तदनन्तरमविलम्बमेवानया तनयो लभ्यतामिति स्वयमेव मूर्च्छया त्यज्यमानेव सा पुनः संज्ञामवलम्ब्य “हंहो के जानीथ, कथयत, केनाप्यपहृतं मेऽपत्यम्, क्व गताहं लप्स्ये” इति प्रबलतरपवनभुग्नलवलीलतेव मलिना पदे पदे स्खलन्ती व्रजपुरपुरन्ध्रीजनैर्धार्यमाणापि सोरस्ताडनमुच्चैस्तरां रुदती विगलितचिकुरकलापा करुणस्य मूर्तिरिव यावत् पुरतोरणमाससाद, तावदेव “किमिदं विना वात्यामेव निपतितं गिरिशृङ्गम्, किमयं पृथिव्या एव मृतगर्भः, किमयं नभसो गलित एव मांसपिण्डः, किमयं दिशामस्थिसङ्घातः, किमयं राक्षसीदेहः” इति परितो धावद्भिराभीरैस्तदुरसि निःसाध्वसमेव खेलन्तं सर्व एव मां पश्येयुरिति करुणया तद्व्यपदेशेन बहिर्भूतमिव, महागिरिवरोपरि जलधराङ्कुरमिव लीलाशिशुं तमालोक्य “अहो अद्भुतमिदं पुरनिवेशसमये येयमवलोकिता, सैवेयं व्रजपुरपुरन्दरनन्दनद्रोहार्थमागता, स्वयमेव तेनैवापराधेन ननाशेति किमहो भाग्यमस्माकम्” इति वितर्कयद्भिर्दृश्यमाना एव व्रजपुरपुरन्ध्र्यो गिरितटमिव तद्देहमारुह्य तदुरस्तः स्मितसुभगवदनमकुतोभयं तमादाय करात् करान्तरमुपसादयन्त्यो व्रजपुरेश्वरीं प्रति—“अयि! सुकृतिनि! तनयोऽयमयं ध्रियतां ध्रियताम्” इति यदोचुस्तदा तदुदीरितां गिरमपि स्वप्नवाणीमिव मन्यमाना “किं प्रतारयन्ति मां भवत्यः” इति शोकग्रहाभिभूतेव सा यदा न प्रत्येति, तदोत्सङ्गेऽर्पितस्य सुतस्य स्पर्श एव प्रत्याययाञ्चकार ॥12॥
tadanantaramavilambamevānayā tanayo labhyatāmiti svayameva mūrcchayā tyajyamāneva sā punaḥ saṁjñāmavalambya “haṁho ke jānītha, kathayata, kenāpyapahṛtaṁ me'patyam, kva gatāhaṁ lapsye” iti prabalatarapavanabhugnalavalīlateva malinā pade pade skhalantī vrajapurapurandhrījanairdhāryamāṇāpi sorastāḍanamuccaistarāṁ rudatī vigalita-cikurakalāpā karuṇasya mūrtiriva yāvat puratoraṇamāsasāda, tāvadeva “kimidaṁ vinā vātyāmeva nipatitaṁ giriśṛṅgam, kimayaṁ pṛthivyā eva mṛtagarbhaḥ, kimayaṁ nabhaso galita eva māṁsapiṇḍaḥ, kimayaṁ diśāmasthisaṅghātaḥ, kimayaṁ rākṣasīdehaḥ” iti parito dhāvadbhirābhīraistadurasi niḥsādhvasameva khelantaṁ sarva eva māṁ paśyeyuriti karuṇayā tadvyapadeśena bahirbhūtamiva, mahāgirivaropari jaladharāṅkuramiva līlāśiśuṁ tamālokya “aho adbhutamidaṁ puraniveśasamaye yeyamavalokitā, saiveyaṁ vrajapurapurandaranandanadrohārthamāgatā, svayameva tenaivāparādhena nanāśeti kimaho bhāgyamasmākam” iti vitarkayadbhirdṛśyamānā eva vrajapurapurandhryo giritaṭamiva taddehamāruhya tadurastaḥ smitasubhagavadanamakutobhayaṁ tamādāya karāt karāntaramupasādayantyo vrajapureśvarīṁ prati—“ayi! sukṛtini! tanayo'yamayaṁ dhriyatāṁ dhriyatām” iti yadocustadā tadudīritāṁ giramapi svapnavāṇīmiva manyamānā “kiṁ pratārayanti māṁ bhavatyaḥ” iti śokagrahābhibhūteva sā yadā na pratyeti, tadotsaṅge'rpitasya sutasya sparśa eva pratyāyayāñcakāra ||12||
Потом, словно само беспамятство оставило её, чтобы она скорее нашла сына, она пришла в себя: «Ах, кто знает — скажите! Кто-то похитил моё дитя, куда мне идти, где найти его?» — и, как лиана лавали, сломанная сильным ветром, бледная, спотыкаясь на каждом шагу, хоть женщины Враджа и поддерживали её, бия себя в грудь, громко рыдая, с распущенными волосами, словно воплощённое сострадание, дошла до ворот. А пастухи, сбежавшиеся отовсюду, гадали: «Что это — вершина горы, упавшая без бури? Мёртвый плод Земли? Ком плоти, упавший с неба? Груда костей сторон света? Тело ракшаси?» — и увидели этого младенца-игруна, что без страха играл у неё на груди, словно из милости вышел наружу, чтобы все его увидели, — словно росток тучи на вершине большой горы. «Чудо! Ведь это та, кого мы видели, когда входили в город! Она пришла погубить сына владыки Враджа — и сама погибла от своего же злодейства. Какое же нам счастье!» — рассуждали они, а женщины Враджа, на их глазах взобравшись на её тело, как на склон горы, взяли с её груди Его — улыбающегося, ничего не боящегося, — и, передавая из рук в руки, сказали владычице Враджа: «Эй, счастливица! Вот твой сын — держи, держи!» Она же, одержимая горем, приняла их слова за слова сна: «Зачем вы меня обманываете?» — и не верила, пока её не убедило прикосновение сына, положенного ей на колени.
782914a8f69d · опубликовано 28 сент. 2026 г., 22:32:50 UTC
Доступно наRUЛистайте стихи клавишами
Сцена по ШБ 10.6.18–19, расширенная Карнапурой: Яшода не верит словам, верит только прикосновению.