एतेन योगः प्रत्युक्तः
etena yogaḥ pratyuktaḥ
Этим отвергнута и йога [Патанджали — там, где она противоречит Веданте].
ननु साङ्ख्य-स्मृत्या वेदान्ता व्याख्यातुं न युक्ताः । तस्या वेदान्त-विरुद्धत्वात् । योग-स्मृत्या तु व्याख्येयास् ते । वेदान्तार्थान् आश्रित्य तस्या वर्णितत्वात् । योगः खलु श्रौतः । ताः योगम् इति मन्यन्ते स्थिराम् इन्द्रिय-धारणाम् । विद्याम् एतां योग-विधिं च कृत्स्नम् इत्य् आदिषु कठादि-श्रुतिषु योग-विषयक-बहु-लिङ्ग-लाभात् । त्रिर्-उन्नतं स्थाप्य समं शरीरम् इत्य् आदिष्व् आसनादि-योगाङ्गाभिधानाच् च । तेन योगेन जगद् दुःखं परिजिहीर्षुर् आप्ततमो भगवान् पतञ्जलिः स्मृतिं निबबन्ध । अथ योगानुशासनम् । योगश् चित्त-वृत्ति-निरोधः इत्य् आदिभिः । समन्वयाविरोधेन वेदान्तेषु व्याख्यातेष्व् एषा स्मृतिर् अनवकाशा स्याद् योग-प्रतिपत्ति-मात्र-विषयत्वात् । मन्व्-आदि-स्मृतीनां तु धर्मावेदनया सावकाशता भवेत् । तस्मात् योग-स्मृत्यैव न तूक्त-समन्वयानुगत्या ते व्याख्येया इत्य् एवं प्राप्ते—
एतेन योगः प्रत्युक्तः ॥
एतेन साङ्ख्य-स्मृति-प्रत्याख्यानेन योग-स्मृतिर् अपि प्रत्याख्याता बोध्या । तस्याश् च तद्वद् वेदान्त-विरुद्धत्वात् । तादृश्या योग-स्मृत्या तेषु व्याख्यातेषु वेदानुसारि-मन्व्-आदि-स्मृतेर् निर्विषयता स्याद् अतस् तया ते न व्याख्येया इत्य् अर्थः । न च वेदान्त-विरुद्धा सा वक्तुं शक्या । तत्रापि प्रधानम् एव स्वतन्त्रं कारणम् । ईशो जीवाश् च चिति-मात्राह् सर्वे विभवः । योगाद् एव दुःख-निवृत्तिर् एव मुक्तिः । इत्य् आदि तद्-विरुद्धार्थ-प्रतिपादनात् । प्रत्यक्षादि-प्रमाणं चित्त-वृत्तिर् इत्य् आदीनां तद्-उक्तार्थानां तेष्व् अनुपलम्भाच् च । तत्र ते ह्य् अर्थास् तस्याम् एवान्वेष्टव्याः । तस्मात् वेदान्त-विरुद्धाया योग-स्मृतेर् वैयार्थ्याद् दोषान् न वित्रासः । अन्यच् च प्राग्वत् । यत् तु वेदान्त-वेद्यम् ईश्वर-जीवोपायोपेय-याथात्म्यं तद् उपर्य् उपरि व्यक्तीभविष्यद् वीक्ष्यम् । एवं सति त्रिर्-उन्नतम् इत्य् आदाव् आसनादि-योगाङ्ग-विधानं तत् कारणं साङ्ख्य-योगाधिगम्यम् इत्य् आदौ च साङ्ख्यादि-शब्दानां ज्ञानं ध्यानं च यद् दृष्टां तत् किल वैदिकाद् अन्यद् एव ग्राह्यम् । न हि प्रकृति-पुरुषान्यता-प्रत्ययेन ज्ञानेन तद्-उक्तेन योग-वर्त्मना वा मोक्षो भवेत् । तम् एव विदित्वातिमृत्युम् एति विज्ञाय प्रज्ञां कुर्वीत एतद् यो ध्यायति रसति भजति सोऽमृतो भवति इत्य् आदि-श्रुतिभ्यः । किं च, योऽंशोऽनयोर् अविरुद्धस् तत्र नो न विद्वेषः । किन्तु विरुद्धोऽंशः परिह्रीयते । यद्यप्य् एष परेश-निष्ठः, ईश्वर-प्रणिधानाद् वा, क्लेश-कर्म-विपाकाशयैर् अपरामृष्टः पुरुष-विशेष ईश्वरः इत्य् आदि सूत्र-प्रणयनात् । तथापि मोहाद् एवं जजल्पेति वदन्ति । गौतमादयोऽपि विमोहिता विरुद्धानि मतानि दधुः । तानि च प्रत्याख्यास्यति । विज्ञानां विमोहः क्वचित् सार्वज्ञाभिमान-कुपितया हरेर् मायया क्वचित् तु तस्यैच्छयैवार्थान्तर-प्रयुक्तया बोध्यः । ईश्वर-वादाभ्युपगमेन शङ्काधिक्यात् तन्-निरासार्थो ऽधिकरणातिदेशः । हिरण्यगर्भ-कृतापि योग-स्मृतिर् अनेनैव निराकृता बोध्या ॥3॥
nanu sāṅkhya-smṛtyā vedāntā vyākhyātuṁ na yuktāḥ | tasyā vedānta-viruddhatvāt | yoga-smṛtyā tu vyākhyeyās te | vedāntārthān āśritya tasyā varṇitatvāt | yogaḥ khalu śrautaḥ | tāḥ yogam iti manyante sthirām indriya-dhāraṇām | vidyām etāṁ yoga-vidhiṁ ca kṛtsnam ity ādiṣu kaṭhādi-śrutiṣu yoga-viṣayaka-bahu-liṅga-lābhāt | trir-unnataṁ sthāpya samaṁ śarīram ity ādiṣv āsanādi-yogāṅgābhidhānāc ca | tena yogena jagad duḥkhaṁ parijihīrṣur āptatamo bhagavān patañjaliḥ smṛtiṁ nibabandha | atha yogānuśāsanam | yogaś citta-vṛtti-nirodhaḥ ity ādibhiḥ | samanvayāvirodhena vedānteṣu vyākhyāteṣv eṣā smṛtir anavakāśā syād yoga-pratipatti-mātra-viṣayatvāt | manv-ādi-smṛtīnāṁ tu dharmāvedanayā sāvakāśatā bhavet | tasmāt yoga-smṛtyaiva na tūkta-samanvayānugatyā te vyākhyeyā ity evaṁ prāpte—
etena yogaḥ pratyuktaḥ ||
etena sāṅkhya-smṛti-pratyākhyānena yoga-smṛtir api pratyākhyātā bodhyā | tasyāś ca tadvad vedānta-viruddhatvāt | tādṛśyā yoga-smṛtyā teṣu vyākhyāteṣu vedānusāri-manv-ādi-smṛter nirviṣayatā syād atas tayā te na vyākhyeyā ity arthaḥ | na ca vedānta-viruddhā sā vaktuṁ śakyā | tatrāpi pradhānam eva svatantraṁ kāraṇam | īśo jīvāś ca citi-mātrāh sarve vibhavaḥ | yogād eva duḥkha-nivṛttir eva muktiḥ | ity ādi tad-viruddhārtha-pratipādanāt | pratyakṣādi-pramāṇaṁ citta-vṛttir ity ādīnāṁ tad-uktārthānāṁ teṣv anupalambhāc ca | tatra te hy arthās tasyām evānveṣṭavyāḥ | tasmāt vedānta-viruddhāyā yoga-smṛter vaiyārthyād doṣān na vitrāsaḥ | anyac ca prāgvat | yat tu vedānta-vedyam īśvara-jīvopāyopeya-yāthātmyaṁ tad upary upari vyaktībhaviṣyad vīkṣyam | evaṁ sati trir-unnatam ity ādāv āsanādi-yogāṅga-vidhānaṁ tat kāraṇaṁ sāṅkhya-yogādhigamyam ity ādau ca sāṅkhyādi-śabdānāṁ jñānaṁ dhyānaṁ ca yad dṛṣṭāṁ tat kila vaidikād anyad eva grāhyam | na hi prakṛti-puruṣānyatā-pratyayena jñānena tad-uktena yoga-vartmanā vā mokṣo bhavet | tam eva viditvātimṛtyum eti vijñāya prajñāṁ kurvīta etad yo dhyāyati rasati bhajati so'mṛto bhavati ity ādi-śrutibhyaḥ | kiṁ ca, yo'ṁśo'nayor aviruddhas tatra no na vidveṣaḥ | kintu viruddho'ṁśaḥ parihrīyate | yadyapy eṣa pareśa-niṣṭhaḥ, īśvara-praṇidhānād vā, kleśa-karma-vipākāśayair aparāmṛṣṭaḥ puruṣa-viśeṣa īśvaraḥ ity ādi sūtra-praṇayanāt | tathāpi mohād evaṁ jajalpeti vadanti | gautamādayo'pi vimohitā viruddhāni matāni dadhuḥ | tāni ca pratyākhyāsyati | vijñānāṁ vimohaḥ kvacit sārvajñābhimāna-kupitayā harer māyayā kvacit tu tasyaicchayaivārthāntara-prayuktayā bodhyaḥ | īśvara-vādābhyupagamena śaṅkādhikyāt tan-nirāsārtho 'dhikaraṇātideśaḥ | hiraṇyagarbha-kṛtāpi yoga-smṛtir anenaiva nirākṛtā bodhyā ||3||
d8029d181d14 · publicado 27 jul 2026, 4:31:31 UTC
Disponible enRUPasa de verso en verso con
Пусть смритью санкхьи веданты толковать негоже — по её противности; но смритью ЙОГИ толковать до́лжно: она изложена с опорой на смыслы ведант, и йога ведийна: «это мыслят йогой — твёрдое держание чувств»; «эту науку и весь устав йоги…» — в Катхе и прочих шрути много примет о йоге, и названы её члены — «трояко поднятым держа ровное тело…». Тою йогой желая снять страдание мира, надёжнейший господин Патанджали связал смрити: «итак — наставление йоги»; «йога — остановка работы читты». При толковании ведант в ладу с саманваей эта смрити — только об установлении йоги — осталась бы не у дел (у Ману дело найдётся — дхарма); потому толковать их смритью йоги, а не вслед саманвае. При таком полученном —
«Этим йога отвергнута».
Этим отклонением смрити санкхьи разумей отклонённой и смрити йоги: она, как та, противна ведантам — [иначе] беспредметной стала бы смрити Ману, следующая Веде. И нельзя сказать, будто она не противна: и там причина — сама независимая прадхана; Владыка и дживы — все лишь чистое сознание, вездесущи; мукти — лишь прекращение страдания, от одной йоги: преподаёт противные смыслы; а её положений («восприятие и прочие праманы — работа читты») в ведантах не найти. Потому от безработности противной ведантам смрити йоги не дрожим; прочее — как прежде. А истинная природа Владыки, дживы, средства и цели, ведомая Ведантой, будет проясняться дальше и дальше — смотри. При этом в «трояко поднятым…» предписаны члены йоги, и в «та Причина постижима санкхьей и йогой» слова «санкхья» и «йога» значат знание и созерцание — но бери их иными, чем [одноимённое] неведийское: не знанием инаковости пракрити и пуруши и не её путём йоги бывает мокша: «лишь Его познав, минует смерть»; «кто Это созерцает, вкушает, почитает — бессмертен». К тому же: к непротивной части этих двух у нас НЕТ ВРАЖДЫ — но противная часть отстраняется. Хотя сей [Патанджали] утверждён в Высшем Владыке — по сложению сутр «или от преданности Ишваре», «Ишвара — особый Пуруша, не тронутый клешами, кармой, вызреванием, залежью», — всё же говорят: «[где противоречит —] от помрачения наговорил». И Гаутама с прочими, помрачённые, сложили противные учения — их [сутракара] отклонит. Помрачение же знающих разумей: где-то — майей Хари, разгневанной [их] самомнением всезнания, а где-то — самой Его волей, направленной к иной цели. Перенос адхикараны [на йогу] — из-за бо́льшего сомнения: [йога] ведь признаёт Ишвару. И смрити йоги, сложенную Хираньягарбхой, разумей отведённой этим же.