अथ सापलापं स्पष्टम् अभ्याचष्ट—
श्रीहरिणारिष्टे विद्विष्टे क्लिष्टेन च कंसेन वर्षं यावन् न कश्चित् प्रस्थापितः ।
केशी च गच्छन् पुनः स्ववेश्म प्रवेशितः । वृथा वैरं मा कृथा इति ।
अथ मुख्यमाघकृष्णैकादश्यां कश्चिद् दिविष्ठः सार्वदिकज्ञानमहिष्ठस् तं प्रति प्रतिकूल एव सन्न् अनुकूल इव श्रीवसुदेवस्य रहस्यं वृत्तम् अनुवृत्तं चकार येन खलु रामकृष्णाव् अपि वसुदेवसुततयोदायसाताम् ।
ततश् च तत्कृतप्रतिरोधाद् धन्तुम् अशक्यतया वसुदेवदेवक्यौ पुनर् मङ्क्षु लोहशृङ्खलया कारागारे क्रुद्धेन सता सतां विरुद्धेन तेन निरुद्धे ।
atha sāpalāpaṁ spaṣṭam abhyācaṣṭa—
śrī-hariṇāriṣṭe vidviṣṭe kliṣṭena ca kaṁsena varṣaṁ yāvan na kaścit prasthāpitaḥ |
keśī ca gacchan punaḥ sva-veśma praveśitaḥ | vṛthā vairaṁ mā kṛthā iti |
atha mukhya-māgha-kṛṣṇaikādaśyāṁ kaścid diviṣṭhaḥ sārvadika-jñāna-mahiṣṭhas taṁ prati pratikūla eva sann anukūla iva śrī-vasudevasya rahasyaṁ vṛttam anuvṛttaṁ cakāra yena khalu rāma-kṛṣṇāv api vasudeva-sutatayodāya-sātām |
tataś ca tat-kṛta-pratirodhād dhantum aśakyatayā vasudeva-devakyau punar maṅkṣu loha-śṛṅkhalayā kārāgāre kruddhena satā satāṁ viruddhena tena niruddhe |
छन्द अज्ञात
И, умалчивая, он ясно поведал: «Когда Шри Хари расправился с враждебным Ариштой, удручённый Камса целый год никого не посылал. И Кеши, уже собравшегося в путь, он вернул домой: „Не заводи напрасной вражды“. А потом, на одиннадцатый день тёмной половины месяца магха, некий небожитель, великий знанием всех времён, будто бы из доброжелательства, а на деле против него, рассказал Камсе тайну Шри Васудевы — и Рама с Кришной открылись как сыновья Васудевы. Тогда, не в силах их убить, потому что тот же небожитель помешал, злобный враг добрых снова бросил Васудеву и Деваки в темницу, заковав в железные цепи.
29a4b2195dd8 · प्रकाशित 24 सित॰ 2026, 10:59:25 pm UTC
उपलब्ध भाषाएँRUश्लोक बदलें इन कुंजियों से