अभिमानि-व्यपदेशस् तु विशेषानुगतिभ्याम्
abhimāni-vyapadeśas tu viśeṣānugatibhyām
[«Огонь помыслил» —] же указание на дэвату-предстоятеля: по уточнению и по вхождению.
स्याद् एतत् तत् तेज ऐक्षत बहु स्यां [छा.उ. 6.2.3] ता आप ऐक्षन्त बह्व्यः स्याम [छा.उ. 6.2.4] इति छान्दोग्ये । ते हेमे प्राणा अहं श्रेयसे विवदमाना ब्रह्म जग्मुः को नः विशिष्ट इति बृहद्-आरण्यके च बाधितार्थकं वाक्यं वीक्ष्यते, तादृशं चैव बन्ध्या-सुतो भाति इतिवत् अप्रमाणम् एव । एवम् एकदेशाप्रामाण्येनान्यस्याप्य् अप्रामाण्याज् जगत्-कारणत्वं ब्रह्मणः श्रूयमाणं नेति चेत् तत्राह—
अभिमानि-व्यपदेशस् तु विशेषानुगतिभ्याम् ॥
तु-शब्दः शङ्काच् छेदाय । तत्-तेज इत्य् आदि-व्यपदेशः तेज-आद्य्-अभिमानिनीनां चेतनानां देवतानाम् एव, न त्व् अचेतनानां तद्-आदीनाम् । कुतः ? विशेषेति । हन्ताहम् इमास् तिस्रो देवता [छा.उ. 6.3.2] इति । तेजोऽवन्नानां सर्वा ह वै देवता अहं श्रेयसे विवदमानास् ते देवा प्राणे निःश्रेयसं विदित्वा इति प्राणानां च तत्र तत्र देवता-शब्देन विशेषणात् । अग्निर् वाग् भूत्वा मुखं प्राविशद् आदित्यश् चक्षुर् भूत्वाक्षिणी प्राविशत् इत्य् आद्यैतरेयके वाग्-आद्य्-अभिमानितयाग्न्य्-आदीनाम् अनुप्रवेश-श्रवणाच् च । स्मृतिश् च—
पृथिव्य्-आद्य्-अभिमानिन्यो देवताः प्रथितौजसः ।
अचिन्त्याः शक्तयस् तासां दृश्यन्ते मुनिभिश् च ताः ॥ इति ।
एवं, ग्रावाणः प्लवन्तः इत्य् अत्रापि कर्म-विशेषाङ्ग-भूतानां ग्राव्णां वीर्य-वर्धनार्था स्तुतिर् इयम् । सा च श्री-राम-कृत-सेतु-बन्धादौ यथावद् एवेति न क्वाप्य् अनाप्तत्वं वेदस्य, तेन तद्-उक्तं ब्रह्मणो विश्वैक-कारणत्वं सूचितम् ॥5॥
syād etat tat teja aikṣata bahu syāṁ [chā.u. 6.2.3] tā āpa aikṣanta bahvyaḥ syāma [chā.u. 6.2.4] iti chāndogye | te heme prāṇā ahaṁ śreyase vivadamānā brahma jagmuḥ ko naḥ viśiṣṭa iti bṛhad-āraṇyake ca bādhitārthakaṁ vākyaṁ vīkṣyate, tādṛśaṁ caiva bandhyā-suto bhāti itivat apramāṇam eva | evam ekadeśāprāmāṇyenānyasyāpy aprāmāṇyāj jagat-kāraṇatvaṁ brahmaṇaḥ śrūyamāṇaṁ neti cet tatrāha—
abhimāni-vyapadeśas tu viśeṣānugatibhyām ||
tu-śabdaḥ śaṅkāc chedāya | tat-teja ity ādi-vyapadeśaḥ teja-ādy-abhimāninīnāṁ cetanānāṁ devatānām eva, na tv acetanānāṁ tad-ādīnām | kutaḥ ? viśeṣeti | hantāham imās tisro devatā [chā.u. 6.3.2] iti | tejo'vannānāṁ sarvā ha vai devatā ahaṁ śreyase vivadamānās te devā prāṇe niḥśreyasaṁ viditvā iti prāṇānāṁ ca tatra tatra devatā-śabdena viśeṣaṇāt | agnir vāg bhūtvā mukhaṁ prāviśad ādityaś cakṣur bhūtvākṣiṇī prāviśat ity ādyaitareyake vāg-ādy-abhimānitayāgny-ādīnām anupraveśa-śravaṇāc ca | smṛtiś ca—
pṛthivy-ādy-abhimāninyo devatāḥ prathitaujasaḥ |
acintyāḥ śaktayas tāsāṁ dṛśyante munibhiś ca tāḥ || iti |
evaṁ, grāvāṇaḥ plavantaḥ ity atrāpi karma-viśeṣāṅga-bhūtānāṁ grāvṇāṁ vīrya-vardhanārthā stutir iyam | sā ca śrī-rāma-kṛta-setu-bandhādau yathāvad eveti na kvāpy anāptatvaṁ vedasya, tena tad-uktaṁ brahmaṇo viśvaika-kāraṇatvaṁ sūcitam ||5||
6237ed63c4c5 · publicado 27 jul 2026, 4:31:31 UTC
Disponible enRUPasa de verso en verso con
Пусть [возразят]: в Чхандогье — «тот жар воззрел: стану многим», «те во́ды воззрели»; в Брихадараньяке — праны, «споря о первенстве, пошли к Брахме: кто из нас главный?» Это речения с отменённым смыслом [бессознательное не мыслит и не спорит], а такое — как «сияет сын бесплодной» — просто безмерно; и так, по безмерности одной части, безмерно и остальное — и слышимая всемирная причинность Брахмана тоже? На это говорит:
«Указание же на предстоятеля: по уточнению и вхождению».
Указание «тот жар [воззрел]» — на сознающих дэват, ПРЕДСТОЯТЕЛЕЙ жара и прочего, не на бессознательные [стихии]. Почему? «Уточнение»: «что ж, я в эти три ДЭВАТЫ [войдя]…» — жар, во́ды и пища названы «дэватами»; «те БОГИ, узнав первенство праны…» — и праны там и там уточнены словом «дэвата». И [«вхождение»:] в Айтарее слышится вхождение Агни и прочих как предстоятелей речи и прочего: «Агни, став речью, вошёл в уста; Адитья, став зрением, вошёл в очи». И смрити: «дэваты — предстоятельницы земли и прочего, прославленные силой; непостижимы их шакти, и зримы они муни». Так и в «камни плывут»: это хвала давильным камням — членам обряда — для взращения их силы; а при мосте, возведённом Шри-Рамой, она [сбылась] буквально. Так что нигде нет ненадёжности Веды — тем указана и речённая ею единопричинность Брахмана.