अथेतरद्युर् अपि प्रभात एव सभाम् उपविश्य विभातेषु वैश्यजातेषु स्निग्धकण्ठ उवाच—कदाचिद् दामोदरमासि दरान्ववसाने, सामोदा यशोदा प्रातर् बालगोपालं शयानम् उन्मीलन्निभनेत्रनीलनलिनयुगलं निभाल्य शनैर् एव करकिशलयेन पल्यङ्काद् उपरि तल्प एव परिलाल्य पुनर् असूषुपत्कल्पम् । तस्माद् अल्पम् अल्पं निष्क्रामन्ती चालिन्दं विन्दमाना प्राह्णेतराम् अह्नाय निजालयव्ययसम्बन्धि दधि कतिपयं निचितनिचयग्रन्थिर् मन्थितुम् आरेभे । यस्मिन्न् अहनि सहनन्दनामन्दस्यन्दनारोहिणी रोहिणी प्रणयमययन्त्रणया निमन्त्रणया श्रीमदुपनन्दमन्दिरं विन्दमानासीत् । परिजननार्यश् च स्वस्वकार्यातिशयपर्यायपर्यापणाय गताः । कार्यातिशयश् चायं हायनशीर्षायमाणमार्गशीर्षागमे जनवर्गमहितमहेन्द्रमहामहः कुलपरम्पराविहितः सन्निहित आसीद् इति ।
athetara-dyur api prabhāta eva sabhām upaviśya vibhāteṣu vaiśya-jāteṣu snigdhakaṇṭha uvāca—kadācid dāmodara-māsi darānvavasāne, sāmodā yaśodā prātar bāla-gopālaṁ śayānam unmīlan-nibha-netra-nīla-nalina-yugalaṁ nibhālya śanair eva kara-kiśalayena palyaṅkād upari talpa eva parilālya punar asūṣupat-kalpam | tasmād alpam alpaṁ niṣkrāmantī cālindaṁ vindamānā prāhṇetarām ahnāya nijālaya-vyaya-sambandhi dadhi katipayaṁ nicita-nicaya-granthir manthitum ārebhe | yasminn ahani saha-nandanāmanda-syandanārohiṇī rohiṇī praṇaya-maya-yantraṇayā nimantraṇayā śrīmad-upananda-mandiraṁ vindamānāsīt | parijana-nāryaś ca svasva-kāryātiśaya-paryāya-paryāpaṇāya gatāḥ | kāryātiśayaś cāyaṁ hāyana-śīrṣāyamāṇa-mārgaśīrṣāgame jana-varga-mahita-mahendra-mahā-mahaḥ kula-paramparā-vihitaḥ sannihita āsīd iti |
На другой день, также с утра, когда вайшьи расселись в собрании, Снигдхакантха сказал: «Однажды, в месяц Дамодары, на исходе ночи, радостная Яшода утром, увидев, что маленький Гопала спит, приоткрыв свои глаза — пару синих лотосов, — тихонько приласкала Его ладонью-ростком на постели над колыбелью и снова почти усыпила. Потом, потихоньку выйдя, она пришла на террасу и ранним утром, крепко завязав узел, начала сбивать немного простокваши, нужной для хозяйства. В тот день Рохини с сыном, по настойчивому приглашению, полному любви, уехала в быстрой колеснице в дом Шри Упананды. А служанки ушли каждая по своим делам. Дел же было много: приближалась маргаширша, начало года, и с ней великий праздник великого Индры, чтимый всем народом, установленный преданием рода.
9370fa3d78e0 · प्रकाशित 24 सित॰ 2026, 7:14:36 pm UTC
उपलब्ध भाषाएँRUश्लोक बदलें इन कुंजियों से
Месяц Дамодары — картика (октябрь–ноябрь). Игра о Дамодаре — «Бхагаватам» 10.9.