвате] и обретает желанное — МНОЮ ЖЕ УСТАНОВЛЕННОЕ» [Гита 7.21–22]. Итак: почтённый жертвами — даёт плод преуспеяния; УБЛАЖЁННЫЙ ЖЕ БХАКТИ — ВСЁ, ВПЛОТЬ ДО СЕБЯ САМОГО: так скажет [сутра «пурушартхо ’тах шабдат»]. Так двумя падами показано: жажда Брахмана, предваряемая безжаждностью к иному — [к миру,] обители мук рождений и смертей, — и есть причина Его достижения.