एवं सति दूरतो मथुरातः प्रतिनिवर्तमाने व्रजपुरपुरन्दरे तदनुवर्तिनो धूमलेखामवलोक्य सन्दिहानाः स्वामिनमूचुः—“व्रजराज! किमयं द्योदेव्या आप्रपदीनो धूमलनिचोलः पवनेन व्याधूयते, किममूर्वा मूर्वाच्छवयो धरणितलमाच्छिद्य रसातलत एव महाहिमण्डलीफणमणिविशेषभासो विश्रमेव जगदण्डभाण्डविवरं पिदधति, किंवा, दिक्करिण एव परस्परं युध्यमाना इतस्ततो धावन्ति, किंवा, जलधरा एव भुवि निपत्य पुनरुद्गच्छन्तो मलिनयन्ति दिशां मुखानि, किंवा, धरणिरेव रजोभावमासाद्य दिवमारोहति, किंवा, अकालसन्तमसान्येतानि” इति ॥17॥
evaṁ sati dūrato mathurātaḥ pratinivartamāne vrajapurapurandare tadanuvartino dhūmalekhāmavalokya sandihānāḥ svāminamūcuḥ—“vrajarāja! kimayaṁ dyodevyā āprapadīno dhūmalanicolaḥ pavanena vyādhūyate, kimamūrvā mūrvācchavayo dharaṇitalamācchidya rasātalata eva mahāhimaṇḍalīphaṇamaṇiviśeṣabhāso viśrameva jagadaṇḍabhāṇḍavivaraṁ pidadhati, kiṁvā, dikkariṇa eva parasparaṁ yudhyamānā itastato dhāvanti, kiṁvā, jaladharā eva bhuvi nipatya punarudgacchanto malinayanti diśāṁ mukhāni, kiṁvā, dharaṇireva rajobhāvamāsādya divamārohati, kiṁvā, akālasantamasānyetāni” iti ||17||
Тем временем владыка Враджа возвращался издалека, из Матхуры, и его спутники, увидев полосу дыма, в сомнении говорили господину: «Царь Враджа! Не тёмное ли покрывало небесной богини до самых стоп колышет ветер? Не исполинские ли змеи, тёмные, как растение мурва, поднялись из преисподней и, сияя самоцветами на капюшонах, закрывают щель во вселенском яйце? Не слоны ли сторон света бегут туда-сюда в сражении? Не тучи ли, упав на землю, вновь поднимаются и темнят стороны света? Не сама ли земля, став пылью, поднимается в небо? Не безвременная ли это тьма?»
396d3b834b39 · опубликовано 28 сент. 2026 г., 22:32:50 UTC
Доступно наRUЛистайте стихи клавишами
Возвращение Нанды из Матхуры (ШБ 10.6.31–33). Спутники не понимают, что за столб дыма.